1 PIYER 1:22 - Bible Zulgo

²² Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

1 PIYER 1:22 ပူးပေါင်းရင်းမြစ်များ

Yuhana 15:17

Aɗaba taŋa na kinehe iye ihər i gweɗe a kurum a ka, wayum ba kurum ilik ilik tserdze ya.»

Yuhana 15:3

Kurum kà nwim ka, tsəɗaŋŋa, aɗaba guma aaha i tsik a kurum a.

Yuhana 17:17

Ne à tar gà tsəɗaŋŋa, ɗif a tar à dukw ana ndzer a, dite ka, ti ne gà mburma yak ana ndzer kuɗa ya. Aɗaba bazlam yak na ndzer a.

Yuhana 17:19

I vilek a mesife gà, aɗaba tar, dite tar tekeɗe, ti ne gà mburma yak nda ndzer ŋa mbaŋa.

Gà Ɓəzla Meslire 15:9

Aka wala ikaba tar nda gà kwa ya tsa. A pə̀lara à tar i bakal a ka, aɗaba ana tàa gəs ŋgat nda gəzləŋ ilik a.

Gà Ɓəzla Meslire 6:7

Bazlam Mbulum a ɗe zləm hinne. Gà ɓəzla mazazama Yesuw tə səkah hinne i Yeruzalem, dite gà ɓəzla mandəva kuɗa a Mbulum hinne ta gəs Yesuw nda gəzləŋ tar mbaŋa.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

RUMA 2:8

Ama gà asiŋ gà biy ŋgiɗ ta gəsawa ahəm aà Mbulum tsidze. Ti niw a vatwa ndzer ŋana, dite ti zezem a ka, dukw ana ŋgwala tsiye ivaɗ. Tar ka, matsəɓatsəɓ Mbulum ika gər tar, à gis a tar i seriye ya.

RUMA 8:13

Aɗaba na bəla ki zezemwim a dukw ana ba kurum a waya ya ɗekɗek ka, ki metwimiŋa. Ama na bəla ki vilwim a vatwa a Mezite Mesife Mbulum a gəzləŋ kurum, ki miyekwim a à dukw ana ba kurum a waya aà mege ya ka, taŋa ka, ki ŋgetwim a mesife ana ndzer ŋa ya.

2 Kurintiya 6:6

I huɗ mendze mər ana mìi ndze a ya, a sər ba ka, mər gà ɓəzla megemir Mbulum. Mər mì pat ka, à tsəɗaŋŋa. Mìi ge a ka, dukw ana ndzer a. Mì bàsawa gəzləŋ, mì gewa gər a mburma lele. Mezite Mesife Mbulum a vəlawa a mər ndzəɗa aà megemir. Mì wayawa gà asiŋ gà mburma ŋgiɗ tserdze nda gəzləŋ ilik.

GALATIYA 3:1

Kurum gà mburma ana ika ahəɗ Galatiya ya, metsehe kurum a riŋ tsa. Meme na ta bana kurum dze ya? Aɗaba Yàa ɗif a kurum dər parakkà lele, meme na Yesuw Kiristi a mət aà dizl magə̀làwà ŋa aɗaba kwa ya.

GALATIYA 5:5

Ama mər ka, mì tike madzala gà gər mər a təv Mbulum. Ŋgat na a ne à mər a gà ŋgwal ŋa ika miɗ ŋgar a, agəra megìse ana mì gəs Kiristi nda gəzləŋ a. Taŋa na kinehe mər ihər mìi veve a pat ana mìi be a aà seriye ya, nda ndzəɗa Mezite Mesife ŋgar a.

GALATIYA 5:7

Malahalah ŋa ka, kurum ihər ki dwim a aka miɗ aka miɗ nda mege gà dukw ana ŋgwal ŋa ya dze ana, weke na a pala a kurum ahəm aà mazazama gà dukw ata ndzer ŋa ya ya?

EFESIYA 4:3

Gwim metsehe, sələk ma ge ika magər kurum tsa. Kaslum ba kurum, madzala gər kurum ma ge ka, ilik, kamala ana Mezite Mesife Mbulum ana a ləm akaba à kwa ya. Ndzum nda zayzay lele ika magər kurum. Mendze kurum ma ge ka, ilik.

FILIPIYA 1:9

I hamawa a Mbulum aɗaba kurum ka, dite mawàyà ba ana ki weywim a ba ika magər kurum ilik ilik tserdze ya, mà səkah aaka aka miɗ aka miɗ. Kamala taŋa ya ka, ki sirwim a ndzer ŋa lele, dite ki slwim a aà masəra ikaba à gà dukw ana naha ka, a da ndaka vatwa Mbulum, kige tsa, naha ka, a da dər tsiye.

1 TESALUNIKE 3:12

Mìi heme a a BATSAH kwa ŋa, dite mawàyà ba kurum ana ki weywim a ba ika magər kurum nda gà asiŋ gà mburma tserdze ya, mà səkah, ma ge a kurum hayaffà, ma da aka miɗ aka miɗ, na dite ki weywim a ba ka, kamala ana mì waya kurum mbaŋa ya.

2 TESALUNIKE 1:3

Gà damər mər, ku mege meme tekeɗe, say mìi ge a kəkaaha a Mbulum kəla pat aɗaba kurum. Taŋa ka, ŋgwal ŋa na mìi ge a kamala taŋa ya, aɗaba megìse kurum ana kə̀ gəsum Mbulum nda gəzləŋ kurum a ka, a riŋ à sìkèh a hinne ya. Dite mawàyà ba kurum ana ki weywim a ba ika magər kurum a tekeɗe, a riŋ a de a aka miɗ aka miɗ kamala taŋa ya mbaŋa ya.

2 TESALUNIKE 2:13

Ama kurum kinehe ka, gà damər mər, say mìi ge a kəkaaha a Mbulum kəla pat, aɗaba kurum. Ŋgat ŋa na waya kurum a. Aɗaba a pala kurum ka, daga aà gər ana aka ge gər ahəɗ zukw tsiye, na dite ka, a mbil a à kurum nda ndzəɗa Mezite Mesife ŋgar ana a ne à kurum gà mburma ŋgar a. A mbil a à kurum ka, aɗaba ana kə̀ gəsum dukw ana ndzer a mbaŋa ya.

1 TIMUTE 1:3

A sèsiŋ ka, na ki ndze a riŋ i Efesiya ya, Timute, kamala ana i tsikik piŋŋe akahər ana i məsak riŋ à kər, i da aka ahəɗ Makaduniya ya. Ndza riŋ i fata, dite ka palawa ahəm a gà mburma ana tar riŋ i fata, ti tsik a bazlam Mbulum a mburma ndaka vatwa ŋa tsiye ya.

1 TIMUTE 1:5

Ki tsik a ter a bazlam ata ka, dite ta waya mburma. Na aka sàs a tar mawàyà mburma ka, say gəzləŋ tar ma ge lele tsəɗaŋŋa, aruwaŋ ma ge iɗəm tsa. Ta gewa ka, dukw ana ŋgwal ŋa ya ɗekɗek. Dite ta gəs Mbulum nda gəzləŋ tar nda ndzer mbaŋa. Na tàa ge gà dukw ata fit ka, ta waya mburma kaɗəŋ.

1 TIMUTE 4:12

Aɗaba na kər gawla, gà ɓəza mba ya ka, wura ma ta fə̀r aà kər ka, kamala kəla ndirkiz a ndeyndey ɓav tsa. Ama say ki ɗif a à vatwa a gà ɓəzla mazazama Yesuw Kiristi ivaɗ. Tə dəɗ aka bazlam yak ana ki tsik a ya, mege nda gà dukw ana ki ge a ŋgwal ŋa ika miɗ tar tekeɗe ya, bəla nda təv mawàyà mburma ya, kige tsa nda təv guma ana kə̀ gəs nda gəzləŋ yak ika miɗ Mbulum a, ku mege nda təv gəzləŋ yak ana lele, aruwaŋ iɗəm tsiye tserdze mbaŋa. Na kàa ge kataya ka, mede yak a ɗe a ter a à vatwa, dite na ti zezem a vatwa ata ŋgwal ŋa ya.

1 TIMUTE 5:2

Ki ɗe a dər a gà màndawal gà məkəs tekeɗe ka, kamala ana ki tsik a ka, a gà mama yak a. Dite a gà daala gà məkəs ibam ka, kamala ana ki tsik a ka, a gà damər yak gà dəm ŋana ya mbaŋa. Hwarwa ma ta ge a tar tsidze.

2 TIMUTE 1:14

Kasla ŋgwal dukw ata Mbulum a vəlak a ahər a lele. Aɗaba Mezite Mesife Mbulum ana mandza ŋa i gəzləŋ kwa ya, na a vilek ahər a ndzəɗa ya.

IBƏRANIKWA 11:8

Aɗaba megìse Abəraham ana a gəs Mbulum nda gəzləŋ akahər ata ya ka, ŋgat a gəs ahər ahəm i təv ana a zalar, a gwaɗar ka: «Da aka ahəɗ ana i ɗifek a dər, i ta vilek a, a ne a biy yak a.» Ama ka, Abəraham a sər təv ana a ti ndze aɗəm a ya tsa. Ku mege kataya tekeɗe ka, a miyak à ahəɗ ŋgar ata, a mah ba, a da.*fd*

IBƏRANIKWA 13:1

Wayum ba ilik ilik tserdze ika magər kurum, ma da aka miɗ aka miɗ, aɗaba kurum ika vatwa Yesuw ka, kurum nda gà damər.

IBƏRANIKWA 5:9

Mbulum a ndəv à dukw ana a dzala, a waya aà mege nda ŋgat a ka, a ne mala məmbə̀là à gà mburma ana tserdze ta gəs ahər ahəm a, dite ka, ta ŋget a mesife ana à ndìv a tsa aà biybiy a.

IBƏRANIKWA 6:10

Mbulum ka, mala ndzer ŋa. Mege megemir ana ki gwim a ya ka, à mìtser a gər tsa. Kamala taŋa ya, a sər ka, kàa zlakum gà asiŋ gà mburma ŋgar, dite kurum riŋ ki zlèkwim a tar hiywe, haa kinehe. Aɗaba taŋa na a sər ba ka, kà wayum Mbulum a.

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.

YAKUBA 1:21

Aɗaba taŋa, miyakum aba à dukw bakal ana tserdze ya, ki gwim asa tsa. Hənum à gər a bəɗ aka miɗ Mbulum, gəsum bazlam ŋgar ana a dzəv a gəzləŋ kurum kamala madzàvà duwa ya, dite ka, a sle a aà mimbile dər à mesife kurum kuɗa ya.

YAKUBA 4:8

Sìrìkwim a təv Mbulum. Ŋgat tekeɗe, à sìrìk a a təv kurum mbaŋa. A kurum gà ɓəzla bakal, dumara, barum bakal aà ahər kurum a. A kurum ana madzala gà gər i gəzləŋ kurum mandzalama sula ya, miyakum aba à madzala gà gər ata ŋgwal ŋa tsiye.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

1 PIYER 2:17

Zlə̀bum à mburma tserdze, wayum gà asiŋ gà damər kurum ana ti zezem a Yesuw Kiristi ya. Gwim magəɗa a Mbulum kəla pat. Zàmbaɗum à Əbay batsah ŋa ana a kwere a mburma ya mbaŋa.

1 PIYER 3:1

A kurum gà məkəs, hənum à gər a bəɗ a zal kurum. Aɗaba na kàa gwim kataya ka, gà zal kurum ana tàa gəs bazlam Mbulum tsiye ka, bəla ta mbìɗ a à gəzləŋ tar. Ta gis a Mbulum nda gəzləŋ tar mbaŋa, ku mege kàa fàfəlum a tar agəra bazlam Mbulum tsa tekeɗe ya.

1 PIYER 3:20

Gà mezite ata ka, biy gà na akahər ata tàa gəs Mbulum tsiye. Mbulum aka bàba tar, a gəs gəzləŋ hinne, akahər ana Nuhu a làmbaɗa slə̀làh yam ata ya. Gà mburma ana tə da aɗəm ka, tar ndaw tsa. Tar ka, tsamakər pəra, na Mbulum a mbala à tar i yam ata ya ya.

1 PIYER 3:8

Taŋa, i ndìv a à bazlam aaha nda magwàɗà a kurum tserdze: Ndzum ka, madzala gà gər kurum ma ge ka, ilik tserdze na ika magər kurum a. Ndzayum ba are tsehe, dite ka, wayum ba kurum lele, aɗaba kà nwim ka, nda gà damər na kurum ika vatwa Mbulum a. Zlakum ba ika magər kurum ilik ilik tserdze. Hənum ba à gər a bəɗ lele.

1 PIYER 4:17

Pat ana Mbulum a ge a seriye a gà mburma ya ka, aka à mendzera. A lah mege a ka, a gà mburma ŋgar dzekwiŋ. Ama na Mbulum à lèh mege a seriye ka, biy gà mburma ŋgar dzekwiŋ ana, dite meme na a ta ge a biy gà mburma ana ti niw bazlam ŋgwal ŋa aaha seyiŋ a?

1 PIYER 4:8

Kə̀la ka, duwa a riŋ ilik na a za gà dukw tserdze ya: Wayum ba kurum nda gəzləŋ ilik kəla pat aka miɗ aka miɗ. Aɗaba na kàa wayum mburma lele ka, matsəɓatsəɓ dukw bakal a ge a ika magər kurum asa tsa, à kèhe a ba fit kweleŋ.*fa*

2 Piyer 1:7

Na kàa hənum à gər a bəɗ ka, wayum ba lele, aɗaba kurum ka, nda gà damər na ika vatwa Mbulum a. I təv mawàyà ba kurum ata ya mbaŋa ka, wayum gà asiŋ gà mburma ilik ilik tserdze mbaŋa.

1 Yuhana 3:11

Bazlam ana kà tsarakum daga aà malahalah ŋa ya ka, araha, a gwa ka: Ka wayakwa ba ilik ilik tserdze.

1 Yuhana 3:23

Məpala ahəm ŋgar ana a tsik a kwa ya ka, araha. A gwa ka: Gə̀sakwa Yesuw Kiristi ana Kəla ŋgar a nda gəzləŋ kwa, dite ka wayakwa ba ika magər kwa ilik ilik tserdze kamala na Kiristi a tsik a kwa ya mbaŋa asa.

1 Yuhana 4:12

Wur a riŋ aka ŋgat a Mbulum ilik zukw tsa. Ama ku mege kàa ŋgatakwar ilik tsa tekeɗe ka, aka ana ki weyekwe a ba ika magər kwa ilik ilik tserdze ka, Mbulum a ndze a i təv ilik ŋa nda gà kwa mbaŋa, dite mawàyà ba ŋgar ana a waya dər kwa ya ka, a ge a megemir i gəzləŋ kwa lele.

1 Yuhana 4:20

Na wura a gweɗe a ka: «I waya Mbulum», ama ka, a riŋ a ne a are a mburma asa ka, wele ata ka, a sàs pàrsa masakəŋa. Aɗaba na bəla wura a weye a gà mburma ana a riŋ ihər a ŋgeter a ya tsəna, meme na a sle aà megweɗe a ka, i waya Mbulum ana aka ŋgatar ilik tsiye ya? A riŋ tsa, na taŋa ya.

1 Yuhana 4:7

A kurum gà masla gà, wayakwa ba ika magər kwa ilik ilik tserdze, aɗaba mawàyà ba kwa ana ki weyekwe a ba ya ka, a dara ka, i təv Mbulum a. Wur ana a wayawa mburma ya ka, ŋgat aka ne ka, kəla Mbulum. Ŋgat ka, a sər Mbulum mbaŋa.

Sunwa Yuhana 2:4

Ama kəla ka, duwa a riŋ ilik ika magər kurum na i samata ka, ŋgwala tsiye. Dukuməŋa ka, aɗaba ana kà wayum iye kamala ana kà lah mawayum iye akahər ata piŋŋe ya asa tsiye.