1 PIYER 2:25 - Bible Zulgo

²⁵ Piŋŋe ka, kà nwim kamala gà təmaŋ ana tàa dzeye ya. Ama kinehe ka, Mbulum aka màra à kurum a təv mala makəva kurum ana a kesle a gà mesife kurum kəla pat a.

1 PIYER 2:25 ပူးပေါင်းရင်းမြစ်များ

Mata 18:12

A gwaɗa a tar asa: «Kurum kà dzalum ana, meme, na wura gà təmaŋ ŋgar a riŋ dərməka, ama ka, na aka dzeye ihər a ilik ana, a miyek a à dzik tswiɗ gər a tswiɗ ŋa aaha aà kwite tə̀ma, dite a de a, a yehere a ilik ŋa aaha a dzeye ya tsiye?

Mata 9:36

I dəba ŋa ya, a fə̀r aà gà mburma ata mbə̀rzə̀zza mayahaba gər ŋa ya ka, ti ndzer are tsehe hinne. Aɗaba ti ndze a hìriɓ hìriɓ nda magəɗa ŋa, tì sèwèr a are hinne. Ti ne ka, kamala gà təmaŋ ana mala makəva tar a riŋ tsiye.

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

IBƏRANIKWA 13:20

Mbulum, mala məvəla mandza zayzay a mburma, a hitsera à Yesuw BATSAH kwa ŋa i məməta ya, a ne dər batsah ŋa. A kesle a kwa kamala mala makəva gà təmaŋ ana à kiv a tar a. A ge dər kataya ka, aɗaba məməta Yesuw ana a mət a. Nda məmbəz ŋgar ana a dza dər a ka, a gəs masla nda kwa, dite na a de a aka miɗ aka miɗ, à ndìv a tsiye.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 5:2

Gà bàba gà ɓəzla mandəva kuɗa a Mbulum ata ka, tə sər mege ŋgwal a gà mburma ana tə sər duwa tsa, tar gà ɓəzla bakal a. Aɗaba tar tekeɗe ka, ti sle a medìɗè a bakal nda təv gà dukw ŋgiɗ pampam hinne asa mbaŋa.

1 PIYER 3:20

Gà mezite ata ka, biy gà na akahər ata tàa gəs Mbulum tsiye. Mbulum aka bàba tar, a gəs gəzləŋ hinne, akahər ana Nuhu a làmbaɗa slə̀làh yam ata ya. Gà mburma ana tə da aɗəm ka, tar ndaw tsa. Tar ka, tsamakər pəra, na Mbulum a mbala à tar i yam ata ya ya.

1 PIYER 5:4

Na kàa gwim dər kataya ka, a pat ana Yesuw Kiristi Əbay gà ɓəzla makəva gà təmaŋ a dere a ya ka, a vile a kurum a dukw maya ba kurum ana a zè a gà dukw tserdze, a ndze a aà biybiy a.