1 PIYER 1:25 - Bible Zulgo

²⁵ Ama bazlam Mbulum ka, a ndze a aà biybiy, à ndìv a tsa.»*fb* Bazlam ata ka, bazlam ŋgwal ŋa ana ti tsik a kurum biy maŋgayaba ya.

1 PIYER 1:25 ပူးပေါင်းရင်းမြစ်များ

Mata 5:18

Iye ihər i gweɗe a kurum a nda ndzer, pàrsa iɗəm tsa: Ku mege kinehe gà gəza mbulum nda gər ahəɗ a riŋ hiywe mba ka, məpala ahəm ata a dzeye a tsa. Ku mege dukw ana mewetse ŋa iɗəm kwizikw hinne tsiye tekeɗe, à nikiɗ a ihər a, a dzeye a ihər a ɓav tsa asa, haa a təv ana gà dukw məpala ahəm ata a tsik ahər tserdze ya ka, aka ndəv a.

Luka 16:17

Aɗaba ŋgulum gà gər ahəɗ nda gəza mbulum ka, tì ndìviŋa. Ama məpala ahəm Mbulum ka, à ndìv a tsa. Ku mege dukw ana mewetse ŋa iɗəm kwizikw hinne tsiye tekeɗe, à nikiɗ a ihər a tsa, a ndze a aà biybiy.

Yuhana 1:1

Akahər ata piŋŋe, i təv ana Mbulum aka ge gər ahəɗ zukw tsiye ka, wele ana tə zalar bazlam Mbulum ka, a riŋ dukw ŋgar. Ŋgat ka, a riŋ mandza ŋa i təv Mbulum, dite ŋgat ka, Mbulum mbaŋa.

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

1 Kurintiya 2:2

Ələk i dara a təv kurum a ka, i dzala, i gwa: Yàa daha aka magər kurum ka, i tsik a kurum a bazlam Yesuw Kiristi ɗekɗek, tsəka, i dzele a duwa ŋgiɗ tsa. I ɗif a kurum a dər ndeyndey ka, à məməta ŋgar ana a mət aà dizl magə̀làwà ŋa ya.

EFESIYA 2:17

Kərga taŋa ya na Yesuw Kiristi a dara aka gər ahəɗ, aà metsìkè bazlam ŋgwal ŋa ana biy mandza zayya ika miɗ Mbulum a, a kurum ana kà ndzùm aaba diriŋ nda gà Mbulum a piŋŋe ya, dite a kwa, gà Yahuda ana bise nda ŋgat a asa mbaŋa.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

TITUS 1:3

Ama tits a təv ana a ndze aɗəm a ka, a pàt a kwa à mesife ata a gwa, i ta vile a kurum a ya, i huɗ bazlam ŋgar ana ŋgwal ŋa, gà ɓəzla meslire ŋgar ti tsik a. Na a viliŋ bazlam ata a ahər ka, Mbulum ana ŋgat mala məmbə̀là à kwa, a gweɗiŋ, ti tsik a gà asiŋ gà mburma ŋgiɗ mbaŋa ya.

IBƏRANIKWA 6:5

Dite tàa mbər mesire bazlam Mbulum ka, ŋgwal ŋa. Tàa sər aà ndzəɗa gər ahəɗ awiya ŋana Mbulum a ge a ika miɗ mba ya asa mbaŋa.

1 PIYER 1:12

Mbulum a ɗif a tar dər aba ya ka, tar ŋa tsa na ti ta ŋget a gà dukw ata ya. Ama a ɗif a tar dər ka, aɗaba kurum. Kinehe ka, gà ɓəzla meslire ŋgar ata ti ɗif a kurum à bazlam ŋgwal ŋa ata ya ka, tàa tsik a kurum gà dukw ata. Ti tsik a kurum ka, nda ndzəɗa Mezite Mesife Mbulum ana a slərra i gər ŋa ya. Ku mege gà gawla Mbulum tekeɗe ka, a sàs tar mesire gà dukw ata mbaŋa.

1 PIYER 1:23

Aɗaba kà sərum, Mbulum a vəl a kurum mesife awiya ŋa, nda ndzəɗa bazlam ŋgar ana a vile a mesife a mburma, diydiy à ndìv a tsiye. Kurum ka, kàa nwim gà ɓəza Mbulum ana ŋgat à mìt a tsidze ya. Ŋgat ka, kamala kwa ana ki metekwa a ya tsa.

1 PIYER 2:2

Nwim ka, kamala gà ɓəza ndirkiz ana ta wa tar kinkin, ta waya masà awah kəla pat a. Kurum tekeɗe ka, wayum bazlam Mbulum ndzer ŋana kəla pat kataya mbaŋa, dite ka, ki gilwim a dər ba, Mbulum a ta mbil a à kurum fit.

2 Piyer 1:19

Taŋa ka, a səkah a kwa à magəsa dukw ana gà ɓəzla məma à guma Mbulum ti tsik akahər ata ya asa. Ama kinehe ka, gwim metsehe aà mandza zləm a bazlam tar ata lele, aɗaba a ndzikiɗ ba ka, kamala lalampa ana à pèt a à dzaydzay i təv luvuŋ a. Ki dzwìm a zləm ka, haa a pat ana à mbizere a ya. A pat ata ka, a ge a i gəzləŋ kurum parakkà kamala *mawusawus madə̀và mbulum ana à div a ya. Kamala megweɗe ya ka: Kiristi na a dere a nda gà dzaydzay ŋgar ata à wìtiɗe a i gəzləŋ kurum a.

1 Yuhana 1:1

Mì wetse a kurumaha wakita aaha ka, aka gər bazlam ana a vile a mesife a mburma ya. Aka ana tàa ge gər ahəɗ zukw tsiye ka, bazlam ata a riŋ dukw ŋgar.*fa* Mər maa tsaraka bazlam ŋa, maa ŋgatar nda are mər mbaŋa. Maa fə̀r ahər kaɗəŋ, maa ləm ahər nda ahər mbaŋa asa.

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

Sunwa Yuhana 14:6

I dəba ŋa ya ka, i ŋgataha a gawla Mbulum ŋgiɗ duwa a riŋ ɗevivivvè diriŋ, a be a ndaà gəza mbulum. A dara ka, aà meɗìfè à bazlam ŋgwal ŋa ana a ndze a aà biybiy a. A tsik a ka, a gà mburma ana ika gər ahəɗ a tserdze, ku mege a gà na slàla tar pam, nda gà təv gà mendze tar pampam, kige tsa gà ahəm tar tekeɗe, pampam a.