1 PIYER 2:9 - Bible Zulgo

⁹ Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.

1 PIYER 2:9 ပူးပေါင်းရင်းမြစ်များ

Mata 4:16

Ama gà mburma ana i lùvùŋ kataya ka, ta ŋget a a dzaydzay kweɗek kweɗek hinne. Tar ana hìrzìzìmme mandza ŋa aà huɗ sìsiye məməta, ti ne kamala ana tar gà məməta ŋa ya ka, a ge a terehe a dzaydzay.»*fe*

Mata 5:16

Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Luka 1:79

A ge a dzaydzay ata ka, a gà mburma ana i luvuŋ a, nda gà na i təv mezite məməta ya tserdze mbaŋa. A dzik a dər kwa aka vatwa ana zayya ŋa ya.»

Yuhana 17:19

I vilek a mesife gà, aɗaba tar, dite tar tekeɗe, ti ne gà mburma yak nda ndzer ŋa mbaŋa.

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

Gà Ɓəzla Meslire 26:28

Agaripa a gwaɗar aaka: «Kà dzala ana, i gis a Yesuw agəra bazlam yak ata kà tsikiŋ a tsara ya?»

RUMA 9:24

Kwa kinehe tekeɗe ka, i liwiŋ tar mbaŋa. A pala ka, gà mburma ana ika magər gà Yahuda ya ɗekɗek tsa. A zal a kwa dər ka, i liwiŋ gà asiŋ gà mburma ŋgiɗ a mbaŋa.

1 Kurintiya 3:17

Wur ana a nis a à ga Mbulum batsah ŋa ata ya ka, Mbulum tekeɗe, a dzeye a à ŋgat mbaŋa, aɗaba ga ata ka, tsəɗaŋŋa biy ŋgar ŋa. Na a ne ga ata ŋgat mandza ŋa iɗəm a ka, kurum.

EFESIYA 1:14

A vəl a kwa Mezite Mesife ŋgar ata tə̀ma ka, dite ka sərakwa dər ndzer, a ta vile a kwe a gà asiŋ gà dukw ŋgar ŋgiɗ ana a riŋ ŋgwal ŋa ika miɗ mba ya. Mbulum aka tsik a kwa duwa i sida ya nda ndzer a, a gwa, ki ŋgetekewe a gà dukw ata ka, i təv ana aka mbala à kwa fit a. Kinehe ka, zlə̀bakwa à ŋgat. Ŋgat na BATSAH kwa ŋa ya.

EFESIYA 1:6

Ama kinehe ka, zàmbaɗakwa à Mbulum, agəra ŋgwal ŋgar ana a za duwa tserdze, a ge a kwa ya. Ŋgwal ŋgar ata a ge a kwa biy taf a ka, aɗaba ana kwa riŋ mandza ŋa i təv ilik ŋa nda gà Kəla ŋgar mandərkwasla ŋa ana a waya ŋgat hinne ya.

EFESIYA 3:21

Kwa gà mburma ŋgar ka, zlə̀bakwa à ŋgat kəla pat aà biybiy ika magər kwa, aɗaba kwa riŋ mandza ŋa i təv ilik ŋa nda gà Yesuw Kiristi. *Amin.

FILIPIYA 3:14

Iye ihər i vel a ɗegìrgìr aà mendze a təv ana i ndze a iɗəm a ya, dite i ta ŋget a dukw mayaba ana Mbulum a gwa, a ta vile a kwe a ya. Na a ne dukw mayaba ata ka, mesife awiya ŋa ana i ŋget a i təv ŋgar i gər ŋa aɗaba Yesuw Kiristi ya.

KULUSIYA 1:13

Aɗaba Mbulum Tsir kwa ata na a beyera à kwa i ahər Əbay ana mandza ŋa i lùvùŋ a ya. A ndzəkara iɗəm kwa ya ka, a dza kwa a təv mekwere Kəla ŋgar ana mandərkwasla ŋa ya.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

1 PIYER 2:5

Kinehe kurum tekeɗe ka, dumara, nwim gà kur ata mesife iɗəm, Mbulum à dzik a, à zlèzle a dər ga ŋgar ana Mezite Mesife ŋgar a ndze a iɗəm a. Vəlum vatwa a Yesuw Kiristi a gəzləŋ kurum, dite ka, mə vəl a kurum ndzəɗa, ma ne à kurum gà ɓəzla mandəva kuɗa a Mbulum ana gà tsəɗaŋŋa lele, ta viler a duwa masakəŋa, dite a tsahən aà ŋgat a.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

Sunwa Yuhana 1:6

A dza kwa a təv mekwere Əbay ŋgar ana a kwere a ya. Dite a ne à kwa gà ɓəzla mandəva kuɗa a Mbulum aà mege meslire a Mbulum Tsir ŋgar ata mbaŋa asa. Gà mburma tserdze tì zlibe a à ŋgat, ta gweɗe a, ndzəɗa tserdze a ne ka, biy ŋgar aà biybiy. *Amin.

Sunwa Yuhana 20:6

Kamala taŋa ya ka, maŋgayaba a ta ge a i təv gà mburma ana tàa lah aà məmbə̀lara i məməta ya ya. Mbulum a pise a ter a ahəm. Tar ka, mesife tar a dzeye a asa tsidze. Ti ti ne a ka, gà ɓəzla mandəva kuɗa ika miɗ gà Mbulum nda Yesuw Kiristi. Tar nda gà Yesuw Kiristi ka, ti ta kwere a i huɗ mive dəbuw a.

Sunwa Yuhana 5:10

Dite kàa dza tar a təv mekwere Əbay yak ana ki kwere a ya. Ka ne à tar gà ɓəzla mandəva kuɗa a Mbulum aà megèr megemir ika miɗ ŋgar mbaŋa asa. Ti ta kwere a gà mburma ana ika gər ahəɗ a.»