1 Kurintiya 9:12 - Bible Zulgo

¹² Na gà asiŋ gà mìsle ŋgiɗ ta wiz a dukw ana ti ndze a dər a, i təv kurum ana, mər mìi sle a mewize mbaŋa, a zè a dər biy tar ata tsiye? Ama maa wiz aà kurum duwa ilik tsidze. Mì bàs gəzləŋ i mesewere are ana a le aà mər tserdze ya pəra mbaŋa, na dite ka, mìi hìndìk a a vatwa a bazlam ŋgwal ŋa ata aka gər Yesuw Kiristi, mburma tì dzer a zləm a tsiye.

1 Kurintiya 9:12 ပူးပေါင်းရင်းမြစ်များ

Luka 11:52

Kurum gà ɓəzla medzeŋge məpala ahəm Mbulum ka, waya ba kurum a, aɗaba ana kà hə̀ndə̀kum a vatwa a gà mburma ana ta waya masəra Mbulum a. Kà ndzəkum lèkilè ŋa, dite kurum ŋa tekeɗe, kwets ki dwim aɗəm a ɓav tsiye.»

Gà Ɓəzla Meslire 18:3

I dəba ŋa ya, tə ndza akaba i fata tserdze, ta kiriweyewa ga petek aà tsakala, ta hinne a iɗəm, aɗaba ŋgat tekeɗe, mala megemir ŋa, kamala gà wele ata nda məkəs ŋgar a mbaŋa.

RUMA 15:22

Yàa dzala sik diŋ, i waya aà madaha a təv kurum zləmana. Ama ka, Yàa ŋgat vatwa tsa, aɗaba megemir gà ata i ge ya.

1 Kurintiya 13:7

Taŋa wur ana a waya mburma ya ka, à gis a gəzləŋ i təv mesewere are ya tserdze. A simehe a a dukw ana mburma ta ger a ŋgwal ŋa tsiye fit mbaŋa. Ku ndeɗime, a de a aka miɗ aka miɗ nda magəsa Mbulum nda gəzləŋ ŋgar. A tike a madzala gà gər ŋgar ka, kəla pat a təv Mbulum, na dite dukw tserdze a de a i təv ŋgar lele ya.

1 Kurintiya 6:7

Kaɗəŋ, mege bazlam ana a riŋ ika magər kurum ki gwim a ya, na a sər ba ka, kurum riŋ ihər ki gwim a bakal a. Na bəla wura aka ge a kurum dukw ana ŋgwala tsiye, bəla a zla aà kurum duwa nda akəl a ka, ŋgulum ki giswim a gəzləŋ pəra, tsəka, ki dwim a aba a seriye aka miɗ mburma ka, ŋgwala tsa.

1 Kurintiya 9:14

I təv gà na ti tsik a bazlam ŋgwal ŋana a mburma ya mbaŋa ka, kamala taŋa ya. Yesuw Kiristi BATSAH kwa ŋa a gwa ka: Say gà mburma tì dze a duwa a gà na ti tsik a bazlam gà ya.

1 Kurintiya 9:15

Ama ku mege kataya tekeɗe, iye ka, Yàa wiz aà kurum duwa ilik tsidze. Ku mege kinehe, Yàa gwaɗa a kurum ka, slirwimiŋara duwa ya ka, Yàa tsik ɓav tsa. Ŋgulum na i mət à may a ivaɗ, na ndəna i wiz aà kurum a duwa ya. Aɗaba wura ilik ma tə nəs à dukw maŋgayaba gà ana a ŋgeyiŋ dər ba i gəzləŋ a tsa.

1 Kurintiya 9:16

Metsìkè bazlam Mbulum ana i tsik a kurum a ya ka, aka viliŋ vatwa aà mege dər zlapa tsa, aɗaba megemir ata ka, i Mbulum na taŋa ya. Ŋgat na a gweɗiŋ, tsik a tar a. Aɗaba bəla na Yàa tsik a tar tsəka, ndelèɓ ndelèɓ mesewere are ika gər gà.

1 Kurintiya 9:18

Dukùla na a ne dukw maya ba gà ata ya? Na a ne ka, bazlam ŋgwal ŋa ana i tsik a a mburma ka, biy taf, Yàa wiz duwa tsiye. Vatwa a riŋ te ibam, na ta viliŋ a duwa agəra bazlam ŋgwal ŋa ata i tsik a ter a ya. Ama ka, Yàa gəs tsa.

1 Kurintiya 9:2

Ku mege gà mìsle ŋgiɗ ta gəs iye kamala ana iye mala meslire Mbulum tsiye tekeɗe, i təv kurum ka, kà sərum, iye ka, mala meslire ŋgar ndzer. Kə̀ gəsum Yesuw Kiristi nda gəzləŋ ka, aɗaba ana i ɗif a kurum à bazlam ŋgwal ŋa ya. Aɗaba taŋa, na a sər ba ka, iye mala meslire ŋgar ndzer kaɗəŋ a.

2 Kurintiya 11:12

Yàa gəs siŋgwe i ahər kurum a tsa. Ama aka miɗ mba tekeɗe, i ta gis a tsa mbaŋa. Aɗaba a sèsiŋ ka, i hìndìk a aka bazlam a gà mburma ana tì sìŋgìr a à ba tar, ta gis a siŋgwe i ahər kurum a, dite ta gweɗe a, waytsà mər ka, gà ɓəzla meslire Mbulum, mìi ger a megemir ka, kalkal kamala ana iye Pul i ge a ya.

2 Kurintiya 11:20

I təv ana ti newa à kurum gà ɓele ya ka, kə̀ gə̀sawum gəzləŋ pəra. Na bəla ti ndzeke a aà kurum duwa ya nda wirwir a, nda gà bəla ta bene a kurum, dite ta fir aà kurum a kamala za ya, kige tsa asa, bəla ta ge a kurum a matawak ŋguɗuts ŋguɗuts ka, ki giswim a ter a gəzləŋ dze ana, meme na taŋa ya?

2 Kurintiya 2:12

I mah ba ka, i da a Turuwas aà metsìkè bazlam ŋgwal ŋa ana aka gər Yesuw Kiristi ya, a mburma. I ndzeha a fata ka, BATSAH kwa ŋa aka lèmbeɗiŋ aba təv a, a viliŋ vatwa aà metsìkè ŋa parakkà lele.

2 Kurintiya 6:3

A sàs a mər na mìi ge a dukw ana a vile a mendìfè sik a mburma ya te tsidze. Aɗaba mì waya na ta wele a aà mege megemir mər a ya tsa.