1 PIYER 1:10 - Bible Zulgo

¹⁰ Akahər ata ka, gà ɓəzla məma à guma Mbulum tàa fàfəl aka gər ŋgwal dukw ata Mbulum a gwa, i ta vile a kurum a ya. Gà mburma ata ka, tàa ge metsehe hinne. A sàs a tar mesire dukw ata, meme na Mbulum ata mbil a à mburma ya.

1 PIYER 1:10 ပူးပေါင်းရင်းမြစ်များ

Mata 13:17

Iye ihər i gweɗe a kurum a nda ndzer kaɗəŋ: Akahər ata ka, gà ɓəzla məma à guma Mbulum hinne nda gà asiŋ gà mburma ŋgar ŋgiɗ tàa yaha vatwa aà maŋgata a dukw ana kurum ihər ki ŋgetwimer a ya, ama ka, tàa ŋgatar tsa. A sàs a tar matsaraka dukw ana kurum ihər ki tserekwim a kinehe ya, ama tar ka, tàa tsaraka ɓav tsa asa.»

Mata 26:24

Taŋa iye, *wur ana a dara i təv Mbulum a, i ta mìt a ka, kamala ana wakita Mbulum a tsik a. Ama mesewere are a dere a aka gər wele ana a ta ge aà iye a ɗaf a ka, batsah ŋa hinne. A ta ge a dər kaɗəŋ ana, meme ɗar a? Ŋgulum na ta wa ŋgat tsiye.»

Luka 10:24

Aɗaba iye ihər i gweɗe a kurum ŋa: Akahər ata ka, gà ɓəzla məma à guma Mbulum hinne nda gà Əbay, tàa yaha vatwa aà maŋgata a dukw ana kurum ihər ki ŋgetwimer a ya, ama ka, tàa ŋgatar tsa. A sàs a tar matsaraka dukw ana kurum ihər ki tserekwim a kinehe ya, ama tar ka, tàa tsaraka ɓav tsa asa.»

Luka 24:44

I dəba ŋa ya, a gwaɗa a tar asa: «Samatum kwaŋ. Aka ana iye riŋ i təv kurum mba ya ana, i tsikewa a kurum tsiye, na dukw ana ta wetse agəra iye ya? I tsikewa a kurum ka, bazlam ana i wakita məpala ahəm Musa ya, nda biy ana i wakita gà ɓəzla məma à guma Mbulum a, dite ndəna i wakita gà dimis tserdze ya, say a ta ge a ba mba ya ka, kaɗəŋ.»

Yuhana 5:39

Kurum ihər ki dzeŋgwim a wakita Mbulum kəla pat. Kà dzalum ka, ki ŋgetwim a iɗəm mesife ana à ndìv a tsa aà biybiy a. Tsaatsa i huɗ wakita ata ti tsik a ka, aka gər gà.

Yuhana 7:52

Ta gwaɗar aaka: «Assàh, wànà kər ana, gà Galile mbaŋa kəla ya? Dzeŋge wakita Mbulum lele kwaŋ, dite ki sir a dər ka, mala məma à guma Mbulum ilik a dere a ika ahəɗ Galile ya tsa.»

Gà Ɓəzla Meslire 10:43

Gà ɓəzla məma à guma Mbulum tserdze tə ɗə̀v zləm a dukw ana a ta ge a a ba ika miɗ mba ya. Ti tsik ahər: «*fa*

Gà Ɓəzla Meslire 17:11

Ama gà mburma ana i fataya ka, gà ŋgwal ŋa, tə za gà Yahuda ana i Tesalunike ya, nda metsehe. Aɗaba tar ka, tə dza zləm a bazlam Mbulum lele. Kəla pat ti dzeŋgewa wakita Mbulum, aà mesire dər ka, wànà dukw ana Pul a tsikewa iɗəm ana ndzer a.

Gà Ɓəzla Meslire 28:23

Ti tike məpàslà ahər a Pul, ta gwaɗar: «Say pat ŋgiɗ na ki ɗif a mər a dər a.» Aləka pat məpàslà ahər tar ata a ndze aɗəm ka, gà mburma hinne tə daha a təv ŋgar ana a hənawa iɗəm a. Tə daha ka, a ɗif a tar à *mekwere Mbulum ana a kwere a aka miɗ mba ya. A dza ahər ba daga à gər mèkwède ya, tsikw a hawa. A ɗif a tar ka, à dukw ana i huɗ wakita məpala ahəm Musa ya, dite nda biy gà ɓəzla məma à guma Mbulum ana akahər ata ya tserdze mbaŋa. A ɗe a tar à ndzer ŋa ana agəra Yesuw a, dite ka, ta gəs ŋgat.

Gà Ɓəzla Meslire 7:52

Gà ɓəzla məma à guma Mbulum awara na gà tsir kurum tàa sèwèr a tar are tsiye? Tàa bats gà mburma ana ti ɗif a tar à mede mala meslire ŋgar ndzer ŋa na a dere a ika miɗ a. Ama kinehe ka, ŋgat ŋa kuɗa na ki gwim ahər ɗaf, dite kə̀ kəɗum ŋgat a.

IBƏRANIKWA 11:13

Gà Abəraham ata nda Izak, nda gà Zakup ya ka, ta gəs Mbulum nda gəzləŋ tar lele, haa a təv ana ta mata ya. Tar ka, tàa ŋgat a gà dukw ata Mbulum a tsik i sida ya, a gwa, i ta vile a ter a ya tsa. Ama tə dzala gà dukw ata a ta ge a ba ka, diriŋ, dite tàa ŋgaya dər ba mbaŋa. Ti tsikewa ika miɗ mburma parakkà, ta gwaɗawa: «Mər ka, gà slele, kwite mər ɗa ika gər ahəɗ i faha tsa.»

IBƏRANIKWA 11:40

Aɗaba Mbulum a gwa ka, a ta vile a kwe a dukw ana ŋgwal ŋa, à zè a taŋa ya. A waya na a vile a ter ihər a dukw ata ŋgwal ŋa ya, à gər tar a tsa, say a təv ilik ŋa nda gà kwa tserdze.

1 PIYER 1:11

Aɗaba Mezite Mesife Kiristi ana a ge megemir i gəzləŋ tar a, a ɗif a tar dər daga piŋŋe, a gwaɗa a tar: Kiristi a ti sèwèr a are dzekwiŋ, dite i dəba ŋa ya, a ta ŋget a mezlibe ana gà mburma tì zlibe a à ŋgat kuɗa ya. Gà ɓəzla məma à guma Mbulum ata ta waya mesire bazlam ata nda metsehe tar, meme na gà dukw ata ti ta ge a ba ya, kige tsa ndeɗime.

1 PIYER 1:13

Aɗaba taŋa, hadzalum madzala gà gər kurum aà megemir Mbulum. Kaslum ba kurum lele, dite ka tikwim madzala gà gər kurum tserdze aka ŋgwal dukw ata Yesuw Kiristi a ta vile a kurum a, a pat ana à mère a ya.