1 PIYER 3:8 - Bible Zulgo

⁸ Taŋa, i ndìv a à bazlam aaha nda magwàɗà a kurum tserdze: Ndzum ka, madzala gà gər kurum ma ge ka, ilik tserdze na ika magər kurum a. Ndzayum ba are tsehe, dite ka, wayum ba kurum lele, aɗaba kà nwim ka, nda gà damər na kurum ika vatwa Mbulum a. Zlakum ba ika magər kurum ilik ilik tserdze. Hənum ba à gər a bəɗ lele.

1 PIYER 3:8 ပူးပေါင်းရင်းမြစ်များ

Mata 18:33

Ama kər ka, ki zlèk a damər yak, kamala ana i zlak kər a te tsəna, meme?>

Luka 10:33

I dəba ŋa ya, Samariya duwa a de a a təv ŋa nda gà hezweŋe. Aka daha nda taŋa mbaŋa asa. A ŋgataha a wele ata ka, a ndzer are tsehe hinne.

Gà Ɓəzla Meslire 2:1

A pat Pantakwasta *megirive gà Yahuda ana a ndzera ya ka, gà ɓəzla magəsa Yesuw nda gəzləŋ mayahaba gər ŋa i təv ilik ŋa asa mbaŋa.

Gà Ɓəzla Meslire 27:3

Aləka mbulum a də̀v ndidwe ŋana ka, mì ndze a kwite Sidun. Mì daha ka, sliwdze aaha ndeɗiŋa tə zalar Yuliyus a, a ge ŋgwal a Pul hinne. A vəlar vatwa aà məfə̀rà aka gà masla ŋgar ana i fataya, dite ta vəlar gà duwa, ta ger gər lele.

Gà Ɓəzla Meslire 28:7

Ama wele duwa a riŋ ika ahəɗ ata, batsah tar ŋa. Zləm ŋgar Pubiliyus. Ga ŋgar a riŋ, nda gà gùvàh ŋgar hinne bise nda təv ata mər iɗəm a. Wele ata a gəs mər nda maŋgayaba lele. Mì ndza i ma ŋgar mehinne makər.

Gà Ɓəzla Meslire 4:32

Gà mburma Mbulum ka, tar mandza ŋa i təv ilik ŋa lele. Mawàyà ba tar ibam, nda gəzləŋ ilik ŋa asa. Wura ilik ika magər tar, aka fə̀r aà duwa ŋgar ka, kamala na biy ŋgar à gər ŋgar a tsa. Ama dukw ana tàa ŋgat a ka, ti dzèye ba a ika magər tar tserdze.

RUMA 12:10

Wayum ba ika magər kurum, aɗaba ana kurum ka, nda gà damər ika vatwa Mbulum a. Ku weke mə̀ fə̀r aà damər ŋgar ka, hə̀zkə̀kə̀mma batsah ŋa kamala ana a za ŋgat ŋa ya.

RUMA 15:5

I heme a Mbulum, mala məmàha à arəv a mburma, nda məvəla tar ndzəɗa, na dite ta mir aba a dzəŋdzəŋ a. I hemer a ka, i waya mə vəl a kurum madzala gà gər ilik ndəɓəts a təv ilik ŋa, ki zezemwim a dukw Yesuw Kiristi ana a ge akahər ata ya,

1 Kurintiya 1:10

Gà damər gà, iye ihər i ge a kurum a kamkam nda zləm Yesuw Kiristi BATSAH kwa ŋa: Bazlam kurum ma ge ka, ilik pəra, tsəka, wùràpə̀ppa ka ndzakum ba ikaba ya təv pampam tsa.

1 Kurintiya 12:26

Na dzerisl ba ŋgiɗ ilik a riŋ a wir a ka, gà təv ŋgiɗ aaha tserdze ya, ta wireye a mbaŋa. Na bəla tì zlibe a à təv ŋgiɗ ka, gà asiŋ ŋa aaha tserdze ya tekeɗe, ta ŋgeye a ba mbaŋa. Ku mege weke, ika magər kurum ka, aka ne dzerisl ba ŋgar.

EFESIYA 4:2

Hənum à gər kurum a bəɗ kəla pat. Dzum akaba ahəm lìfèɗìɗe lele, dite gəsum gəzləŋ i təv gà dukw ana ŋgwal ŋa tsa ika magər kurum a. Ama ka, wayum ba kurum ilik ilik tserdze ivaɗ.

EFESIYA 4:31

Miyakum à məpala ba ahəm ana ika magər kurum a, gəzləŋ ma tərfə̀ɗ a kurum nda matsəɓatsəɓ asa tsa. Ama ki gwim maàga asa tsa. Mendeve ibam, ma ta ge ika magər kurum ɓav tsa asa. Ama ka, ka ta gwim ba swalwa ɓav tsa asa.

EFESIYA 4:32

Ki sirwim a ba a ahəm ka, lìfèɗìɗe lele, gà mburma na ti ndze a kurum a are tsehe ya ivaɗ. Pə̀lum aba à bakal ilik ilik tserdze, kamala Mbulum ana a pəl a kurum dər aɗaba kurum ana gà mburma Yesuw Kiristi ya.

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

FILIPIYA 3:16

Ama kəla ka, ku mege meme tekeɗe, say zazamakwa ka, vatwa ana ki tèkwe a dər, kà zazamakwara haa kinehe ya.

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

IBƏRANIKWA 13:1

Wayum ba ilik ilik tserdze ika magər kurum, ma da aka miɗ aka miɗ, aɗaba kurum ika vatwa Yesuw ka, kurum nda gà damər.

YAKUBA 2:13

Na wura ɗa ika magər kwa, mburma a ndzer are tsehe tsəka, wur ata tekeɗe, i təv ana Mbulum a ta ger a seriye ya ka, a ndzer a are tsehe tsa mbeete. Ama na mburma aka ndzek are tsehe ka, kər tekeɗe, ki ti ndze a are tsehe a Mbulum ika miɗ seriye mbaŋa.

YAKUBA 3:17

Ama metsehe ana ndzer ŋa a dere a i təv Mbulum i gər ŋa ya ka, pam, tsəka, duwa a riŋ ihər manəsa ŋa tsa. A ndze a ka, tsəɗaŋŋa. Na wura a ndze a nda gà medzibe metsehe ata i gəzləŋ ŋgar ka, a zlere a mandza zayzay a, nda masə̀ràba ya, nda gà magəsa aba ahəm a. Dite ŋgat asa ka, mburma a ndzer a are tsehe hinne. A ge a ka, dukw ana ŋgwal ŋa ya kəla pat. A wele a ikaba mburma ya tsa. Melèvekè nda məbànà mburma i təv ŋgar tsa asa mbaŋa.

YAKUBA 5:11

Kwa ihər ki gweɗekwe aà ter a ka, tar gà ɓəzla maŋgayaba, Mbulum aka pise a tar ahəm, aɗaba ana ta mər aba ya. Kàa tsarakum magəsa gəzləŋ Ayuba mbaŋa, meme na a mà aba à arəv i təv mesewere are ana a sèwèr a. Ama kà sərum dukw ana Mbulum a vəlar i dəba mesewere are ŋgar ata a sèwèr a mbaŋa asa. Aɗaba mburma a ndze a are tsehe a Mbulum ka, hinne. A ge a ter a ŋgwal ŋa kaɗəŋ.

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

1 PIYER 2:17

Zlə̀bum à mburma tserdze, wayum gà asiŋ gà damər kurum ana ti zezem a Yesuw Kiristi ya. Gwim magəɗa a Mbulum kəla pat. Zàmbaɗum à Əbay batsah ŋa ana a kwere a mburma ya mbaŋa.

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*

2 Piyer 1:7

Na kàa hənum à gər a bəɗ ka, wayum ba lele, aɗaba kurum ka, nda gà damər na ika vatwa Mbulum a. I təv mawàyà ba kurum ata ya mbaŋa ka, wayum gà asiŋ gà mburma ilik ilik tserdze mbaŋa.

1 Yuhana 3:14

Aɗaba kwa kà sərakwa kinehe ka, kwa i təv məməta asa tsa, kàa tàkwara iɗəm a. Kàa ŋgatakwa mesife ana awiya ŋa ya. Dite meme na ki sirekwe a dər ka, kàa ŋgatakwa mesife ata awiya ŋa ya ya? Ki sirekwe a dər ka, aɗaba ana ki weyekwe a gà damər kwa ana ika vatwa Mbulum a. Na wura a waya gà damər ŋgar ata tsəka, ar ka, i məməta hiywe mba.