1 PIYER 2:4 - Bible Zulgo

⁴ Ama kinehe ka, dumara a təv ŋgar a. Aɗaba ŋgat a ne ka, kur ana mesife iɗəm, gà mburma ti niw, ta gwa, dukw falày masakəŋa ya. Ama tsaatsa, ŋgat ka, ŋgwal kur ana Mbulum a zla, a za gà dukw tserdze ya ivaɗ.

1 PIYER 2:4 ပူးပေါင်းရင်းမြစ်များ

Mata 11:28

I dəba ŋa ya, Yesuw a gwaɗa a tar asa: «A kurum ana kàa ywim ba kwèndèhndèhhe agəra məpala ahəm Mbulum ana ti tike aka kurum duwa kamala mibe duwa ya. Dumara a təv ga ya, i zle a ika kurum mibe dukw ata ya.

Mata 12:18

A gwa, Mbulum a gwa ka: «Araha na mala meslire gà ana i zla ŋgat a, dite ka, a ne mandərkwasla gà, maŋgayaba gà fit dze ka, ika gər ŋgar a. I slirehe a Mezite Mesife gà aka gər ŋgar. A ɗif a à mege seriye ga ana i ta ge a aka miɗ mba ya, a gà mburma ana ika gər ahəɗ tserdze ya.

Mata 21:42

Yesuw a gwaɗa a tar asa: «Kàa dzeŋgwim bazlam ana i wakita Mbulum a ti tsiye? A gwa ka: *fe*

Yuhana 14:19

I huɗ mendze zaakwa ya ka, i de a ika gər ahəɗ a. Ama kə̀la ka, i ndze a i təv kurum hiywe. Aɗaba ana iye riŋ nda gà mesife ya, kurum tekeɗe, ki ti ndzwim a nda gà mesife ata mbaŋa.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Yuhana 5:26

Mbulum Tsir gà ka, ndzəɗa Mesife i ba ŋgar. Ama ka, aka viliŋ ndzəɗa ata a ahər a iye, Kəla ŋgar, mbaŋa, na dite i vile a mesife ata a mburma ya.

Yuhana 5:40

Dite kwets a sàs a kurum madàra a təv ga ya, aà meŋgete a mesife ata ndzer ŋa ya tsa.

Yuhana 6:37

Gà mburma ana Tsir gà a dziŋ tar tserdze ya ka, ti dere a a təv gà ya, dite iye tekeɗe ka, wur ana aka dara a təv ga ya ka, i niw a ŋgat tsa.

Yuhana 6:57

Tsir gà, mala məvəla mesife na a slərra iye ya. Iye ihər i ndze a ka, aɗaba ŋgat. Kamala taŋa ya, ku weke na aka zəm slu ba gà ka, a ndze a aɗaba iye mbaŋa.

RUMA 5:10

Akahər ana kwa gà ɓəzla mene are Mbulum mba ya ka, ŋgat nda gər ŋgar ŋa a yaha masəra ba nda gà kwa ka, nda məməta Kəla ŋgar ana a mət a. Aɗaba taŋa, kwa kinehe ka, gà masla Mbulum. Kà sərakwa, a ta mbil a à kwa ndzer kaɗəŋ ka, aɗaba Kəla ŋgar ata a mbəlara i məməta ya ya.

1 Kurintiya 3:11

Mbulum aka mbər metike aɗəm Yesuw Kiristi, a ne kamala ga ata ya. Wura ilik a sle aà madzàha biy ŋgiɗ pam asa tsidze.

KULUSIYA 3:4

Ndzer kaɗəŋ, Yesuw Kiristi na a ne mesife kurum a. Aləka i təv ana à mère a ya ka, kurum tekeɗe, ta ŋget a kurum a nda gà ŋgat, i təv ndzəɗa ŋgar ana tì zlibe a dər a mbaŋa.

1 PIYER 1:19

Ama kə ŋgatum mezìwè gər kurum ka, nda məmbəz Yesuw Kiristi ana a za gà dukw tserdze ya. Ŋgat a ndzikiɗ ba ka, kəla təmaŋ ana ŋgwal ŋa lele, duwa ihər tsidze, ta kəɗ a Mbulum taf masakəŋa ya.

1 PIYER 1:7

I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.

1 PIYER 2:7

Aɗaba kur ata a ne i təv kurum ana kə̀ gəsum nda gəzləŋ kurum a ka, dukw ŋgwal ŋa, a za dər gà dukw tserdze ya. Ama i təv gà mburma ana ta gəs tsiye ka, kataya tsa. Aɗaba a riŋ mewetse ŋa i wakita Mbulum ka, ta gwa: «Kur ata gà ɓəzla mazlazla ga tə zla, ti yà iɗəm a dala ya ka, tsaatsa ŋgwal kur te ibam. Na a ne madəŋ kur ivaɗ ka, taŋa.»

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

2 Piyer 1:4

Kamala taŋa ya mbaŋa asa, a vəl a kwa gà dukw gà bàba ŋa ana akahər ata a tsik i sida ya, a gwa, i ta vile a kurum a ya. Gà dukw ata ka, ŋgwal ŋa ndzer, duwa a riŋ kamala taŋa ya tsidze. A ge kataya ka, dite ki beywim a aà dukw meèweke ana ŋgwal ŋa tsa ika gər ahəɗ, a bene a mburma ya, na dite ka, ki zlwim a ba ŋgar ŋgwal ŋa lele tsəɗaŋŋa ivaɗ a.