1 PIYER 3:1 - Bible Zulgo

¹ A kurum gà məkəs, hənum à gər a bəɗ a zal kurum. Aɗaba na kàa gwim kataya ka, gà zal kurum ana tàa gəs bazlam Mbulum tsiye ka, bəla ta mbìɗ a à gəzləŋ tar. Ta gis a Mbulum nda gəzləŋ tar mbaŋa, ku mege kàa fàfəlum a tar agəra bazlam Mbulum tsa tekeɗe ya.

1 PIYER 3:1 ပူးပေါင်းရင်းမြစ်များ

Mata 18:15

Yesuw a gwaɗa a tar asa: «Na wele ana aka ne damər yak, bəla aka ge bakal ka, da a təv ŋgar, dite kà fàfəlum akaba ika magər kurum sula nda ŋgat. Na aka gəs aà kər bazlam yak ata ka, taŋa ka, kàa mbəl à ŋgat i bakal ŋgar ata ya.

RUMA 10:16

Ama ku mege tàa tsaraka bazlam ata tekeɗe ka, gà mburma ndaw tsa na ta gəs nda gəzləŋ tar a. Ezaya, mala məma à guma Mbulum ana akahər ata ya tekeɗe ka, aka mbər metsike, a gwa: «Batsah mər ŋa, kù gwa ana, bazlam ana mì tsik a ana, ndaw a na ta gəs a?»*ff*

RUMA 6:17

Ama ka, ki gekwe a kəkaaha a Mbulum ivaɗ. Aɗaba piŋŋe ka, kurum gà ɓele bakal. Ama kinehe ka, kàa gəsum ahəm aà Mbulum, kàa gəsum dukw ana ndzer, ti ɗif a kurum dər a ka, nda gəzləŋ ilik.

RUMA 7:2

I ɗif a kurum a dər aka gər mendzikiɗe ba məkəs ana i bəra zal ŋgar a. Na bəla zal ŋgar a riŋ nda are mba ka, a viler a vatwa, dite mi miyak à ŋgat, ma da a zal ŋgiɗ tsa, aɗaba məpala ahəm Musa a viler a vatwa tsa. Ama na zal ŋgar aka mət ka, a sle a aà mada a zal ŋgiɗ kuɗa, aɗaba wura a peler a ahəm asa tsa, aka be iɗəm a.

1 Kurintiya 11:3

Ama a sèsiŋ ka, ki sirwim a mbaŋa, Yesuw Kiristi ka, ika gər gà asləka gà mburma tserdze. Asləka ibam, ika gər məkəs. Dite Mbulum ka, ŋgat ika gər Yesuw Kiristi mbaŋa.

1 Kurintiya 14:34

I təv ana ki yehwimebe a gər a ka, tə ndzaba ɗikɗik, aɗaba vatwa a riŋ tsa na ta fèfil a ya. Say ta həna à gər a bəɗ kamala ana məpala ahəm Mbulum a tsik a mbaŋa asa.

1 Kurintiya 7:16

A kər məkəs ana kər kàa gəs Mbulum nda gəzləŋ yak a, meme na ki sir a dər ka, Mbulum a ta mbil a à zal yak aɗaba kər a? Kige tsa kər zal ŋa mbaŋa, meme na ki sir a dər ka, Mbulum a ta mbil a à məkəs yak aɗaba kər a? Ki sirwim a tsa.

EFESIYA 5:33

Aɗaba taŋa kurum tekeɗe, say ku weke ma waya məkəs ŋgar kamala ba ŋgar ŋa ya. Kurum gà məkəs tekeɗe, hənum à gər a bəɗ a gà zal kurum mbaŋa.

KULUSIYA 3:18

A kurum gà məkəs, gəsum ahəm aà gà zal kurum lele, aɗaba taŋa ka, a tsahən aà BATSAH kwa ŋa.

KULUSIYA 4:5

Gwim metsehe aɗaba mede kurum ana ki dwim a ya. Ma ge ka, ŋgwal ŋa lele, na nda təv gà mburma ana tàa gəs Mbulum nda gəzləŋ zukw tsiye. Ku mege ndeɗime, megìse kurum mə̀ pàt, ki gwim taŋa hiywe.

2 TESALUNIKE 1:8

A dere a ka, ŋgar ŋgar, nda gà akwa məvata ŋa. A ti sèwèr a dər are a gà na ti niw Mbulum a, dite nda gà na tì dze a zləm a bazlam ŋgwal ŋa ana ti ɗif a dər aka gər ŋgar a tsiye mbaŋa.

IBƏRANIKWA 11:8

Aɗaba megìse Abəraham ana a gəs Mbulum nda gəzləŋ akahər ata ya ka, ŋgat a gəs ahər ahəm i təv ana a zalar, a gwaɗar ka: «Da aka ahəɗ ana i ɗifek a dər, i ta vilek a, a ne a biy yak a.» Ama ka, Abəraham a sər təv ana a ti ndze aɗəm a ya tsa. Ku mege kataya tekeɗe ka, a miyak à ahəɗ ŋgar ata, a mah ba, a da.*fd*

IBƏRANIKWA 5:9

Mbulum a ndəv à dukw ana a dzala, a waya aà mege nda ŋgat a ka, a ne mala məmbə̀là à gà mburma ana tserdze ta gəs ahər ahəm a, dite ka, ta ŋget a mesife ana à ndìv a tsa aà biybiy a.

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

1 PIYER 3:2

Aɗaba gà zal kurum tì sèmete a ka, mendze kurum ana ki ndzwim a nda gà tar lele, tsəɗaŋŋa, bakal i təv kurum tsa, ki gwim a magəɗa a Mbulum nda ndzer ŋa ya.

1 PIYER 3:7

Kurum gà asləka tekeɗe, ndzum nda gà mə̀kə̀s kurum lele. Kurum kà sərum, ndzəɗa gà məkəs ka, a sle kamala biy kurum a tsa. Zàmbaɗum a tar, aɗaba tar tekeɗe ka, Mbulum a vile a ter a mesife taf masakəŋana, kamala ana a vile a kurum a ya mbaŋa. Gwim kataya, aɗaba duwa ilik ma tə sàs ikaba mahàmà a Mbulum kurum ana ki hemwimer a ya tsa.

1 PIYER 4:17

Pat ana Mbulum a ge a seriye a gà mburma ya ka, aka à mendzera. A lah mege a ka, a gà mburma ŋgar dzekwiŋ. Ama na Mbulum à lèh mege a seriye ka, biy gà mburma ŋgar dzekwiŋ ana, dite meme na a ta ge a biy gà mburma ana ti niw bazlam ŋgwal ŋa aaha seyiŋ a?