1 PIYER 3:17 - Bible Zulgo

¹⁷ Na a sàs a Mbulum kataya ka, ŋgulum sèwèrwim are, agəra dukw ana ki gwim a ŋgwal ŋa ya, ndəna ki sèwèrwim a are aɗaba dukw ana ki gwim a ŋgwala tsiye ya.

1 PIYER 3:17 ပူးပေါင်းရင်းမြစ်များ

Mata 26:39

A miyak à tar a fata. A da kətsah a zlawak. A daha, a kal aba a bəɗ aka ahəɗ, a dza ba aà mahàmà a Mbulum. A gwaɗar: «Kamkam Tsir gà, aka təv ana mesewere are ata aka ndzera ya ka, ma ta giŋ ba a gər tsa te, na mege a ge a ba ya. Aɗaba kər ka, kà sle aà duwa tserdze. Ama ki ge a kəla ka, kamala ana a sàsak a, tsəka, kamala ana a sèsiŋ a tsa.»

Mata 26:42

Aləka a tsik a tar aba ya kataya ka, a mbəɗ gər a zlawak asa. A daha, a hama kamala ana a lah ahər piŋŋe ya. A gwaɗa a Mbulum: «Tsir gà, na mege a ge a ba ka, zla aà iye mesewere are aaha ya, mi miyak à iye te. Ama ŋgulum ka, i sèwèr a are pəra kamala ana a sàsak a, tsəka, ma ti ne kamala ana iye i waya ya tsa.»

Gà Ɓəzla Meslire 18:21

A miyak à tar a fata. Aləka i təv ana à meh a ba ya ka, a gwaɗa a tar: «I mère a a təv kurum a mba, na Mbulum aka waya ya.» A mah ba, a da i kwite ata ya nda slə̀làh yam.

Gà Ɓəzla Meslire 21:14

I təv ana mì fə̀r ka, kwets à gis a mifefile mər ata tsiye ka, mì gəs meger kamkam asa tsa, dite mì gwaɗar: «Dukuməŋa ma ge ba, kamala ana a sàs a BATSAH kwa ŋa ya.»

1 PIYER 1:6

Aɗaba taŋa, ŋgayum ba, ku mege kurum riŋ ihər ki sèwèrwim a are agəra gà medzike ana ti dzik a à kurum a nda dukw ŋgiɗ pampam tekeɗe ya.

1 PIYER 2:15

Aɗaba a sàs a Mbulum ka, say ki gwim a dukw ana ŋgwal ŋa ya, na dite, bəla gà mburma ana tə̀ sər duwa tsa, ti niw Mbulum a ka, ma handaka a tar aka bazlam.

1 PIYER 2:20

Mezlibe kurum ana tì zlibe a à kurum a dze ana, awara, na bəla ta gə̀zl kurum ka, aɗaba bakal kurum a? Ama na bəla ki sèwèrwim a are ka, i təv dukw ana ki gwim ŋgwal ŋa ndzer na məmərà aba ki mirwim a aba a ya ka, a tsahən aà Mbulum ivaɗ.

1 PIYER 3:14

Ku mege tì sèwèr a kurum a are, aɗaba ndzer ana ki gwim a ika miɗ Mbulum a ka, ŋgayum ba hinne ika magər kurum ivaɗ asa. Aɗaba taŋa, ka ta gwim magəɗa a gà mburma ata tì sèwèr a kurum a are ya tsa. Metsehe kurum tekeɗe, mə̀ mbəɗ tsa asa.

1 PIYER 4:15

Ama na bəla wura ika magər kurum, a ge a dukw ana ŋgwala tsiye, à kiɗ a mburma nda mege akəl, kige tsa à dze akaba a mburma hèɗèk hèɗèk, dite i dəba ŋa ya, à sèwèr a are hinne agəra gà dukw ata ka, ŋgwala tsa na taŋa ya. Medzìbe gà dukw ata ka, ma ge i təv kurum tsa.

1 PIYER 4:19

Aɗaba taŋa, na wura à sèwèr a are aɗaba vatwa ana Mbulum a waya ya ka, ma ta miyak aba aà mege dukw ana ŋgwal ŋa ya tsa. Ama ka, mə vəl gəzləŋ ŋgar a ahər a Mbulum ana a ge kwa ya. Aɗaba ŋgat ka, mala slagama ŋgar, a miyek a à ŋgat tsidze.