1 PIYER 3:11 - Bible Zulgo

¹¹ Mə məsak à dukw bakal fit. Ma ge ka, dukw ana ŋgwal ŋa ya ivaɗ. Ma yaha vatwa ana gəzləŋ ŋgar a ndze a zayya ika miɗ Mbulum a.

1 PIYER 3:11 ပူးပေါင်းရင်းမြစ်များ

Mata 5:45

dite ka, nwim gà ɓəza Mbulum Tsir kurum ana i gər ŋa ya. Aɗaba Mbulum ka, a waya mburma hinne. Pat ŋgar a də̀vawa ka, aka gər gà mburma ana ta ge a dukw ana ŋgwala tsiye mbaŋa, dite aka gər gà mburma ana gà ŋgwal ŋa ya tserdze. A dzawa yam tekeɗe, kamala taŋa ya mbaŋa, tsəka, a wele a ikaba mburma ya tsa.

Mata 5:9

Maŋgayaba i təv gà na lìfèɗìɗe ti sir a ba à mburma ya, aɗaba tar ka, ti ti ne a gà ɓəza Mbulum.

Mata 6:13

Kasla mər lele ika vatwa yak a, aɗaba Əbay sitene ma dzik a mər, ma ta bana mər a bakal tsa.> {Aɗaba kər ka, Əbay, mala ndzəɗa ana a kwere a gà duwa, mburma tì zlibe à kər a tserdze aà biybiy a. *Amin.»}

Markus 14:7

Aɗaba gà ɓəzla matawak ka, tar riŋ i təv kurum kəla pat. Ki slwim a aà mazlàkà tar, kamala ana gəzləŋ kurum a waya ya. Ama iye ka, ki ndzekwe akaba a nda gà iye kəla pat tsa, i de a aà kurum a.

Luka 1:79

A ge a dzaydzay ata ka, a gà mburma ana i luvuŋ a, nda gà na i təv mezite məməta ya tserdze mbaŋa. A dzik a dər kwa aka vatwa ana zayya ŋa ya.»

Luka 6:35

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

Luka 6:9

Dite i dəba ŋa ya asa, Yesuw a gwaɗa a tar: «Iye ihər i wiz a aà kurum a bazlam ilik. Wànà məpala ahəm Mbulum a vəl vatwa dze ana, aà dukùla na a pat mesìfìkà ba ya? A gwa ana, gwim ŋgwal a mburma a pat mesìfìkà ba ya, tsəna ki gwim tsiye? A gwa ana, mbəlum à mburma ya, tsəna dzeywim à mburma ya?»

Yuhana 17:15

I heme a ka, dite kà ndzək tar ika gər ahəɗ a ɓav tsa, ama kasla tar i təv wele ana ŋgwal ŋa tsiye.

RUMA 12:18

Kurum ka, mərum aba sah aà mege dukw ata ŋgwal ŋa ya, na dite ki ndzwim a barbararra ika magər kurum nda gà mburma tserdze ya, na mege a ge a ba ya.

RUMA 14:17

I təv kwa ana kà hənakwa à gər a bəɗ a Mbulum BATSAH kwa ŋa ya ka, bazlam dukw ana ti zim a ya, ndəna ti zim a tsiye, kige tsa, masà dukw mese ka, a ge a ŋgulum tsa. Dukw ana ŋgwal ŋa i *mekwere Mbulum ivaɗ ka, Mezite Mesife ŋgar ana a ge a megemir i təv kwa ya. A zlèk a kwa aà mege dukw ana ŋgwal ŋa ya ika magər kwa, a vile a kwe a zayya, nda maŋgayaba lele asa.

RUMA 14:19

Aɗaba taŋa, mərakwa aaba aà mege dukw ana ki ndzekwe a dər zayya ika magər kwa, à zlèk a gà asiŋ ŋa aà məvə̀làba ndzəɗa ika vatwa Mbulum a sah lele.

RUMA 5:1

Kamala taŋa ya, Mbulum a ne à kwa gà ŋgwal ŋa ika miɗ ŋgar ka, aɗaba ana kə̀ gə̀sakwa ŋgat nda gəzləŋ kwa ya. Ama kinehe ka, ki ndzekwe a zayya nda gà Mbulum, agəra dukw ana Yesuw Kiristi BATSAH kwa ŋa a ge ya.

RUMA 7:19

Say ki gewakwa ka, dukw ana ŋgwal ŋa, a de a kwe a a gər a tsa. Ki gekwe a ivaɗ ka, dukw ana ŋgwala tsa, a tsahən aà kwa tsiye.

RUMA 7:21

Kamala taŋa ya, dukw ana i samata a gewa ba i təv kwa ya ka, araha: Na bəla a sàs a kwa mege dukw ana ŋgwal ŋa ya ka, tsaatsa ki gekwe a ka, dukw bakal ɗekɗek pəra.

RUMA 8:6

Aɗaba na wura a dzele a dukw ana ba ŋgar a waya ya ɗekɗek ka, à mìtiŋa. Ama wur ana a dzele a dukw ana Mezite Mesife Mbulum a waya ya ka, Mbulum a viler a mesife ndzer ŋana, nda matasla yam zayya a gəzləŋ ŋgar.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

GALATIYA 6:10

Aɗaba taŋa, daga aà kinehe ya, na vatwa a riŋ ka, gekwa ŋgwal a gà mburma tserdze. Ndeyndey ŋana ka, a gà na ta gəs Yesuw Kiristi nda gəzləŋ a mbaŋa.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

1 TIMUTE 6:18

Gwaɗa a tar ka, say ta gewa ka, dukw ana ŋgwal ŋa ya, tə̀ zlak mburma lele, ta vəl ahər fə̀làh fə̀làh. Ta ge gà ɓəzla hə̀za tsa.

IBƏRANIKWA 12:14

Yahum vatwa nda ndzəɗa kurum fit, na dite ki ndzwim a zayya lele ika magər gà mburma tserdze ya. Ki yehwim a vatwa ka, dite mendze kurum ma ge tsəɗaŋŋa ika miɗ Mbulum lele mbaŋa. Aɗaba na wura a ndze a kataya tsəka, wura ilik a ŋget a a Mbulum tsa.

IBƏRANIKWA 13:16

Mege dukw ana ŋgwal ŋa ya ka, ma ta məts a kurum gər tsa, zlakum ba lele. Aɗaba taŋa na a ne dukw masakəŋa ana a tsahən aà Mbulum a.

YAKUBA 4:17

Aɗaba taŋa, na wura a sər naha ka, dukw ana ŋgwal ŋa ya, ama a ge a taŋa tsəka, a ge a ka, bakal.

1 PIYER 3:12

Aɗaba Mbulum à fir a ka, aà gà na ta gewa dukw ana ŋgwal ŋa ya. A riŋ à dze a zləm aà meheme tar ana ta hemer a ya ka, kəla pat. Ama gà na ta gewa dukw ana ŋgwal ŋa tsiye ka, a waya magəsa ahəm tar tsidze.»*fa*

3 Yuhana 1:11

Masla gà ana i waya kər hinne ya. Kər ka, ka tə zazam mede gà mburma ana gà ŋgwal ŋa tsiye tsa. Say zazam ka, dukw ana ŋgwal ŋa ya ivaɗ. Aɗaba wur ana a gewa duwa ŋgwal ŋa ya ka, aka ne mburma Mbulum. Ama wur ana a gewa dukw ana ŋgwal ŋa tsiye ka, ŋgat ka, aka sər Mbulum zukw tsa.