1 PIYER 2:19 - Bible Zulgo

¹⁹ Aɗaba taŋa ka, lele na kàa mərum aba a təv Mbulum i huɗ mesewere are ata ti sèwèr a kurum a taf masakəŋa aɗaba ŋgat a. A tsahən aà Mbulum ivaɗ na taŋa ya.

1 PIYER 2:19 ပူးပေါင်းရင်းမြစ်များ

Luka 6:32

Na kàa wayum ka, gà mburma ana ta waya kurum a ɗekɗek ana, aàmala na ki dzelwim a ka, Mbulum a ta vile a mər a dukw maya ba asa ya? Aɗaba ku mege gà ɓəzla bakal tekeɗe ibam, ta waya ba kataya mbaŋa.

Yuhana 15:21

Ama ti sèwèreye a kurum a are ata tserdze ya ka, agəra iye, aɗaba ana tàa sər wele ana a slərra iye ya tsiye.

Gà Ɓəzla Meslire 11:23

Aləka a ndzeha a fata, a ŋgat a Mbulum a pise ahəm a gà mburma ata ya ka, a ŋgaya ba hinne, a mà taraha à arəv tserdze, aà megìse tar ana ta gəs BATSAH kwa ŋa ya, ma da aka miɗ aka miɗ nda gəzləŋ ilik, ta miyak dər tsa.

RUMA 13:5

Aɗaba taŋa na, say ki giswim a ahəm aà gà na ta kwere a mburma ya. Ki giswim a ka, agəra mesewere are ana ki ŋgetwim a ya ɗekɗek tsa. Ama ki giswim a ka, aɗaba kà sərum i madzala gà gər kurum, mege dukw ata na ŋgwal ŋa ya mbaŋa.

1 Kurintiya 15:10

Ama ka, Mbulum aka giŋ ŋgwal ŋa, na dite ka, i ne mala meslire ŋgar kamala ana kurum ihər ki ŋgetwimiŋ a kinehe ya. Taŋa mege ŋgwal ŋgar ata a giŋ a ka, aka ne taf masakəŋa tsa. Seyiŋ tsa, Yàa ge megemir ka, hinne, a za biy gà ɓəzla meslire Mbulum ana tserdze ya ivaɗ. Ama ka, iye tsa na a ge megemir ata ya kəla. Mbulum nda ŋgwal ŋgar ata a giŋ a, na a ge megemir ata nda təv ga ya.

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

2 Kurintiya 8:1

Gà damər gà, a sàs a mər ka, mìi ɗif a kurum a à dukw ana gà ɓəzla magəsa Yesuw ana ika ahəɗ Makaduniya ta ge ya. Ta ge dukw ata ka, agəra ŋgwal Mbulum ana a ge megemir nda gà tar a.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.

IBƏRANIKWA 10:2

Na mege ti ne a gà ŋgwal ŋa tsəɗaŋŋa ika miɗ ŋgar sik ilik pəra ka, ana ka, bakal tar a wurawa aà tar i gəzləŋ, dite ta betsewer a duwa asa tsa.

1 PIYER 2:20

Mezlibe kurum ana tì zlibe a à kurum a dze ana, awara, na bəla ta gə̀zl kurum ka, aɗaba bakal kurum a? Ama na bəla ki sèwèrwim a are ka, i təv dukw ana ki gwim ŋgwal ŋa ndzer na məmərà aba ki mirwim a aba a ya ka, a tsahən aà Mbulum ivaɗ.

1 PIYER 4:15

Ama na bəla wura ika magər kurum, a ge a dukw ana ŋgwala tsiye, à kiɗ a mburma nda mege akəl, kige tsa à dze akaba a mburma hèɗèk hèɗèk, dite i dəba ŋa ya, à sèwèr a are hinne agəra gà dukw ata ka, ŋgwala tsa na taŋa ya. Medzìbe gà dukw ata ka, ma ge i təv kurum tsa.