1 PIYER 2:16 - Bible Zulgo

¹⁶ kə̀ ŋgatum mezìwè gər kurum ka, aɗaba Yesuw Kiristi ana a pəl à kurum i bakal a ya. Na kàa ŋgatum mezìwè ger kurum kamala taŋa ya ka, ka ta kàhum bakal a gəzləŋ kurum asa tsa. Ama kə̀ gəsum ahəm aà Mbulum ivaɗ.

1 PIYER 2:16 ပူးပေါင်းရင်းမြစ်များ

Mata 23:13

«A kurum gà ɓəzla medzeŋge məpala ahəm Mbulum aaha nda gà *Farisa ya, kurum ka, gà ɓəzla mimbèhè are. Ama ka, tuwum ba kurum, aɗaba ana kà handakum a vatwa a gà mburma ana ta waya ti de a a *mekwere Mbulum a. Aɗaba kurum kà gəsum mada a fata tsa, dite wur ana a waya mada a fataya ka, gədzə̀zlzla kurum i vatwa, ki vilwimer a vatwa aà mada aɗəm tsa.

Yuhana 15:22

Na mege i dara ndeɗiŋa, dite i tsik a tar gà bazlam tsəka, ana ka, Mbulum à gis a tar nda seriye ŋgar tsa. Ama kinehe ka, tàa tsaraka dukw ana i tsik a ya tserdze, dite ta ge a dər akaba bakal ka, bakal tar ata à pìl a asa tsa.

RUMA 6:18

Kurum ka, gà ɓele bakal asa tsa, Mbulum aka beyera iɗəm à kurum a. Kàa nwim gà ɓele ŋgar aà mege dukw ana ŋgwal ŋa ya.

RUMA 6:22

Ama kurum kinehe ka, gà ɓele bakal asa tsa, kàa beywimera iɗəm a. Kàa nwim gà ɓele Mbulum kuɗa. Aɗaba taŋa, dukw ana kə ŋgatum i təv ŋgar a ka, a ne à kurum gà tsəɗaŋŋa, na dite ki gwimer a dukw ana a tsahən ahər a ya. Dite aka mandəvandəv ŋana ka, ki ŋgetwim a dər mesife ana à ndìv a tsa aà biybiy a.

1 Kurintiya 7:22

I gwa: Na bəla kər ɓele ka, ka dzala duwa tsəka, aɗaba ɓele ana Mbulum a zalar a ka, ndzəɗakkà a ndze a ka, a ziwe a gər ŋgar kuɗa, agəra ana mandza ŋa i təv ilik ŋa nda Yesuw Kiristi ya. Kamala taŋa ya mbaŋa, wele ana a ziwe a gər ŋgar, Mbulum aka zalar a ka, ŋgat aka ne ka, ɓele Yesuw Kiristi mbaŋa.

GALATIYA 5:1

*Kiristi ka, aka be à kwa i məpala ahəm gà Yahuda ya, na dite araha kinehe ki ziwekwe a gər kwa ya. Aɗaba taŋa, mərum aba aà mendze kamala taŋa ya. Wura ilik ma ti ne à kurum gà ɓele asa tsidze.

GALATIYA 5:13

Gà damər gà, Mbulum a zal a kurum ka, dite ki ndzwim a nda mezìwè gà gər kurum, kàa beywim à məpala ahəm Musa ya. Na ki ziwim a gər kurum kamala taŋa ya ka, ka ta gwaɗum, mìi gewe a dukw ana ba mər a waya pəra ɓav tsa. Seyiŋ tsa, wayum ba ika magər kurum ilik ilik tserdze, dite ki geywim ba meslire ika magər kurum tserdze asa mbaŋa.

EFESIYA 6:6

Ka ta gwim a tar megemir ka, ika are ŋa ya, aɗaba mazlə̀bà à kurum ɗekɗek tsa. Say gwim ivaɗ ka, mege megemir ana ndzer ŋa, a da a gər a Mbulum, dite nda gəzləŋ kurum ilik asa ya, aɗaba ana kurum gà ɓele Kiristi ya.

KULUSIYA 3:24

Kurum kà sərum ka, ŋgat na a ta vile a kurum a dukw maya ba, aɗaba megemir kurum a. Ki ta ŋgetwim a dukw ana a tike aba ya, i gər ŋa i Mbulum, a gwa, i ta vile a a gà mburma gà ya. Ama wele batsah ŋa ata ki gwim a meslire ŋgar a ka, Yesuw Kiristi.

1 TESALUNIKE 2:5

Kurum kà sərum, mər ka, maa tsik a kurum bazlam ana lìfèɗìɗe nda wirwir a ilik tsa, nda gà maa yaha dər duwa tsa asa mbaŋa. Dukw ana i wetse i faha ya ka, ndzer, Mbulum aka mbər mesire.

YAKUBA 1:25

Ama wur ana a dzele a məpala ahəm Mbulum, dite a ge a metsehe a megemir ŋa lele kəla pat a ka, ŋgat ka, pam. Aɗaba aka tsaraka ka, à mìtser a gər tsa, à gis a gà bazlam ata ivaɗ. Taŋa wele ata ka, mipìsè ahəm ika gər ŋgar, Mbulum a piser a ahəm lele. Məpala ahəm Mbulum ata ka, ŋgwal ŋa ndzer, aɗaba ŋgat na a sle a aà mibeye à kwa i bakal a ya.

YAKUBA 2:12

Aɗaba taŋa i tsik a kurum ŋa, i təv gà bazlam ana ki ti tsikwim a ya, kige tsa, i təv gà dukw ana ki ta gwim a tserdze ya ka, mə̀ məts a kurum gər tsa, sərum dər ka, Mbulum a ta ge a kwe a seriye, a wiz aà kwiŋa, wànà kàa gekwa megemir məpala ahəm ŋgar ana a gwa, a sle a aà mibeye à kwa i seriye ŋgar a ibam a, tsəna kàa gekwa tsiye?

2 Piyer 2:19

Ta gweɗe a a gà mburma ata ka: Mìi vile a kurum a vatwa ana ki ziwwim a gər kurum a kuɗa. Ama tar ŋa ka, gà ɓele bakal, ti ziwe a ger tar ɓav tsa. Aɗaba kurum kà sərum, dukw ana a kwere a mburma ya, na a ne a ɓele à mburma ya.

Yuda 1:4

I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.