1 PIYER 2:15 - Bible Zulgo

¹⁵ Aɗaba a sàs a Mbulum ka, say ki gwim a dukw ana ŋgwal ŋa ya, na dite, bəla gà mburma ana tə̀ sər duwa tsa, ti niw Mbulum a ka, ma handaka a tar aka bazlam.

1 PIYER 2:15 ပူးပေါင်းရင်းမြစ်များ

Mata 25:2

Ama gà dəm ata kurwa ŋa ya ka, gà ə̀zləm ŋana ka, ta ge metsehe lele na ti de a ya. Gà biy ŋgiɗ aaha, tàa ge metsehe tsa.

Mata 7:26

Ama ku weke na aka tsaraka bazlam gà ana i tsik a ya, aka ge megemir ŋa tsəka, a ndzikiɗ ba ka, wele ana metsehe ŋgar a riŋ tsa, a dza ba aà madzàha ga aka ahəɗ kataya masakəŋa ya.

RUMA 1:21

Ku mege tə sər Mbulum a riŋ tekeɗe ka, tì zlibe a à ŋgat kamala ana ŋgat Mbulum a tsa, dite ta ger a kəkaaha ɓav tsa asa mbaŋa. Kamala taŋa ya, madzala gà gər tar ana ti dzele a ya ka, taf masakəŋa. Ti ndze a ka, i lùvùŋ tìtìktìkka. Dite dukw ana ŋgwal ŋa ya ka, tə sər ɓav tsa asa.

GALATIYA 3:1

Kurum gà mburma ana ika ahəɗ Galatiya ya, metsehe kurum a riŋ tsa. Meme na ta bana kurum dze ya? Aɗaba Yàa ɗif a kurum dər parakkà lele, meme na Yesuw Kiristi a mət aà dizl magə̀làwà ŋa aɗaba kwa ya.

1 TESALUNIKE 4:3

Aɗaba taŋa, dukw ana Mbulum a waya ka, nwim gà tsəɗaŋŋa ika miɗ ŋgar. Kamala megweɗe ya ka, ki gwim mezelme nda təv muva tsa.

1 TESALUNIKE 5:18

Ku mege ndeɗime tekeɗe ka, gwim kəkaaha a Mbulum. Aɗaba a sasar ka, gwim kataya, na kurum gà mburma ana mandza ŋa i təv ilik ŋa nda gà Yesuw Kiristi ya.

1 TIMUTE 1:13

Aɗaba piŋŋe ka, Yàa tsik ahər dukw ana ŋgwala tsiye hinne, Yàa ndavayar hinne asa, Yàa sèwèr are a gà mburma ana ti zezem a ŋgat asa mbaŋa. Ama ku mege Yàa ge gà dukw ata kataya tekeɗe ka, Yàa ndze are tsehe a Yesuw Kiristi hinne. Aka giŋ dukw ana ŋgwal ŋa ya. Aɗaba akahər ata ka, Yàa gəs ŋgat nda gəzləŋ ilik zukw tsa. Dite i sər dukw ana i ge a ya tsa asa.

TITUS 2:8

Dzeŋge a tar ka, dukw ana ndzer, wura a sle a aà mewele aà kər a tsiye, na dite gà ɓəzla mene are yak tekeɗe ka, ta ge a hwarwa, aɗaba ana ta ŋget a vatwa aà metsìkè aà kər dukw ana ŋgwala tsa, zləmana ti tsik a ya asa tsiye.

TITUS 3:3

Aɗaba akahər ata ka, kwa tekeɗe, metsehe kwa a riŋ tsa mbaŋa, kə̀ gə̀sakwa ahəm tsa, kàa dzeyekwa ika vatwa ndzer ŋana ya. Kà nekwa ka, gà ɓele dukw ana ba kwa a waya ya ɗekɗek. Kwa mandza ŋa ka, gà ɓəzla swalwa. Ki gewakwa are aka dukw mburma. Gà mìsle ŋgiɗ tàa nekwa are ka, kwa tekeɗe, kàa nekwa a tar aɗəm are mbaŋa.

1 PIYER 2:12

Mendze kurum ana ki ndzwim a i liwiŋ gà na tə sər Mbulum tsiye ka, bakal ma ge iɗəm tsa, ndzum lele. Aɗaba ku mege gà na ti tsik aà kurum a dukw ana ŋgwala tsiye tekeɗe ka, ta fə̀r aà mede kurum nda megemir kurum ka, lele asa mbaŋa. Dite bəla Mbulum à hìndìk a ter a dər are, tì zèmbeɗe a dər a pat ana a dere a a təv tar a.

1 PIYER 3:16

Ama ki tsikwim a ter a gà bazlam ata ka, nda mandza akaba ahəm lìfèɗìɗe lele, tsəka, nda maàga tsa. Gwim dukw ana kà sərum i gəzləŋ kurum ŋgwal ŋa ya kəla pat mbaŋa, dite ku mege ti ndeveye a kurum ŋa, nda gà bəla ti tsik aà kurum a dukw ana ŋgwala tsiye, agəra mendze kurum ana ŋgwal ŋa lele, kə̀ gəsum Yesuw Kiristi nda gəzləŋ kurum a tekeɗe ka, hwarwa a ge a teriŋa.

1 PIYER 3:17

Na a sàs a Mbulum kataya ka, ŋgulum sèwèrwim are, agəra dukw ana ki gwim a ŋgwal ŋa ya, ndəna ki sèwèrwim a are aɗaba dukw ana ki gwim a ŋgwala tsiye ya.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.

2 Piyer 2:12

Ama gà mburma ata ta gewa ka, dukw ana nda madzala gà gər tar taf masakəŋa ya. Tar ka, kamala gà dukw dala ana ta weye a gà ɓəza, dite gà mburma ta gese a aà mibetseye ya. Ti tsik a dukw ana ŋgwal ŋa tsiye, aà gà dukw ana tə sər tsiye mbaŋa asa. Mbulum a ta bets a tar tìteh tìteh aà bəra ya kaɗəŋ, kamala na gà mburma ta batsawa gà dukw dala ata ya.

Yuda 1:10

Ama gà ɓəzla pàrsa ata ka, ti tsik a dukw ana ŋgwal ŋa tsiye aà gà dukw ana tə sər tsiye ya. Tar ti zezem a ka, dukw meèweke ba tar ɗekɗek, metsehe tar a riŋ tsa. Ti ne ka, kamala dukw dala ya. Kamala taŋa ya na ti dzeye à ba tar a.