1 PIYER 1:23 - Bible Zulgo

²³ Aɗaba kà sərum, Mbulum a vəl a kurum mesife awiya ŋa, nda ndzəɗa bazlam ŋgar ana a vile a mesife a mburma, diydiy à ndìv a tsiye. Kurum ka, kàa nwim gà ɓəza Mbulum ana ŋgat à mìt a tsidze ya. Ŋgat ka, kamala kwa ana ki metekwa a ya tsa.

1 PIYER 1:23 ပူးပေါင်းရင်းမြစ်များ

Mata 24:35

Gà kuvəl mbulum nda gər ahəɗ ka, tì ndìviŋa. Ama bazlam gà ka, à ndìv a tsa, a ndze a aà biybiy.»

Luka 8:11

I dəba ŋa ya, Yesuw a gwaɗa a tar kuɗa: «Bazlam minew ata a sasar aà megweɗe ka, na a ne hwife ka, bazlam Mbulum.

Yuhana 1:13

Ti ne gà ɓəza Mbulum ka, a wa tar kamala ana mburma ti dzele a, ta we a ba ya tsa. Ti ne gà ɓəza Mbulum ka, agəra ana a vəl a tar mesife awiya ŋa ya.

Yuhana 1:3

Mbulum a ge gà dukw tserdze ka, nda ahər ŋgar. Duwa ilik na Mbulum a ge nda ahər ŋgar tsiye ka, a riŋ tsa.

Yuhana 3:3

Yesuw a gwaɗar aaka: «Iye ihər i gweɗek a nda ndzer, pàrsa iɗəm tsa: Wura a sle aà mada a təv mekwere Əbay Mbulum tsa, na aka waba masula ŋa tsiye.»

Yuhana 3:5

Ama Yesuw a gwaɗar aaka: «Iye ihər i gweɗek a nda ndzer, pàrsa iɗəm tsa: Wura a sle a aà mada a təv mekwere Əbay Mbulum tsa, na aka wa ba nda yam nda Mezite Mesife Mbulum tsiye.

Yuhana 6:63

Mezite Mesife Mbulum na a vile a mesife a mburma ya, tsəka, ndzəɗa mburma a sle a duwa tsa. Gà bazlam ana i tsik a kurum a ka, na a vile a kurum a mesife ndzer ŋana, a dara i təv Mezite Mesife Mbulum a.

RUMA 1:23

Tar ka, ta miyak à mazàmbàɗà à Mbulum ana mezlibe ŋgar a riŋ hinne, dite ŋgat asa ka, a ndze a aà biybiy a. Tə zàmbaɗawa ka, a gà dukw ana ta geye nda ahər tar, ti ne dər kamala gà Mbulum tar a ivaɗ. Gà dukw ata ka, gà asiŋ ŋa ti ndzikiɗ ba gà mburma ana tar ka, ta mìt a ya. Dite gà biy ŋgiɗ ti ndzikiɗ ba gà ɗiyeŋ, gà biy ŋgiɗ ibam, tar ka, kamala dukw dala ana ti de a nda sik faɗ a. Dite gà biy ŋgiɗ asa mbaŋa ka, ti ndzikiɗ ba gà dukw ana ti de a nda huɗ a.

IBƏRANIKWA 4:12

Kà sərakwa bazlam Mbulum ka, ŋgat na a vile a mesife a mburma ya. Ar ka, ndzəɗa ŋa hinne mbaŋa. Ndzəɗa ŋgar ka, a za dər màsalamà ana matasla ŋa hapəpəpa a zəm tsèke sula ya. A pìts a madzala gà gər mburma ka, kamala màsalamà ana à ses a ikaba təv mezìve ya, nda gà tsa, a dehe a, ərrats à ses a atasl ana azuz iɗəm a. Bazlam ŋgar ata ka, kwàndàlàz à pètere a iɗəm à gà dukw ana gà mburma ti dzele a i gəzləŋ tar, a sàs a tar aà mege ya.

YAKUBA 1:18

Ŋgat na a waya, a vəl a kwa mesife awiya ŋa na i təv guma ŋgar ndzer ŋana a tsik a. A sasar na ka nekwa gà malahalah ŋana i liwiŋ gà dukw ana a ge tserdze ya.

1 PIYER 1:25

Ama bazlam Mbulum ka, a ndze a aà biybiy, à ndìv a tsa.»*fb* Bazlam ata ka, bazlam ŋgwal ŋa ana ti tsik a kurum biy maŋgayaba ya.

1 PIYER 1:3

Zàmbaɗakwa à Mbulum tsir Yesuw Kiristi BATSAH kwa ŋa. Ka ndzekwar are tsehe hinne, na dite a vəl a kwa mesife awiya ŋa ya. Kə ŋgatakwa ka, aɗaba Yesuw Kiristi ana a mbəlara i məməta ya ya. Agəra taŋa na kà sərakwa i gəzləŋ kwa ka, ki ta mbilekwere a i məməta ya mbaŋa ya.

1 Yuhana 3:9

Na wura aka ne kəla Mbulum ka, a gewe a bakal asa tsa. Aɗaba mesife ana Mbulum a vəlar a ka, a riŋ mandza ŋa i gəzləŋ ŋgar. A sle aà megewe a bakal asa tsəka, aɗaba ana Mbulum aka ne Tsir ŋgar a.

1 Yuhana 5:18

Kà sərakwa dər, gà na ti ne gà ɓəza Mbulum a ka, ku mege weke, a gewe a bakal asa tsa, aɗaba Kəla Mbulum a riŋ a kesle a ŋgat. Kamala taŋa ya, Əbay sitene a sle aà melime aà ŋget a asa tsa.