1 PIYER 2:8 - Bible Zulgo

⁸ Ta wetse i wakita Mbulum mbaŋa asa ka, ta gwa: «Kur ata ka, gà mburma ti ndif ahər a sik gùp, tì dìɗ aakiŋa.»*fb* Mendìfè sik ata ka, aɗaba ana ta gəs bazlam Mbulum tsiye. Akahər ata piŋŋe ka, Mbulum a waya a ge dər kataya ka, a gwa: Gà dukw ata ta ge a ba kataya dukw ŋgar.

1 PIYER 2:8 ပူးပေါင်းရင်းမြစ်များ

Luka 2:34

Simeyun a pise a tar ahəm, a gwaɗa a mama Yesuw: «Mbulum a zla kəla aaha ka, aà madzàwà à gà Isərayel hinne aà mbulum a. Dite aà mehitse à gà asiŋ ŋa aà mbulum hinne asa. Ŋgat na a ɗif a à vatwa ndzer ŋa ya. Ama ka, gà mburma hinne ti ti niw a ŋgat.

RUMA 9:22

Na Mbulum a ge a duwa kamala taŋa ya ana, ki slekwe aà metsiker a dukùla asa ya? A sasar ka, a pèt a à ndzəɗa ŋgar, gà ɓəzla bakal ti sir a dər ka, meme na a ge a matsəɓatsəɓ aka gər tar a. Ama ku mege tàa ger matsəɓatsəɓ a gəzləŋ, dite a sər, medzeye à tar ide tekeɗe ka, mbə̀rə̀ts mbə̀rə̀ts a veve a tar pəra.

1 Kurintiya 1:23

Ama mər, mìi ɗif a ka, à bazlam ana aka gər Kiristi ata tə ndwandway aà dizl magə̀làwà ŋa ya. Mìi gweɗe a: Ŋgat na mala məmbə̀là à mburma ya. Bazlam ata ka, à tìrfìɗ a gəzləŋ a gà Yahuda tərfə̀ɗ tərfə̀ɗ, a tsahən aà tar tsidze. Dite gà asiŋ gà mburma ana tar gà Yahuda tsiye ka, tar ta fir ahər a kamala ana dukw falày taf masakəŋa ya.

2 Kurintiya 2:16

A gà na Mbulum a mbele a à ter a ya ka, wirdè ata a ze aà ter a hwaŋŋà lele, ta gis a bazlam mər, dite ta ŋget a dər mesife ana à ndìv a tsa aà biybiy a. Ama gà na ti dzeye a ya ka, wirdè ata a zehe aà ter a ka, sìwìkìkìkke biy mimete dər mbaŋa. Dite kinehe ana, weke na a sle a aà megemir ata ya?

GALATIYA 5:11

Gà damər gà, iye ka, na mege i ɗif a à bazlam Mbulum hiywe, nda metsìkè a mburma, sasayum ba, na dite Mbulum a ne à kurum a gà ŋgwal ŋa ika miɗ ŋgar a ka, ana ka, gà Yahuda ti sèwèriŋ a are tsidze, dite bazlam mandwàndwàyà Kiristi ana tə ndwandway aà dizl magə̀làwà ŋa ya tekeɗe ka, a tsìɓ a ter a tsa asa mbaŋa. Ama ka, i tsikewa kataya tsa.

1 TESALUNIKE 5:9

Aɗaba Mbulum a pala kwa ka, na dite a ta vile a kwe a mesewere are ya tsa. Ama a pala kwa ka, aà məmbàlà à kwa nda ahər Yesuw Kiristi BATSAH kwa ŋa ivaɗ.

1 PIYER 2:6

Aɗaba mewetse ŋa a riŋ i wakita Mbulum ka, a gwa: «Tsarakum, i zla ka, ŋgwal kur ana ndzəɗa ŋa hinne, i tike a huɗ kwite ana tə zalar Siyuna ya. Aka kur ata na i zlèzle aaka a ga gà ya. Wur ana aka gəs nda gəzləŋ ŋgar a ka, madzala gà gər i təv ŋgar tsa.»*fa*

1 PIYER 2:7

Aɗaba kur ata a ne i təv kurum ana kə̀ gəsum nda gəzləŋ kurum a ka, dukw ŋgwal ŋa, a za dər gà dukw tserdze ya. Ama i təv gà mburma ana ta gəs tsiye ka, kataya tsa. Aɗaba a riŋ mewetse ŋa i wakita Mbulum ka, ta gwa: «Kur ata gà ɓəzla mazlazla ga tə zla, ti yà iɗəm a dala ya ka, tsaatsa ŋgwal kur te ibam. Na a ne madəŋ kur ivaɗ ka, taŋa.»

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.

Yuda 1:4

I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.