1 PIYER 2:1 - Bible Zulgo

¹ Aɗaba taŋa, miyakum aba à gà bakal ana i gəzləŋ kurum a tserdze. Kà sàsum pàrsa asa tsa. Mimbèhè are ma ge i təv kurum tsa. Ki gwim are aka dukw mburma tsa, dite nda gà mezelme bazlam ana ŋgwal ŋa tsiye tserdze, ma ge i təv kurum tsa asa mbaŋa.

1 PIYER 2:1 ပူးပေါင်းရင်းမြစ်များ

Mata 15:7

A gwaɗa a tar asa: «Kurum ka, gà ɓəzla məbànà mburma nda pàrsa, kamala ana Ezaya, mala məma à guma Mbulum a tsik aà kurum akahər ata ya kaɗəŋ ndzer.

Mata 23:28

Kurum ka, kamala taŋa ya. Ika miɗ mburma ka, ta gweɗe a, kurum ka, gà ŋgwal ŋa. Ama i huɗ gəzləŋ kurum ka, mimbèhè are, nda mege dukw ana ŋgwala tsiye, na maràhà ŋa iɗəm a.»

Mata 24:51

Na mala ga ŋgar ata aka màra ka, a viler a mesewere are hinne, à yè a ŋgat a təv ana gà ɓəzla mimbèhè are ti ti sèwèr a iɗəm are nda gà tuwa, ta pèpìɗ a dər zlir hinne ya.»

Mata 7:5

A kər mala mimbèhè are ata, lah mazlàra diŋgwizl aaha i are yak ŋa ya dzekwiŋ, dite ndzihndzih ki ŋget a a vatwa lele, ìndits ki zlere a pərats a kwizikw ŋa ata i are damər yak a kuɗa.

Markus 12:15

Ama Yesuw a sər a taraha aka dukw ana tə dzala i gər tar a tsara. I dəba ŋa ya, a gwaɗa a tar: «Aàmala na ki dzwìm a ba aà iye kataya ya? A za vilwimiŋara kur siŋgwe ŋa ya ilik, i sèmete a kwaŋ.»

Luka 11:44

Ama taŋa ka, waya ba kurum a, kà ndzìkìɗwim ba ka, gà dive ana mburma tì sìweye a ndaka gər ŋa ka, ta ŋgatar tsiye.»

Luka 12:1

Zàkwayiya ka, gà mburma hinne ti yahaba gər a fata, a ɗeme a ba tsa. Ta ɓelebe a aka sik. Yesuw a lah mifefile a gà ɓəzla mazazama ŋgat dzekwiŋ. A gwaɗa a tar: «Kaslum ba kurum i təv giɗe gà *Farisa ana a kwasawa à duwa ya, kərga megweɗe ya ka, i təv mimbèhè are tar a.

Luka 6:42

Meme na ki sle aà megweɗe a a damər yak ka: dzekwiŋ a, na tsaatsa i yak ŋa ana iɗəm ka, diŋgwizl a? A kər mala mimbèhè are ata, lah mazlàra diŋgwizl aaha i are yak ŋa ya dzekwiŋ, dite ndzihndzih ki ŋget a vatwa lele, ìndits ki zlere a pərats a kwizikw ŋa ata i are damər yak a kuɗa.»

Yuhana 1:47

Aləka Yesuw a fə̀r Nataniyel a riŋ a dehe a a təv ŋgar ka, a gwa aà ŋgat: «Araha na kəla gà Isərayel ana ndzer, wirwir i ba tsidze ya.»

RUMA 1:29

Tar ka, gà maràhà ŋa nda gà dukw ana ta ge a ŋgwal ŋa tsiye, ti sìkèh a à bakal tar pampam hinne. Ta ge a are aka dukw mburma, ti yehe a ahəm ka, pìrèh pìrèh, nda mene are a mburma, nda məbatsa mburma. Ta gebe a maàga, dite ta bene a mburma, nda megeyeba swalwa hinne. Ta wele a aà mburma ya ka, hinne mbaŋa asa,

1 Kurintiya 14:20

Gà damər gà, ka tə dzalum duwa kamala gà ɓəza ndirkiz a tsa. Dzalum gà gər ka, kamala ana kurum gà bàba gà mburma ya. Ama nda təv mege bakal ka, nwim kamala gà ɓəza kəla ndirkiz ana kwizikw tə sər ikaba à dukw bakal a tsiye.

1 Kurintiya 5:8

Aɗaba taŋa, gə̀rə̀vakwa lele, ama ki gìrìvekwe a kəla ka, dukw bakal mege iɗəm tsa. Aɗaba dukw bakal ata à sìkèh a, a ne a kamala giɗe ata a kwasawa à duwa ya. Dite ka, ki nekwe a gà mburma ana gà ndzer ŋa tsəɗaŋŋa, ki gekwe a dukw ana ŋgwala tsiye nda təv bakal asa tsa.

2 Kurintiya 12:20

Iye ihər i ge a magəɗa aɗaba kurum ka, hinne, na bəla i təv ana i dehe a a təv kurum ka, i le aà kurum a ika vatwa ŋa, kamala ana i waya ya tsiye. Na aka ge kataya kaɗəŋ ka, mede gà ata i dehe a a təv kurum a tekeɗe, à tsehin aà kurum a tsa mbaŋa. I fataya ka, iye riŋ nda magəɗa hinne, aɗaba na bəla Yàa daha ka, i le aà kurum a, kurum riŋ ihər ki gwim a maàga, kige tsa, ki gwim a aba sələk nda gà matsəɓatsəɓ riŋ ika magər kurum, kige tsa mimbètsèba ahəm a riŋ ika magər kurum wùràpə̀ppa, dite kurum riŋ ihər ki ndzekwim a ba ikaba ya təv pampam, ki tsikwim a dukw ana ŋgwala tsiye aà gà mìsle ŋgiɗ, nda gà bəla ki lèvèkwim a ahəm aà mburma. Kige tsa asa, bəla kurum ihər ki gwim a aba a zlapa, nda gà bəla mewìsè bazlam a riŋ hinne ika magər kurum a.

EFESIYA 4:31

Miyakum à məpala ba ahəm ana ika magər kurum a, gəzləŋ ma tərfə̀ɗ a kurum nda matsəɓatsəɓ asa tsa. Ama ki gwim maàga asa tsa. Mendeve ibam, ma ta ge ika magər kurum ɓav tsa asa. Ama ka, ka ta gwim ba swalwa ɓav tsa asa.

1 TESALUNIKE 2:3

I təv ana mì wiz mburma, dite ta gəs bazlam ata ya ka, mì mà à dukw ana a dara i madzala gà gər mər a tsa. Mì tsik ka, lele, wirwir iɗəm tsidze. Dite kwets mìi bene a mburma tsa asa mbaŋa.

1 TIMUTE 3:11

Mede gà məkəs tar ibam, ma ge ka, ilik mbaŋa asa. Ti ti tsik manəsa bazlam aà mburma tsa. Ama ta gəs gəzləŋ i təv guzum a, tə ta kwaya tsa. Say megemir tar ma da ka, ndaka vatwa ŋa lele nda təv dukw tserdze, ta gawuwa ahəm sula tsa.

TITUS 2:3

Gà məkəs ana gà màndawal ŋa ya tekeɗe ka, kataya mbaŋa. Gwaɗa a tar ka, mede tar ma ge ŋgwal ŋa lele, kamala ana a tsahən aà Mbulum a. Ti ti ne gà ɓəzla melèvekè ahəm aà mburma lèvèk lèvèk tsa, kige tsa ti ne ɓele guzum tsa asa. Say ti ɗif ka, à dukw ana ŋgwal ŋa ya, a gà asiŋ gà mburma ŋgiɗ ivaɗ, na dite ti zezem a tar a.

IBƏRANIKWA 12:1

Kwa kinehe ka, kwa ihər ki ŋgetekewe a a gà mburma ata hinne, ti le a kwa tits, dite ti ɗif a kwe a dər, meme na ki gìsekwe a Mbulum a. Aɗaba taŋa, miyakukwa aba à gà dukw ana tserdze ta ŋgeye a kwa teztez a. Gwàtsakukwa aba à gà dukw bakal ana ta gese a kwa nda ndzəɗa ya mbaŋa. Kà mərakwa aba, kà tàkwa aka miɗ aka miɗ nda metìze sah lele, ka ndzekwa a təv ana ki tèkwe aɗəm a ya.

YAKUBA 1:21

Aɗaba taŋa, miyakum aba à dukw bakal ana tserdze ya, ki gwim asa tsa. Hənum à gər a bəɗ aka miɗ Mbulum, gəsum bazlam ŋgar ana a dzəv a gəzləŋ kurum kamala madzàvà duwa ya, dite ka, a sle a aà mimbile dər à mesife kurum kuɗa ya.

YAKUBA 3:14

Ama na bəla kurum riŋ nda gà mege are aka dukw mburma, kige tsa mege maàga a riŋ ika magər kurum huwwa kəla pat, nda madzala dukw ana ŋgwala tsiye nda təv mburma ka, ka ta gwim aba zlapa tsa, kàa nwim pàrsa à dukw ndzer ŋana.

YAKUBA 4:11

Gà damər gà, ka ti tsikwim dukw ana ŋgwal ŋa tsiye aà mburma tsa. Na wura aka tsik dukw ana ŋgwal ŋa tsiye aà damər ŋgar, kige tsa à mèr a à bakal mbaŋa ka, taŋa ka, a tsik dukw ata ŋgwal ŋa tsiye ka, aà məpala ahəm Mbulum. A mà à bakal ka, a ŋgat mbaŋa. Avukw ana à gis a məpala ahəm ŋgar a ka, a ne mala məmàr à bakal ivaɗ dze ana, meme?

YAKUBA 4:5

Kurum kù gwaɗum ana, dukw ana ta wetse i wakita Mbulum ana, dukw masakəŋa taf a? A gwa ka: «Mbulum a ge a are aka mesife ana a vəl a kwa ya. A waya, na dite ki mèkwer a dər a.»*fa*

YAKUBA 5:9

Gà damər gà, ka tə sayum aaba ahəm tsa, na dite seriye Mbulum ata à gis a kurum tsiye. Aɗaba ŋgat ana a ge a seriye ya ka, araha mehìtsè ŋa, aka à mendzera aka biye hərmaga ya.

1 PIYER 2:16

kə̀ ŋgatum mezìwè gər kurum ka, aɗaba Yesuw Kiristi ana a pəl à kurum i bakal a ya. Na kàa ŋgatum mezìwè ger kurum kamala taŋa ya ka, ka ta kàhum bakal a gəzləŋ kurum asa tsa. Ama kə̀ gəsum ahəm aà Mbulum ivaɗ.

1 PIYER 2:22

Ŋgat ka, aka ge bakal duwa ilik tsidze, dite wura aka tsaraka pàrsa duwa i bazlam ŋgar a ilik tsidze asa mbaŋa.*ff*

1 PIYER 3:10

Aɗaba ta wetse i wakita Mbulum ka, ta gwa: «Na wura aka sasar mendze ana ŋgwal ŋa ya, nda gà bəla a waya maŋgayaba ka, say a miyek a à metsìkè dukw ana ŋgwal ŋa tsiye, mà sàs pàrsa aà mburma tsa asa.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.

1 PIYER 4:4

Ama kinehe ka, mendze kurum a da akaba nda gà na tə sər Mbulum tsiye asa tsa, aɗaba ana ki ndzwim a a təv ilik ŋa nda gà tar aà mege dukw ata ta geye a ŋgwala tsa pampam asa tsiye. Ta fir aà kurum a kataya ka, a ge aà ter a kamala dukw mene aà mburma ya. Aɗaba taŋa na tì dze a ba aà mendeveye a kurum a.

Sunwa Yuhana 14:5

Tar ka, pàrsa a riŋ i bazlam tar tsa, dite dukw ŋgiɗ a riŋ ilik na ta ge a ka, ta me a ter a iɗəm à bakal a tsidze.