1 PIYER 4:1 - Bible Zulgo

¹ Kurum kà sərum, akahər ata Yesuw Kiristi aka sèwèreba are ka, hinne. Aɗaba taŋa, kurum tekeɗe, gəsum gəzləŋ i təv mesewere are ya, kamala ŋgat ana a gəs gəzləŋ, a sèwèr are ya mbaŋa. Aɗaba wur ana à sèwèrebe a are a ba ŋgar kataya ya ka, a ta me a aka bakal asa tsa.

1 PIYER 4:1 ပူးပေါင်းရင်းမြစ်များ

Markus 3:3

Yesuw a gwaɗa a wele ata makula ahər ŋa ya: «Hitse aà mbulum, dara, ka hitse aka miɗ mburma.»

RUMA 6:11

Kamala taŋa ya, kurum tekeɗe, fə̀rum aà ba kurum ka, kamala ana kurum gà məməta ŋa ya na i təv mege bakal a mbaŋa. Ama sərum dər, kurum a riŋ mandza ŋa nda gà mesife ika miɗ Mbulum ka, aɗaba mendze kurum ana i təv ilik ŋa nda gà Yesuw Kiristi ya.

RUMA 6:2

Awaŋ, kataya tsa. Aɗaba kà nekwa ika miɗ bakal ka, kamala ana gà məməta ŋa ya. Dite dze ana, meme na ki mèkwe a aà mandza i bakal asa ya?

RUMA 6:7

Aɗaba na wura aka mət ka, bakal a sle a aà makwàrà ŋgat asa tsa.

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

GALATIYA 5:24

Aɗaba gà mburma ana tar gà biy *Kiristi ya ka, ti niw gà dukw ana ŋgwal ŋa tsa, meèweke ba tar a waya ya. Ar ka, kamala ana tə ndwandway gà dukw ata aà dizl magə̀làwà ŋa ya.

EFESIYA 6:13

Aɗaba taŋa, gəsum gà dukw ahər ana tserdze Mbulum a dza a kurum a ɓəŋɓəŋ lele, na dite ki ŋgetwim a ndzəɗa, ki ŋgirzlwim a ika miɗ gà ɓəzla mene are kurum ata ya. A pat ana ta beze a kurum a za ya ka, ta mbè aà kurum a tsa, haa a pat mandəva dər ŋa.

FILIPIYA 2:5

Gwim gà dukw ata ka, kəla pat, kamala madzala gà gər Yesuw Kiristi ana a waya ya.

IBƏRANIKWA 12:3

Dzalum a təv Yesuw ana a gəs gəzləŋ i təv mesewere are ana a sèwèr akahər ata ya, dite meme na ndelèɓ ndelèɓ a sèwèr are i ahər gà ɓəzla bakal ata ti ner are ya ya. Dzalum a təv ŋgar, na dite a me a kurum a à ndzəɗa a ba, ki ywim a ba tsiye.

IBƏRANIKWA 4:10

Mbulum a ndəv à megemir ŋgar, na dite a sifik ba ya. I təv kwa kinehe tekeɗe, kataya mbaŋa. Wur ana a de a a təv mendze ŋgar ata zayya ŋa, à sifik a ba iɗəm a ka, a ge a megemir asa tsa, megemir aka ndəv kuɗa.

1 PIYER 2:21

Aɗaba aà medzibe megemir ata na Mbulum a zal a kurum a, na mege kàa gwim dukw ana ŋgwal ŋa ya ya. Aɗaba Yesuw Kiristi nda gər ŋgar tekeɗe ka, aka sèwèr are hinne, agəra kurum mbaŋa. Taŋa ka, a ɗif a kurum a à vatwa mesewere are, dite ka, ki gwim kamala ana ŋgat a ge ya.

1 PIYER 3:18

Yesuw Kiristi nda gər ŋgar a mət ka, aɗaba bakal kwa. A pəl dər à kwa i bakal a sik ilik pəra, gər melik tsara. Ŋgat ka, mala ndzer ŋa, bakal ŋgar a riŋ tsa. Ama a mət agəra gà mburma ana ta gewa bakal a, dite na à dzik a kwa a təv Mbulum a. Gà mburma ta kəɗ ŋgat. Ama Mezite Mesife Mbulum a mbəl à ŋgat a mesife asa.