1 PIYER 2:20 - Bible Zulgo

²⁰ Mezlibe kurum ana tì zlibe a à kurum a dze ana, awara, na bəla ta gə̀zl kurum ka, aɗaba bakal kurum a? Ama na bəla ki sèwèrwim a are ka, i təv dukw ana ki gwim ŋgwal ŋa ndzer na məmərà aba ki mirwim a aba a ya ka, a tsahən aà Mbulum ivaɗ.

1 PIYER 2:20 ပူးပေါင်းရင်းမြစ်များ

Mata 26:67

Gà mìsle ŋgiɗ ika magər gà mburma ata ya, ŋgùɗàsl ŋgùɗàsl tə dza ba aà metìfèyè ahər tìzle tsara. Ta gə̀zl ŋgat, tə lakayar waŋwaŋ aka mahalum.

Mata 5:47

Dite bəla ki giswim a ka, gà damər kurum ɗekɗek ana, aàmala na ki dzelwim a ka, waytsà maa ge dukw ana ŋgwal ŋa ya. Aɗaba ku gà na tə sər Mbulum tsiye tekeɗe ka, ta ge a kataya mbaŋa.

Markus 14:65

Gà mìsle ŋgiɗ ika magər gà mburma ata ya, ŋgùɗàsl ŋgùɗàsl tə dza ba aà metìfèyè ahər tìzle tsara. Ta handakar ahər aka are. Dite tə lakayar waŋ waŋ aka mahalum. I dəba ŋa ya, ta gwaɗar: «Weke na a lakayak a, na kù gwa, i sər duwa hinne ya?» Aləka gà ɓəzla makàslà ga batsah mala mandəva kuɗa a Mbulum ata tə daha, ta gəs Yesuw tsara, ta gə̀zl ŋgat lehhè asa mbaŋa.

Luka 6:32

Na kàa wayum ka, gà mburma ana ta waya kurum a ɗekɗek ana, aàmala na ki dzelwim a ka, Mbulum a ta vile a mər a dukw maya ba asa ya? Aɗaba ku mege gà ɓəzla bakal tekeɗe ibam, ta waya ba kataya mbaŋa.

1 Kurintiya 4:11

Haa kinehe mbakum, mər ka, may a ge a mər a hinne. Dite yam tekeɗe, à kiɗ a mər mbaŋa. Mì dzayawa akaba ka, gà makwàtsak gà petek duwa kìtsèw kìtsèw masakəŋa pəra. Ta gazlawa mər ka, hinne. Mì sùwayawa ku mege a ŋga, təv mendze mər a riŋ araha tsa.

GALATIYA 4:18

Ŋgwal ŋa lele seyiŋ na magəsa ahəm aà gà mìsle ŋgiɗ a. Ama say ki giswim a ahəm kə̀la ka, aà gà na ti zezem a vatwa ana ŋgwal ŋa ya. Ki giswim a hiywe, tsəka, i təv ana iye riŋ mandza ŋa i təv kurum a ɗekɗek pəra tsa.

EFESIYA 5:10

Mərum aba aà masəra dukw ana a da a gər a BATSAH kwa ŋa ya.

FILIPIYA 4:18

Yàa ŋgat dukw ana kà slirwimiŋara nda ahər Apafaruditus a, aka ndzera aà iye ya. I samata dukw ata ka, a za i gər a dukw ana a sle aà iye ya. I dəba dukw ata kà slirwimiŋara ya ka, duwa aka sle aà iye ilik asa tsa. I ndze a ka, barbararra lele kuɗa. Gà dukw ata ka, gà ŋgwal ŋa ndzer, kamala dukw taf masakəŋa ana ta vile a a Mbulum, a ze a hwaŋŋà lele ika miɗ ŋgar, a tsahən ahər hinne ya.

1 PIYER 2:19

Aɗaba taŋa ka, lele na kàa mərum aba a təv Mbulum i huɗ mesewere are ata ti sèwèr a kurum a taf masakəŋa aɗaba ŋgat a. A tsahən aà Mbulum ivaɗ na taŋa ya.

1 PIYER 3:14

Ku mege tì sèwèr a kurum a are, aɗaba ndzer ana ki gwim a ika miɗ Mbulum a ka, ŋgayum ba hinne ika magər kurum ivaɗ asa. Aɗaba taŋa, ka ta gwim magəɗa a gà mburma ata tì sèwèr a kurum a are ya tsa. Metsehe kurum tekeɗe, mə̀ mbəɗ tsa asa.

1 PIYER 3:17

Na a sàs a Mbulum kataya ka, ŋgulum sèwèrwim are, agəra dukw ana ki gwim a ŋgwal ŋa ya, ndəna ki sèwèrwim a are aɗaba dukw ana ki gwim a ŋgwala tsiye ya.