1 PIYER 1:1 - Bible Zulgo

¹ Iye Piyer, mala meslire Yesuw Kiristi. I wetseha wakita aaha ka, a kurum gà mburma ana Mbulum a pala kurum kamala gà mburma ŋgar a. Tə dalawa kurum, kà dzàyum aba vatwa sweyèh sweyèh aka gà ahəɗ Pwantus, nda Galatiya, nda gà Kapadukiya, dite nda gà Asiya, nda gà Bitiniya, ilik ilik tserdze. Kurum gà mandzàyà ŋa a riŋ i gà fata ka, kamala gà slele ya.

1 PIYER 1:1 ပူးပေါင်းရင်းမြစ်များ

Mata 10:2

Zləm gà ɓəzla meslire ata a zal a tar kurwa gəra sula ya ka, malahalah ŋa Simun ana ti ɗer Piyer a, nda damər ŋgar Andire, dite gà Zakup ibam, nda damər ŋgar Yuhana, gà ɓəza Zebede.

Mata 24:22

Na mege Mbulum mà nikiɗ ihər à pat mesewere are ŋa ata ya tsa àsla ka, ana ka, wura ilik a mbil a tsidze. Ama a nikiɗ à pat ŋa ka, agəra gà mburma ŋgar ana a pala tar a.

Mata 4:18

I dəba ŋa ya, Yesuw a da aà gùva duluv Galile. A sùwaya i fata ka, aka le aà gà wele duwa sula nda damər ŋgar. I ŋgiɗ ka, Simun ana ti ɗer Piyer a, tar nda damər ŋgar Andire. Tar riŋ ta pìl a à ndzàràwà tar a yam a duluv ata, aɗaba megemir tar ka, magàsà kilif.

Luka 18:7

Dite wànà Mbulum dze ana, a ti zlèk a gà mburma ana a pala tar, ti tiwer aaba a hawa mèkwède ya seyiŋ ivaɗ tsiye? Wànà a ge a mèhìnèkw aà mezleke tar a?

Yuhana 11:52

Ama kə̀la ka, agəra tar ɗekɗek tsa, agəra gà mburma ana tar gà ɓəza Mbulum, tə dzaya ba vatwa sweyèh sweyèh ika gər ahəɗ tserdze ya mbaŋa. Dite ti yahaba gər a təv ilik ŋa, ti ne ba ilik.

Yuhana 7:35

Gà bàba gà Yahuda ata tə tsaraka bazlam ŋgar ata kataya ka, ta gwaɗaba ika magər tar: «A ti de a dze ana, a ŋga, na dite ka, ki slekwe a aà mesire tə̀vəməŋa tsidze ya? Wànà a de a ana, a təv gà Yahuda ana ta gwitse aba aka ahəɗ diriŋ a liwiŋ gà Girek, a dzeŋge a ter a diriŋ i fata, dite ka, a dzeŋge a a gà Girek mbaŋa kəla ya?

Gà Ɓəzla Meslire 18:2

A daha ka, a leha à Yahuda duwa, zləm ŋa Akila. Ta wa ŋgat ka, ika ahəɗ Pwantus. Tə dara ika ahəɗ Italiya ya kinkin nda məkəs ŋgar Piriskila. Tə dara ka, aɗaba batsah Əbay gà Ruma duwa, zləm ŋa Kəlawdiyus, a hitse aà gà Yahuda nda bazlam. A dalawara tar i Ruma ya fit. Aləka Pul a daha, aà məfə̀rà aka tar. A ge a tar wusa.

Gà Ɓəzla Meslire 18:23

A daha, a ndza zaakwa i fata ka, a mà à vatwa ŋgar ata asa ndaka ahəɗ gà Galatiya nda Firigiya. A vəl ndzəɗa a gà mburma Mbulum ana i fataya tserdze, i təv megìse tar ana ta gəs Yesuw a.

Gà Ɓəzla Meslire 19:10

A ndza i fata mive sula. Gà mburma ana tserdze mandza ŋa ika ahəɗ Asiya ata ya, gà Yahuda nda gà na tar gà Yahuda tsiye, tə tsaraka bazlam BATSAH kwa ŋa fit.

Gà Ɓəzla Meslire 6:9

Ama ka, gà asiŋ ŋa ta gəs bazlam ŋgar tsa. Tar ka, gà na i ga Mbulum ana tə zalar «ga Mbulum gà ɓele ana tàa pəl à tar a. » Ta gaw ba nda gà Yahuda ana tə dara i Kirene ya əŋgal, dite gà na tə dara i Aleksandiriya ya əŋgal asa, dite nda gà asiŋ gà Yahuda ana tə dara i Kilikiya ya, nda gà na ika ahəɗ Asiya ya mbaŋa. Tə dza ba aà mimbètsèba ahəm nda gà Etiyen.

Gà Ɓəzla Meslire 8:4

Gà mburma ana tə tə̀z a ka, tə da aà kwite aà kwite, ti tsik a ŋgwal bazlam ana a ɗif à Yesuw Kiristi ya.

1 Kurintiya 16:19

Taŋa gà mayahaba gər gà mburma Mbulum ana pampam ɗa ika ahəɗ Asiya i faha ya, ta ge a kurumaha wusa hinne. Gà Akila nda daala ŋgar Piriskila nda gà asiŋ gà mburma Mbulum ana ti yahawabaha gər a təv tar a, ta ge a kurumaha wusa tserdze mbaŋa, nda zləm Yesuw Kiristi BATSAH kwa ŋa.

2 Kurintiya 1:8

Gà damər mər, a sàs a mər ka, mìi ɗif a kurum a à mesewere are ana mì sèwèr ika ahəɗ Asiya ya. Mesewere are ata ka, a beha, a za ndzəɗa mər fit kweleŋ fètìte. Mì gwa ka, mesife mər aka ndəv, mìi mete a dər pəra.

GALATIYA 1:2

Mər ka, nda gà asiŋ gà damər kwa ana tar ɗa i təv ga ya tserdze, na mì ge a kurumaha wusa, a kurum gà mayahaba gər gà mburma Mbulum ana ika ahəɗ Galatiya ya.

EFESIYA 2:12

Ma ta məts a kurum gər tsa: Akahər ata ka, kà sərum ɗa Yesuw Kiristi tsa. Kurum ka, gà mbəlakw məfàrà ŋa ana ika magər gà Yahuda ana tar gà mburma Mbulum a. Mbulum aka tsik duwa a gà mburma ŋgar ata. Aka mbər megweɗe a tar ka: «I vile a kurum a duwa i sida ya.» Ama kurum gà mbəlakw ka, kurum iɗəm tsa. Kàa slwim madzala aka duwa a təv Mbulum tsidze. Kurum ɗa ika gər ahəɗ ka, kàa sərum ɗa Mbulum tsa.

EFESIYA 2:19

Aɗaba taŋa kurum ana gà Yahuda tsiye ka, gà mbəlakw nda gà slele asa tsa. Ama kurum ka, kàa nwim gà ɓəza gà kwite ana ika ahəɗ ata ya, ilik nda gà mburma Mbulum. Aɗaba kurum kinehe tekeɗe ka, kàa nwim gà asiŋ ŋgar asa kamala tar a mbaŋa.

2 TIMUTE 1:15

Kamala taŋa ya, kər kà sər, gà asiŋ gà mburma ana a riŋ ika ahəɗ Asiya i faka ya, tàa miyak à iye ŋgwìɗik. Ku mege gà Figelas nda Hermegenas tekeɗe ka, tar i liwiŋ tar mbaŋa.

IBƏRANIKWA 11:13

Gà Abəraham ata nda Izak, nda gà Zakup ya ka, ta gəs Mbulum nda gəzləŋ tar lele, haa a təv ana ta mata ya. Tar ka, tàa ŋgat a gà dukw ata Mbulum a tsik i sida ya, a gwa, i ta vile a ter a ya tsa. Ama tə dzala gà dukw ata a ta ge a ba ka, diriŋ, dite tàa ŋgaya dər ba mbaŋa. Ti tsikewa ika miɗ mburma parakkà, ta gwaɗawa: «Mər ka, gà slele, kwite mər ɗa ika gər ahəɗ i faha tsa.»

YAKUBA 1:1

Iye Zakup, mala megemir gà Mbulum nda Yesuw Kiristi BATSAH kwa ŋa. I geha wusa a gà mburma Mbulum ana tə dzaya aba vatwa ilik ilik ku mege a ŋga aka gər ahəɗ tserdze ya.

1 PIYER 2:11

Gà masla gà ana i waya kurum hinne ya, mə̀ məts a kurum gər tsa. Kurum kà nwim ika gər ahəɗ ka, kamala gà slele ya. Aɗaba taŋa, i ge a kurum a kamkam: Gwim metsehe, ka ta vəlum vatwa a gà dukw bakal ana ba kurum a waya aà mege ya asa tsa. Aɗaba medzibe dukw ata ka, a dzeye a à mesife kurum.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

Sunwa Yuhana 1:11

A gweɗiŋ: «Dukw ana ki ŋgeter a ya ka, wetse aka wakita. Kàa wetse aba ya ka, ka sləraha a gà mayahaba gər gà mburma Mbulum ana i gà kwite ŋgiɗ pampam təsəla ya, a gà Efesiya ya, ndəna i Samirna ya, nda gà na i Pergamus a, dite nda gà na i Tiyatira ya, nda gà i *Sardis a, nda gà i Filadelfiya ya, dite nda gà na i Lawdikiya ya tserdze mbaŋa.»