1 PIYER 3:10 - Bible Zulgo

¹⁰ Aɗaba ta wetse i wakita Mbulum ka, ta gwa: «Na wura aka sasar mendze ana ŋgwal ŋa ya, nda gà bəla a waya maŋgayaba ka, say a miyek a à metsìkè dukw ana ŋgwal ŋa tsiye, mà sàs pàrsa aà mburma tsa asa.

1 PIYER 3:10 ပူးပေါင်းရင်းမြစ်များ

Mata 19:17

Yesuw a gwaɗar aaka: «Aàmala na ki wiz a aà iye a dukw ana ŋgwal ŋa ya? Ama wura a riŋ ilik na ŋgwal ŋa ya tsa, say Mbulum ilik. Na a sàsak mesife ana à ndìv a tsiye ka, say ki gis a məpala ahəm ŋgar.»

Markus 8:35

Aɗaba wur ana aka sasar məmbə̀là à mesife ŋgar ɗa ika gər ahəɗ a ka, a dzeye a dər seyiŋ ivaɗ. Ama wur ana a dzeye a à mesife ŋgar aɗaba iye, aɗaba bazlam ŋgwal ŋa aaha i tsik a ya ka, taŋa ka, a mbil a dər ivaɗ asa.

Yuhana 1:47

Aləka Yesuw a fə̀r Nataniyel a riŋ a dehe a a təv ŋgar ka, a gwa aà ŋgat: «Araha na kəla gà Isərayel ana ndzer, wirwir i ba tsidze ya.»

Yuhana 12:25

Wur ana aka waya ɗa mesife ŋgar ika gər ahəɗ aaha ya ka, aka miɗ mba ka, a dzeye a dər ivaɗ. Ama wur ana aka ge kəra i gər a mesife ŋgar a ka, wura a zle a ihər a tsa, a ne a biy ŋgar aà biybiy.

YAKUBA 1:26

Na wura ika magər kurum, aka ne à ba ŋgar mala ndzer ŋa, a gweɗe a, iye mala mazazama Mbulum, ama na aka ge metsehe a gà bazlam ana a dere a ika arah ŋgar a tsəka, a bana ba ŋgar nda mazazama Mbulum masakəŋa taf.

1 PIYER 2:1

Aɗaba taŋa, miyakum aba à gà bakal ana i gəzləŋ kurum a tserdze. Kà sàsum pàrsa asa tsa. Mimbèhè are ma ge i təv kurum tsa. Ki gwim are aka dukw mburma tsa, dite nda gà mezelme bazlam ana ŋgwal ŋa tsiye tserdze, ma ge i təv kurum tsa asa mbaŋa.

1 PIYER 2:22

Ŋgat ka, aka ge bakal duwa ilik tsidze, dite wura aka tsaraka pàrsa duwa i bazlam ŋgar a ilik tsidze asa mbaŋa.*ff*

Sunwa Yuhana 14:5

Tar ka, pàrsa a riŋ i bazlam tar tsa, dite dukw ŋgiɗ a riŋ ilik na ta ge a ka, ta me a ter a iɗəm à bakal a tsidze.