1 PIYER 3:7 - Bible Zulgo

⁷ Kurum gà asləka tekeɗe, ndzum nda gà mə̀kə̀s kurum lele. Kurum kà sərum, ndzəɗa gà məkəs ka, a sle kamala biy kurum a tsa. Zàmbaɗum a tar, aɗaba tar tekeɗe ka, Mbulum a vile a ter a mesife taf masakəŋana, kamala ana a vile a kurum a ya mbaŋa. Gwim kataya, aɗaba duwa ilik ma tə sàs ikaba mahàmà a Mbulum kurum ana ki hemwimer a ya tsa.

1 PIYER 3:7 ပူးပေါင်းရင်းမြစ်များ

Mata 18:19

Iye ihər i gweɗe a kurum a asa: Na mburma sula ika magər kurum a, tàa dza akaba ahəm ika gər ahəɗ, aɗaba dukw ana ta wiz a aà iye a nda meheme ya ka, ta ŋget a i təv Mbulum Tsir gà ana i gər ŋa ya ndzer.

1 Kurintiya 7:3

Asləka ma ge a məkəs ŋgar ka, dukw ana a dar a gər lele ya. Məkəs tekeɗe ka, ma niw aba a zal ŋgar tsa mbeete.

EFESIYA 3:6

Dukw ata Mbulum a ɗif dər a ka, kurum gà mburma ana gà Yahuda tsiye tekeɗe, ki ta ŋgetwim a dukw ana a vile a a gà Yahuda ya mbaŋa. Kurum nda gà Yahuda ka, kàa nwim ba ilik. Aɗaba kurum tekeɗe, kurum i dukw ana Mbulum aka mbər megweɗe i sida ya ka, i ta vile a a gà mburma Yesuw Kiristi ya mbaŋa. A ta vile a a kurum a gà dukw ata tserdze ya ka, agəra ana kàa gəsum bazlam ŋgwal ŋana nda gəzləŋ kurum a.

EFESIYA 4:30

Kà sawarum are a Mezite Mesife Mbulum tsa. Aɗaba Mezite Mesife ata ka, lambà ana Mbulum a ge aà kurum a. A ge aà kurum ka, aɗaba ana kurum gà mburma ŋgar a, dite a ta mbil a dər à kwa fit a pat ŋgar ana a tike ya mbaŋa.

EFESIYA 5:33

Aɗaba taŋa kurum tekeɗe, say ku weke ma waya məkəs ŋgar kamala ba ŋgar ŋa ya. Kurum gà məkəs tekeɗe, hənum à gər a bəɗ a gà zal kurum mbaŋa.

EFESIYA 6:18

Hamum a Mbulum nda gəzləŋ ilik kəla pat, dite gwimer kamkam nda ndzəɗa Mezite Mesife ŋgar. Ka ti ywim ba tsa, ndzum nda metsehe, hamum a Mbulum kəla pat agəra gà asiŋ gà mburma ŋgar ŋgiɗ.

KULUSIYA 3:19

Kurum gà zal tekeɗe, wayum gà məkəs kurum lele mbaŋa, kə kwarum akaba tar tsa.

1 TESALUNIKE 4:4

Taŋa ku mege weke ika magər kurum ka, tə ndza nda məkəs ŋgar ndaka vatwa ŋa lele, kamala ana a tsahən aà Mbulum a, mburma tə ta ŋgat vatwa aà məma à kurum a bakal tsidze.

TITUS 3:7

A ge dər kamala taŋa ya ka, na dite kə̀ ŋgatakwa mesife ana à ndìv a tsa, kà sərakwa dər ka, a ta vile a kwe a ndzer a. A ta ge a kataya ka, aɗaba ana Mbulum a ge a kwa ŋgwal ŋa nda ahər Kiristi ya, dite araha na kinehe kà nekwa tsəɗaŋŋa ika miɗ ŋgar a.

IBƏRANIKWA 1:14

Dite gà gawla Mbulum dze ana, gà dukùla? Tar ka, gà ɓəzla megemir Mbulum ɗekɗek pəra, a slir a tar aà mazlàkà gà mburma ana a sasar ta mbala ya.

1 PIYER 3:1

A kurum gà məkəs, hənum à gər a bəɗ a zal kurum. Aɗaba na kàa gwim kataya ka, gà zal kurum ana tàa gəs bazlam Mbulum tsiye ka, bəla ta mbìɗ a à gəzləŋ tar. Ta gis a Mbulum nda gəzləŋ tar mbaŋa, ku mege kàa fàfəlum a tar agəra bazlam Mbulum tsa tekeɗe ya.