1 PIYER 2:23 - Bible Zulgo

²³ Ku mege ti tsik aà ŋgat dukw ana ŋgwal ŋa tsiye tekeɗe ka, aka mà a tar aɗəm à bakal ŋa tsa. Ti sèwèrer are hinne tekeɗe, aka dza aà tar magəɗa nda bazlam ɓav tsa asa. Ama a vəl ba ŋgar a ahər ka, a Mbulum ana ŋgat mala masàsà ikaba seriye bakal nda ndzer ŋa ya.

1 PIYER 2:23 ပူးပေါင်းရင်းမြစ်များ

Luka 23:41

Aɗaba ma ka, ki sèwèreme a are ka, ndzer ndaka vatwa ŋa, ta gema gà dukw aaha kataya ka, aɗaba ana kàa gema gà dukw ana ŋgwala tsiye kaɗəŋ. Ama ŋgat ka, bakal ŋgar a riŋ tsidze.»

Luka 23:46

Yesuw a wideye, a gwa: «Tsir gà, i misek a à mesife gà ka, a ahər yak.»*fb* I dəba bazlam ŋgar ata ya ka, a mət kuɗa.

Luka 23:9

Aka wiz ahər gà bazlam pampam hinne. Ama Yesuw aka fàfəlar aaka tsidze.

Gà Ɓəzla Meslire 17:31

Aɗaba aka zla iɗəm pat ŋa ana a ta ge a seriye a mburma nda ndzer a. Seriye ata a ge a ya ka, nda ahər wele ana ŋgat ŋa a zla i liwiŋ mburma ya ya.*fa* A mbəlara à ŋgat i məməta ya, dite gà mburma tə sər dər ka, kaɗəŋ ndzer a.»

Gà Ɓəzla Meslire 4:29

Ama kinehe ka, Batsah mər ŋa, zlak mər i təv dukw ana ta ge a mər a ŋgwal ŋa tsiye. Dite ka vəl a mər, a mər gà ɓəzla meslire yak, aà metsìkè bazlam yak a mburma nda ndzer ŋa.

Gà Ɓəzla Meslire 7:59

Ama Etiyen a riŋ a heme a a Mbulum, na tə dza ba aà makàlàwà ŋgat nda kur a. I huɗ meheme ŋgar ata ya ka, a gwa: «Yesuw Batsah ga ŋa, araha, i mìt a ka, zla mesife gà a təv yak te.»

Gà Ɓəzla Meslire 9:1

Akahər ata ka, Sawul a riŋ a kwere a akaba gà ɓəzla mazazama Yesuw nda bazlam məməta hiywe nda ndzəɗa. A da a təv mala mandəva kuɗa a Mbulum batsah ŋana,

RUMA 2:5

Ama kurum ka, segeme i gər kurum hinne, a sàs a kurum məmbə̀ɗà à madzala gà gər kurum a təv Mbulum tsa. Kamala taŋa ya, kurum ihər ki sìkèhwim a ka, à ndzəɗa a seriye Mbulum ana à gis a dər kurum a. A pat seriye ata ka, Mbulum a pèt a à matsəɓatsəɓ ŋgar ndərzayya aka miɗ mburma tserdze. Dite à ses a ter a ikaba seriye ya ka, ndaka vatwa ŋa kalkal lele.

EFESIYA 6:9

Ama kurum gà ɓəzla ga gà ɓele tekeɗe, gwim ŋgwal ŋa a gà ɓele kurum kalkal lele mbaŋa. Ka tə dzadzarum akaba à tar tsa, sərum dər, kurum nda gà tar tserdze ka, BATSAH kwa ŋa ka, wele ana i gər ŋa ya ilik. Ŋgat ka, a wala ikaba mburma ya pampam tə tsa.

2 TESALUNIKE 1:5

Taŋa na a ɗif a kwa dər parakkà, Mbulum a ti ses a ikaba seriye a gà mburma ya ka, nda ndzer ndaka vatwa ŋa ya. Agəra mesewere are kurum ata ka, sərum dər, Mbulum na a ta vile a kurum a vatwa, na dite ki slwim a aà mada a mekwere ŋgar a. Aɗaba mekwere ŋgar ata na kinehe kurum ihər ki sèwèrwim a are ya.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.

2 TIMUTE 4:8

Kinehe ka, dukw mayaba gà a riŋ a veve a iye i təv Mbulum. A viliŋ a ka, aɗaba ana i ne ŋgwal ŋa ika miɗ ŋgar a. Kamala taŋa ya, a pat ana Yesuw Kiristi BATSAH kwa ŋa, wele ana ŋgat mala masàsà ikaba seriye ya nda ndzer a, aka dara ka, à piliŋ a dukw mayaba gà fit. Ama ka, a iye ɗekɗek tsa. Gà na ta veve a ŋgat, à kiv a ter a hinne, ta waya ma dara a təv tar a tekeɗe, ta ŋget a dukw mayaba tar mbaŋa.

IBƏRANIKWA 12:3

Dzalum a təv Yesuw ana a gəs gəzləŋ i təv mesewere are ana a sèwèr akahər ata ya, dite meme na ndelèɓ ndelèɓ a sèwèr are i ahər gà ɓəzla bakal ata ti ner are ya ya. Dzalum a təv ŋgar, na dite a me a kurum a à ndzəɗa a ba, ki ywim a ba tsiye.

1 PIYER 3:9

Na wura aka ge a kurum dukw ana ŋgwala tsiye ka, ka ta mumar aɗəm à bakal ŋa tsa. Kige tsa bəla wura aka tsik aà kurum dukw ana ŋgwala tsiye ka, ka tə ndavayumar aɗəm ɓav tsa asa mbaŋa. Ŋgulum ki gweɗwimer a ka: Mbulum mi pisak ahəm ivaɗ. Aɗaba akahər ana Mbulum a zal a kurum a ka, aka mbər metsike i sida ya, a gwa: «I ta pise a kurum a ahəm.»

1 PIYER 4:19

Aɗaba taŋa, na wura à sèwèr a are aɗaba vatwa ana Mbulum a waya ya ka, ma ta miyak aba aà mege dukw ana ŋgwal ŋa ya tsa. Ama ka, mə vəl gəzləŋ ŋgar a ahər a Mbulum ana a ge kwa ya. Aɗaba ŋgat ka, mala slagama ŋgar, a miyek a à ŋgat tsidze.

Sunwa Yuhana 19:11

I dəba ŋa ya ka, i ŋgataha a gəza mbulum mahə̀ndə̀kà ŋa iɗəm a tùwaŋŋà. Dite piris herrè ŋa a riŋ mehìtsè ŋa iɗəm i fata dzèŋŋe. Wele duwa a riŋ mandza ŋa ikəka tùŋŋa, tə zalar «Mala ndzer ŋa, wele ana a gewa duwa ka, ndaka vatwa ŋa ya. » A ge a seriye a mburma, à gis a ka, ndaka vatwa ŋa mbaŋa.