1 PIYER 1:6 - Bible Zulgo

⁶ Aɗaba taŋa, ŋgayum ba, ku mege kurum riŋ ihər ki sèwèrwim a are agəra gà medzike ana ti dzik a à kurum a nda dukw ŋgiɗ pampam tekeɗe ya.

1 PIYER 1:6 ပူးပေါင်းရင်းမြစ်များ

Mata 11:28

I dəba ŋa ya, Yesuw a gwaɗa a tar asa: «A kurum ana kàa ywim ba kwèndèhndèhhe agəra məpala ahəm Mbulum ana ti tike aka kurum duwa kamala mibe duwa ya. Dumara a təv ga ya, i zle a ika kurum mibe dukw ata ya.

Mata 26:37

Aka təv ana a de a ya ka, a ndzək dər gà Piyer nda gà ɓəza Zebede aà ahər. Tə da i təv gà asiŋ gà ɓəzla mazazama ŋgat aaha ya. A təv ana ti ndzeha a fataya ka, Yesuw a dza ba aà medzedzere nda matsəɓatsəɓ hinne.

Mata 5:12

Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Luka 1:47

Dite gəzləŋ ga a riŋ a ŋgeye a ba agəra Mbulum mala məmbə̀là à iye.

Luka 10:20

Ama ka ta ŋgayum ba agəra ana gà sitene tàa gəs aà kurum ahəm a ɗekɗek tsa. Say ŋgeywim ba ka, agəra ana gà zləm kurum mewetse ŋa i təv Mbulum a ivaɗ.»

Luka 2:10

Ama gawla Mbulum ata a gwaɗa a tar: «Ki gwim magəɗa tsa, aɗaba i dara ka, i zla a kurumara bazlam ŋgwal ŋa ana gà mburma tserdze ta ŋgeye a dər ba hinne ya.

Yuhana 16:22

Kamala taŋa ya, i təv kurum tekeɗe, kataya mbaŋa. Taŋa i təv kurum i faha ka, ki gwim a arəv hinne. Ama i dəba ŋa ya ka, ki ta ŋgetekewebe a asa. Ki ta ŋgeywim a ba hinne, dite wura ilik a sle a aà mazla aà kurum dukw maŋgayaba ata ya asa tsa.

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

Gà Ɓəzla Meslire 14:22

Tə daha, ta màha à arəv a gà mburma Mbulum ana i fataya, dite ka, ta bàs gəzləŋ, ta ŋgat ndzəɗa i təv megìse tar ana ta gəs Mbulum a. Ta gwaɗawa a tar: «Ki ta ŋgetekewe a təv mendze i mekwere Əbay Mbulum ka, ki sèwèrekwe a are hinne pampam dzekwiŋ.»

RUMA 12:12

Ŋgayawum ba aɗaba madzala gà gər aka dukw ana Mbulum a gwa, i ta vile a kurum a i sida ya ya. I təv ana ki sèwèrwim a are ya ka, mərum aba sah lele, bàsumaraha. Hamum a Mbulum kəla pat, kà yum ba tsa.

RUMA 5:11

Ama taŋa ɗekɗek tsa. Ki ŋgeyekwe a ba hinne mbaŋa ka, aɗaba ana kà sərakwa ndzer, Mbulum a ndze a nda gà kwa ya. A ndze a nda gà kwa ka, aɗaba Yesuw Kiristi BATSAH kwa ŋana a ne à kwa gà masla ŋgar a.

RUMA 5:2

Ŋgat na a hə̀ndə̀k a kwa i vatwa ya, na dite Mbulum a ge a kwa ŋgwal, aɗaba ana kə̀ gə̀sakwa ŋgat nda gəzləŋ kwa ya. Ŋgwal dukw ata kə̀ ŋgatakwa ya ka, ki ŋgeyekwe a dər ba, aɗaba ana kà sərakwa ndzer ka, Mbulum a ta vile a kwe a mezlibe ŋgar ana tì zlibe a à ŋgat a mbaŋa ya.

RUMA 9:2

Kinehe ka, gəzləŋ a riŋ a wir aà iye a hinne, a misek a à mewire tsa,

2 Kurintiya 4:17

Gà mesewere are ana kwa ihər ki sèwèrekwe a kinehe ya ka, ti ndze a tsa, tì ndìv a mba. Ki ta ŋgetekewe a dər ka, mezlibe ana batsah ŋa ya. Mezlibe ata ka, a ti zè a dukw tserdze, dite a ndze a ka, aà biybiy. Agəra taŋa na ki fìrekwe a aà gà mesewere are ata ka, kamala ana mawura ba ŋa tsiye ya.

2 Kurintiya 6:10

Ku mege ta vile a mər a matsəɓatsəɓ a gəzləŋ hinne tekeɗe ka, mìi de a aka miɗ aka miɗ nda maŋgayaba lele hiywe. Mər ka, mì ne kamala gà ɓəzla matawak a, ama mər ihər mìi ge a Əbay à gà mburma hinne ika vatwa Mbulum seyiŋ ivaɗ. Mi ne kamala ana duwa mər a riŋ tsidze ya. Ama nda ndzer kəla ka, dukw tserdze a riŋ aà mər dukw ŋgar.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

FILIPIYA 2:26

Aɗaba a waya madaha a təv kurum hinne, gər aka wiser, ki kìvwimeriŋa, aɗaba ana ŋgat a tsaraka ka, ta gwa là, kàa tsarakum dukw məməta ŋgar aaha a gəs ɗa ŋgat a ya.

FILIPIYA 3:3

Ama kwa na gà masàsà ŋa nda ndzer a, tsəka, tar tsa. Kamala taŋa ya, kwa na kà nekwa gà mburma Mbulum a. Kwa asa na kà hamawukwa a Mbulum nda ndzəɗa Mezite Mesife ŋgar a. Dite ki ŋgeyekwe a ba ka, agəra ana kwa mandza ŋa i təv ilik ŋa nda gà Yesuw Kiristi ya. Ama kwa ka, ki dzèkwe a are aà dukw ana mburma ta gewa, ta gweɗe a naha ka, ŋgwal ŋa ya tsa.

FILIPIYA 4:4

Ŋgeywim ba kəla pat, agəra ana kurum mandza ŋa nda gà Yesuw BATSAH kwa ŋa a təv ilik ŋa ya. I tsik a kurum a asa: Ŋgeywim ba.

1 TESALUNIKE 1:6

Ama kurum kinehe ka, kàa dzum ba aà mazazama mede mər, nda biy BATSAH kwa ŋa. I təv ana kə̀ gəsum bazlam Mbulum a ka, ku mege mburma ti sèwèrewa a kurum dər akaba are hinne tekeɗe, ama kurum ka, kàa ŋgayum ba ivaɗ. Maŋgayaba ata ka, Mezite Mesife Mbulum na a vəl a kurum a.

YAKUBA 1:2

A kurum gà damər gà ana ika vatwa Mbulum a. Na bəla gà dukw mesewere are ana ti dzik a à kurum pampam a, tàa le aà kurum ka, ŋgeywim ba ivaɗ.

YAKUBA 1:9

Mala mazazama Yesuw ana matawak ŋa ika magər kurum a ka, ma ŋgaya ba, aɗaba Mbulum aka səkah à ŋgat.

YAKUBA 4:9

Ndzum ka, kamala ana ki sèwèrwim a are ya, tuwum hinne, aɗaba bakal kurum, kəɗum ba ivaɗ. Sawla kurum ana ki sewlwim a zləmana ya ka, nwim dər tuwa mbaŋa. Maŋgayaba kurum ana ki ŋgeywim a ba ya tekeɗe ka, nwim dər matsəɓatsəɓ i gəzləŋ kurum ivaɗ asa.

1 PIYER 3:17

Na a sàs a Mbulum kataya ka, ŋgulum sèwèrwim are, agəra dukw ana ki gwim a ŋgwal ŋa ya, ndəna ki sèwèrwim a are aɗaba dukw ana ki gwim a ŋgwala tsiye ya.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.