1 PIYER 2:24 - Bible Zulgo

²⁴ Yesuw Kiristi nda gər ŋgar a zla bakal kwa aka ba ŋgar. Tə ndwandway ŋgat aà dizl magə̀làwà ŋa ka, dite ka, bakal ma kwara kwa asa tsa, kamala ana a kwere a gà məməta asa tsiye mbaŋa. Ama i təv mege dukw ana ŋgwal ŋa ya ka, taŋa kwa riŋ ka, nda gà mesife, aɗaba megìzle ana ta gə̀zl ŋgat, ta ger mbəlak a, na a mbəl à kurum a.*fg*

1 PIYER 2:24 ပူးပေါင်းရင်းမြစ်များ

Mata 27:26

Dite i dəba ŋa ya, Pilatus a pəl a tarra à Barabas a kuɗa. Ama Yesuw ka, Pilatus a vəl ŋgat a ahər a gà mburma ŋgar, a gwaɗa a tar: «Gə̀zlum, dite ka ndwandwayum ŋgat aà dizl magə̀làwà ŋa ata kuɗa.»

Mata 5:20

Aɗaba taŋa asa, iye ihər i gweɗe a kurum a nda ndzer: Ki slwim a aà mede a mekwere Mbulum kataya tsa. Ki dwim a ka, say na ki gwim a dukw ana Mbulum a waya ya, a zè a dər biy gà ɓəzla medzeŋge məpala ahəm Mbulum nda biy gà *Farisa ya dzekwiŋ.»

Mata 8:17

A ge kataya ka, kamala ana Ezaya, mala məma à guma Mbulum a tsik akahər ata ya kaɗəŋ. A gwa ka: «Ŋgat nda gər ŋgar a dara ka, a zla ika kwa dukw məməta ya nda dukw ana a za ndzəɗa kwa hinne ya.»*fa*

Markus 15:15

I dəba ŋa ya, Pilatus a pəl a tarra à Barabas a, aɗaba a sasar ka, gà mburma ŋgar ta ŋgayaba nda ŋgat. Ama Yesuw ka, a gwaɗa a gà mburma ŋgar: «Gə̀zlum, dite kà ndwandwayum ŋgat aà dizl magə̀làwà ŋa ata kuɗa.»

Luka 4:18

«Iye i ahər Mezite Mesife Mbulum, aɗaba a zla iye aà meɗìfè à bazlam ŋgwal ŋana a gà ɓəzla matawak. A slərra iye ya ka, a təv gà ɓəzla daŋgay a, aà meɗife a tar à məpala à tar. Dite aà mahə̀ndə̀kà are a gà ɓəzla guluf mbaŋa nda gà aà mibeyè à gà na ti sèwèrewa a tar are ya.

Yuhana 1:29

Ndidwe ŋana ka, Yuhana a ŋgat a Yesuw a riŋ a dehe a a təv ŋgar. A gwaɗa a gà mburma ana i fataya: «Kəla təmaŋ ana Mbulum a vəl, ta kiɗ a aɗaba məpəla à bakal a mburma ya ka, araha, a deriŋa.*fd*

Yuhana 19:1

Aɗaba taŋa, Pilatus a vəl vatwa aà magəsa Yesuw kuɗa, ta gə̀zl nda megwiymbiɗ.

Gà Ɓəzla Meslire 10:35

A waya mburma tserdze, ku mege gà dukùla tekeɗe. Ama kə̀la ka, say na ŋgat riŋ a ge a magəɗa a Mbulum nda mege gà dukw ana ŋgat a riŋ a ge a ndaka vatwa ŋa ya.

Gà Ɓəzla Meslire 10:39

Mər ka, mì ne gà ɓəzla sida gà dukw ana a ge i Yeruzalem, nda gà ika ahəɗ ata asa ya. Ta kəɗ ŋgat aà dizl magə̀làwà ŋa.

Gà Ɓəzla Meslire 13:29

Ta ge gà dukw ana wakita Mbulum a tsik ahər nda təv Yesuw piŋŋe ya lele ka, ta pə̀lara məməta ŋa aà dizl magə̀làwà ŋa ata ya, tə daha, ti tike ŋgat a dive kuɗa.

Gà Ɓəzla Meslire 5:30

Kà ndwandwayum Yesuw aà dizl, a mət, ama Mbulum gà batsah tsir kwa a mbəlara à ŋgat i məməta ya.

RUMA 6:11

Kamala taŋa ya, kurum tekeɗe, fə̀rum aà ba kurum ka, kamala ana kurum gà məməta ŋa ya na i təv mege bakal a mbaŋa. Ama sərum dər, kurum a riŋ mandza ŋa nda gà mesife ika miɗ Mbulum ka, aɗaba mendze kurum ana i təv ilik ŋa nda gà Yesuw Kiristi ya.

RUMA 6:13

Kamala taŋa ya, ka ta vəlum ba kurum a ahər a bakal, ma kwara kurum aà mege dukw ana ŋgwala tsiye asa tsidze. Ama vəlum ba kurum a ahər ka, a Mbulum ivaɗ. Aɗaba kurum kà nwim ka, kamala gà mburma ana tàa mbəlara i məməta ya, tàa ŋgat mesife ana awiya ŋa ya. Vəlumar ba kurum a ahər fit, na dite ki nwim a dukw ahər ŋgar aà mege dukw ana ŋgwal ŋa ya ya.

RUMA 6:16

Kurum dze ana, kà sərum ti tsiye? Na bəla kàa vəlum ba kurum a wura, ki gweɗwim a, mìi gis ahər a ahəm ka, kàa nwim gà ɓele ŋgar na taŋa ya. Na bəla kurum ihər ki giswim a ahəm aà bakal ka, taŋa ka, kàa nwim gà ɓele bakal dukw ŋgar. I dəba ŋa ya ka, ki metwim a agəra bakal ata. Kige tsa na bəla kurum riŋ ihər ki giswim a ahəm aà Mbulum ivaɗ ka, kurum gà ɓele ŋgar na taŋa ya mbaŋa, dite ka, a ne à kurum a gà ŋgwal ŋa ika miɗ ŋgar.

RUMA 6:2

Awaŋ, kataya tsa. Aɗaba kà nekwa ika miɗ bakal ka, kamala ana gà məməta ŋa ya. Dite dze ana, meme na ki mèkwe a aà mandza i bakal asa ya?

RUMA 6:22

Ama kurum kinehe ka, gà ɓele bakal asa tsa, kàa beywimera iɗəm a. Kàa nwim gà ɓele Mbulum kuɗa. Aɗaba taŋa, dukw ana kə ŋgatum i təv ŋgar a ka, a ne à kurum gà tsəɗaŋŋa, na dite ki gwimer a dukw ana a tsahən ahər a ya. Dite aka mandəvandəv ŋana ka, ki ŋgetwim a dər mesife ana à ndìv a tsa aà biybiy a.

RUMA 6:7

Aɗaba na wura aka mət ka, bakal a sle a aà makwàrà ŋgat asa tsa.

RUMA 7:6

Akahər ata ka, kwa gà ɓele məpala ahəm. Ama kinehe ka, Mbulum aka mbùrùɗara iɗəm kwa ya. Kwa ka, kamala gà məməta ŋa ya, na ika miɗ ŋgar a. Aɗaba taŋa kinehe kwa ihər ki zezemekwe a Mbulum ka, ndaka vatwa ana awiya ŋa ya, kamala ana Mezite Mesife ŋgar a ɗif a kwa dər a. Tsəka, ki zezemekwe a ndaka vatwa miviye ŋa ata, kamala ana mewetse ŋa a riŋ i wakita məpala ahəm ata ya asa tsa.

1 Kurintiya 15:3

Sərum dər ka, Yàa ɗif a kurum à dukw ana Yesuw Kiristi a ɗifiŋ dər a mbaŋa. Dukw ana i tsik a kurum malahalah ŋa ya ka, araha: Yesuw Kiristi aka mət aɗaba bakal kwa, kamala ana ta wetse i wakita Mbulum piŋŋe, ta gwa, a ta ge a ba ya.

2 Kurintiya 6:17

Aɗaba taŋa, Mbulum a tsik a gà mburma ŋgar asa mbaŋa, a gwaɗa a tar: «Dumara ika magər gà mburma ana tàa gəs iye tsiye. Miyakum à tar ŋgwìɗik. Kà lə̀mum aà dukw ana aruwaŋ ihər a tsidze. Na kàa gwim dər kataya ka, i gis a kurum lele.*fc*

GALATIYA 3:13

Kamala taŋa ya, Mbulum a vəl a kwa mezelme ka, agəra na kà zazamakwa məpala ahəm ŋgar kweleŋ tsiye. Ama Kiristi a dara ka, a zla təv mendze kwa, na dite ka, Mbulum a vəlar mezelme ya. A ge dər kataya ka, a mbəlara à kwa i mezelme Mbulum ana a ta vile a kwe a zləmana ya. Ar ka, kamala ana ta wetse i wakita Mbulum a, ta gwa ka: «Wele ana tàa dàn ŋgat aà dizl a ka, mezelme Mbulum na ika gər ŋgar a.»*ff*

EFESIYA 5:9

I tsik kataya ka, agəra gà dukw ana ŋgwal ŋa kalkal lele nda ndzer ŋa ya. Tar ka, i təv dzaydzay ŋa ata.

FILIPIYA 1:11

Ki nwim a gà ɓəzla mege dukw ana ŋgwal ŋa ya. Ki gwim a kəla pat, dite mede kurum à pèt aba a ka, ŋgwal ŋa lele, nda ndzəɗa Yesuw Kiristi. Gà na tàa samata kataya ya ka, tì zèmbeɗe a à Mbulum, tì zlibe a à ŋgat lele.

KULUSIYA 2:14

Akahər ata piŋŋe ka, seriye Mbulum aka gəs kwa, aɗaba ana kàa zazamakwa məpala ahəm ŋgar tsiye. Ama i dəba ŋa ya ka, Mbulum a taya iba wakita ana a wetse aɗəm bakal kwa ya, a ndwandway aà dizl magə̀làwà ŋa, kamala megweɗe ya: Seriye ika gər kwa asa tsa.

KULUSIYA 2:20

Kurum kà sərum ka, kàa matum akaba nda gà Yesuw Kiristi a təv ilik ŋa. Kamala taŋa ya ka, gà sitene ta kwere a kurum asa tsa. Assàh, na kataya ana, aàmala na ki ndzwim a kamala kurum gà mburma ana ti zezem a gər ahəɗ a hiywe mba ya? Dite aàmala na ki zezemwim a gà məpala ahəm ata, ta gweɗe a kurum a ka:

KULUSIYA 3:3

Aɗaba kurum kà sərum ka, kàa matum. Ama Mbulum aka mbəlara à kurum i məməta ya. Dite mesife kurum ana awiya ŋa ya tekeɗe, ar ka, makàhà ŋa i təv Yesuw Kiristi i mbulum.

IBƏRANIKWA 10:10

Aɗaba Yesuw Kiristi ka, aka ge gà dukw ana a sàs a Mbulum a, agəra ana a vəlar ba ŋgar kamala dukw taf ana masakəŋa ya. A vəlar ka, sik ilik pəra, i təv ana a mət a tsara ka, aà biybiy. Kamala taŋa ya na kinehe kà nekwa gà tsəɗaŋŋa ika miɗ Mbulum, kà nekwa gà mburma ŋgar a.

IBƏRANIKWA 10:5

Aɗaba taŋa, i təv ana Yesuw Kiristi a dere a aka gər ahəɗ a ka, a gwaɗa a Mbulum: «A sàsak na ta betsek a gà duwa ya, kige tsa ta vilek a gà dukw ŋgiɗ taf masakəŋa ya asa tsa. Ama ka, a sàsak ki ne à iye a kamala mburma ya, na dite ka, i vilek a ba gà ya.

IBƏRANIKWA 12:13

Dum aka miɗ ndaka vatwa ana a de a ser lele ya, dite gà sik kurum ana gà magàha a bəɗ ŋa ya ka, ta wur aà kurum asa tsa. Ama ka, tə tə təɗa ivaɗ.

IBƏRANIKWA 7:26

Kamala taŋa ya, Yesuw ka, batsah mala mandəva kuɗa a Mbulum kwa. Ŋgat ka, wele ana a sle a aà mege dukw ana a sle aà kwa ndaka miɗ ŋgar a. Aɗaba ŋgat ka, tsəɗaŋŋa, bakal i təv ŋgar tsa, dite swalwa i ba ŋgar kwizikw ɓav tsa asa mbaŋa. Mendze ŋgar ka, tsàkàlàk aà gà ɓəzla bakal a. Mbulum a tike ŋgat a təv ŋgar i gər ŋa.

IBƏRANIKWA 9:28

Kamala taŋa ya, Yesuw Kiristi tekeɗe, à mət ka, sik ilik pəra mbaŋa. A vəl ba ŋgar a Mbulum ka, na dite a beye a dər à gà mburma hinne i bakal tar a ya. I dəba ŋa ya ka, à mère a masula ŋa asa. A mère a ka, aà məpəla à tar i bakal tar a asa tsa. Ama ka, aà məmbə̀là à gà mburma ŋgar ana tar ihər ta bebe a ŋgat a.

YAKUBA 5:16

Aɗaba taŋa, pə̀lawum aba à bakal ika magər kurum, ku weke a heme a a Mbulum aɗaba mìsle ŋgiɗ tserdze mbaŋa asa. Dite Mbulum a mbele a à kurum i dukw məməta ya. Aɗaba meheme wele ana ŋgat mala ndzer ŋa ika miɗ Mbulum a ka, ndzəɗa ŋa, a sle a aà duwa hinne.

1 Yuhana 2:29

Kurum kà sərum, Yesuw Kiristi ka, ŋgat mala ndzer ŋa. Aka ge bakal ilik tsidze. Aɗaba taŋa sərum dər, wur ana a ge a dukw ana ŋgwal ŋa ya ka, ŋgat ka, aka ne kəla Mbulum mbaŋa.

1 Yuhana 3:7

Gà ɓəza gà, wura ma ta paza a kurum za tsa. Aɗaba wur ana a gewa bakal tsiye ka, ŋgat na mala ndzer ŋa ika miɗ Mbulum kamala Kiristi ana ŋgat mala ndzer ŋa ika miɗ Mbulum mbaŋa ya.

Sunwa Yuhana 22:2

A zlele a ka, mbàwwa ndaka magər bàrama ana i huɗ kwite ata ya. Na aà gùva yam ata ka, dizl ɗaf duwa a riŋ na a vile a mesife a mburma ya. Ar ka, tsèke sula, ndaka tsèke ahər mezime, dite naha ndaka tsèke ahər gùla asa mbaŋa. A we a ka, medzige kurwa gəra sula, na i huɗ mive ilik a ya. Kəla kiye a we a sik ilik. Slàmbah ŋana ka, a mbele a à gà slàla gà mburma ana ika gər ahəɗ pampam a tserdze.