1 PIYER 3:4 - Bible Zulgo

⁴ Ama ka, ŋgulum gà matsahəna ba kurum mə̀ pàtara ka, i gəzləŋ a ivaɗ. Hənum à gər kurum a bəɗ tiɓìzl, aɗaba medzibe metsehine ata a ne ŋgwal ŋa ika miɗ Mbulum, à nis a tsidze ya.

1 PIYER 3:4 ပူးပေါင်းရင်းမြစ်များ

Mata 11:29

Aɗaba iye ka, ŋgwal mburma lele, i sèwèr a kurum a are tsa. Gəsum ahəm gà lele, nwim ka, kamala gà sla ana ti tike aka ter a zukw, ta fìt a dər a. Ki sinikwim a ba à dukw ana i ge a ya, dite ka, gəzləŋ kurum ma ndza zayya lele kuɗa.

Mata 21:5

A gwa: «Mbulum a gwa ka, dumaha, gwaɗumaha a gà mburma ana i Yeruzalem a ka, araha, Əbay kurum naha, a dehe a a təv kurum. Ama a dehe a ka, nda ndzəɗa tsa, nda mahə̀nà à gər a bəɗ, aɗaba ŋgat a tsil a aka hezweŋe ata nda gà kəla ihər a.»*fa*

Mata 23:26

Iye ihər i gweɗekiŋa, a kər Farisa aaha guluf ŋa ya: Barra i huɗ gəzləŋ yak a dzekwiŋ, dite ndaka gər bəra tekeɗe, à pèt a lele kuɗa ya.

Mata 5:5

Maŋgayaba i təv gà na tiɓìzl ta həna à gər tar a bəɗ, ti ne aba kamala gà ɓəza ndirkiz a, aɗaba Mbulum a ta vile a ter a mekwere gər ahəɗ tserdze.*fa*

Luka 11:40

Kurum ka, metsehe kurum a riŋ tsa, tsəna, wànà Mbulum ana a ge dəba ŋana, aka ge huɗ ŋa ti tsiye?

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

RUMA 1:23

Tar ka, ta miyak à mazàmbàɗà à Mbulum ana mezlibe ŋgar a riŋ hinne, dite ŋgat asa ka, a ndze a aà biybiy a. Tə zàmbaɗawa ka, a gà dukw ana ta geye nda ahər tar, ti ne dər kamala gà Mbulum tar a ivaɗ. Gà dukw ata ka, gà asiŋ ŋa ti ndzikiɗ ba gà mburma ana tar ka, ta mìt a ya. Dite gà biy ŋgiɗ ti ndzikiɗ ba gà ɗiyeŋ, gà biy ŋgiɗ ibam, tar ka, kamala dukw dala ana ti de a nda sik faɗ a. Dite gà biy ŋgiɗ asa mbaŋa ka, ti ndzikiɗ ba gà dukw ana ti de a nda huɗ a.

RUMA 2:29

Gà Yahuda ndzer ŋana ka, say wele ana Mbulum aka mbəɗ à gəzləŋ ŋgar a ivaɗ. Dite na a ne masàsà ba ndzer ŋana asa ka, masàsà ba biy Mezite Mesife Mbulum ana a da a gəzləŋ mburma ya, tsəka, nda mazazama məpala ahəm ana ta wetse i wakita ya tsa. Mbulum na a vile a mezlibe a medzibe gà mburma ata ya, tsəka, mburma tsa.

RUMA 6:6

Kà sərakwa lele, i təv ana Yesuw Kiristi a mət aà dizl magə̀làwà ŋa ya ka, Mbulum aka ndwandway ahər mendze kwa ana ŋgwala tsa, kà ndzawakwa ɗa miviye ŋa piŋŋe ya mbaŋa. A ge dər kataya ka, dite mendze kwa ata ma dzeye iɗəm a. Taŋa ka, ka ta gə̀sakwa ahəm aà bakal kamala ana kwa gà ɓele ŋgar a asa tsa.

RUMA 7:22

I gəzləŋ kwa ka, a sàs a kwa mazazama məpala ahəm Mbulum nda maŋgayaba ŋa kaɗəŋ.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 4:16

Aɗaba taŋa na ki zlèkwe a ihər madzala gà gər kwa tsidze ya. Aɗaba ku mege ndzəɗa ba kwa mà nikiɗ tekeɗe ka, Mbulum a vile a kwe a ndzəɗa awiya ŋa a gəzləŋ, aà mazazama vatwa ŋgar kəla pat.

GALATIYA 5:23

Tar gà ɓəzla mahə̀nà à gər a bəɗ, ta kwere a ba tar lele. Gà na ta ge a kamala taŋa ya ka, seriye Mbulum à gis a tar tsidze.

EFESIYA 4:2

Hənum à gər kurum a bəɗ kəla pat. Dzum akaba ahəm lìfèɗìɗe lele, dite gəsum gəzləŋ i təv gà dukw ana ŋgwal ŋa tsa ika magər kurum a. Ama ka, wayum ba kurum ilik ilik tserdze ivaɗ.

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

KULUSIYA 3:3

Aɗaba kurum kà sərum ka, kàa matum. Ama Mbulum aka mbəlara à kurum i məməta ya. Dite mesife kurum ana awiya ŋa ya tekeɗe, ar ka, makàhà ŋa i təv Yesuw Kiristi i mbulum.

1 TESALUNIKE 4:11

Mərum aba lele, na dite mendze kurum ana ki ndzwim a ya ka, zayya a ge a ŋgwal ŋa ya. Dzalum aka gà dukw kurum lele. Gwim megemir nda ahər kurum ŋa, kamala ana mì tsik a kurum akahər ata ya.

2 TESALUNIKE 3:12

Medzìbe gà mburma ata ka, mìi pele a ter a ahəm nda zləm Yesuw Kiristi BATSAH kwa ŋa, mìi gweɗe a ter a ka, say ta ge megemir ndaka vatwa ŋa, dite ta ŋget a dukw mezime tar ana ti zim a nda ahər tar a ya.

1 TIMUTE 2:2

Hamumar agəra gà Əbay gà bàba ŋana, nda gà asiŋ ŋana tar riŋ ta kwere a mburma pampam asa mbaŋa. Hamumar ka, na dite ki ndzekwe a barbararra zayzay lele ya. Ki gekwe a magəɗa a Mbulum, dite ka, mede kwa tekeɗe, a ge a ika miɗ ŋgar lele ya.

2 TIMUTE 2:25

Na bəla gà ɓəzla mene are yak ta gəs mege dukw ana ŋgwal ŋa ya tsəka, ɗif a tar dər nda zèyezèye nda himmè bazlam ivaɗ. Na kàa tsik a tar kamala taŋa ya ka, biytsà Mbulum a vile a ter a metsehe, ta mbìɗ a à madzala gà gər, na dite ta gis a vatwa ndzer ŋana ya.

TITUS 3:2

Gwaɗa a tar ka, ti tsik dukw ana ŋgwal ŋa tsiye aà wura tsa. Ta gewa maàga tsa asa mbaŋa. Ama ti ne ka, gà ɓəzla magəsa gəzləŋ nda mazlə̀bà à gà mburma tserdze ivaɗ.

YAKUBA 1:21

Aɗaba taŋa, miyakum aba à dukw bakal ana tserdze ya, ki gwim asa tsa. Hənum à gər a bəɗ aka miɗ Mbulum, gəsum bazlam ŋgar ana a dzəv a gəzləŋ kurum kamala madzàvà duwa ya, dite ka, a sle a aà mimbile dər à mesife kurum kuɗa ya.

1 PIYER 1:23

Aɗaba kà sərum, Mbulum a vəl a kurum mesife awiya ŋa, nda ndzəɗa bazlam ŋgar ana a vile a mesife a mburma, diydiy à ndìv a tsiye. Kurum ka, kàa nwim gà ɓəza Mbulum ana ŋgat à mìt a tsidze ya. Ŋgat ka, kamala kwa ana ki metekwa a ya tsa.

1 PIYER 3:15

Ama zàmbaɗum à Yesuw Kiristi i gəzləŋ kurum. Ŋgat ma ne Batsah kurum ŋa.*fb* Hadzalum ba kurum kəla pat, na dite ki slwim aà mifefile a ter aaka a, a gà na ta wiz aà kurum a gà bazlam pampam tserdze, ta gweɗe a kurum a: «Aàmala na kà tikwim madzala gà gər ka, a təv Yesuw Kiristi ya?»