1 Kurintiya 9:1 - Bible Zulgo

¹ Fə̀rum aà mede gà ana i de a ya. Iye ana, i ziwe a gər gà tsiye? Iye mala meslire Mbulum asa tsiye? Dite Yàa ŋgat a Yesuw BATSAH kwa ŋa nda are gà mbaŋa tsiye? Kurum tserdze kà nwim gà mburma Mbulum ka, aɗaba iye, agəra ana i ge megemir a Yesuw BATSAH kwa ŋa ya.

1 Kurintiya 9:1 ပူးပေါင်းရင်းမြစ်များ

Gà Ɓəzla Meslire 13:2

A pat duwa, i təv ana tar riŋ tì dze a gurmits a bəɗ a BATSAH kwa ŋa ya, dite tar riŋ ta ge a ndəra asa ya ka, Mezite Mesife Mbulum a gwaɗa a tar: «Ndzəkum iɗəm gà Barnabas nda Sawul a ka, pam, aà megiŋ megemir ana i zal tar dər a.»

Gà Ɓəzla Meslire 14:14

Ama gà Pul nda Barnabas tə tsaraka kataya tsara ka, tə tayara ikaba petek tar ika ba ya, kwìyeɗ kwìyeɗ kamala megweɗe ya ka: Aàmala dze ya? Dite tar ŋa tə tə̀z a magər gà mburma nda gà Mewideye. Tə daha, ta gwaɗa a tar:

Gà Ɓəzla Meslire 14:4

Gà mburma ana i kwite ata ya, tə ndzək ba iba ya təv sula. Gà mìsle ŋgiɗ pam biy gà Yahuda, gà mìsle ŋgiɗ biy gà ɓəzla meslire Mbulum.

Gà Ɓəzla Meslire 23:11

Aləka həvəɗ a ge ka, BATSAH kwa ŋa a hitse a tsaka Pul. A gwaɗar: «Arəv ma da à kər a tsa, mər aba, kàa ge sida ga i faha i Yeruzalem ka, ndzer lele. Ama a sèsiŋ ka, ki ta ge a i kwite Ruma kataya mbaŋa asa.»

Gà Ɓəzla Meslire 9:15

Ama BATSAH kwa ŋa ata a gwaɗar: «Da pəra, aɗaba Yàa zla wele ata aà ma giŋ megemir gà, ma ɗif à zləm gà ika miɗ gà bàba ŋa ana ta kwere a mburma ya, nda gà asiŋ gà mburma tserdze, dite nda gà Yahuda ya mbaŋa.

Gà Ɓəzla Meslire 9:17

Ananiyas a tsaraka kataya tsara ka, a mah ba, a da kuɗa. A daha ka, a pəts a ga ata. A daha, a tike ahər ŋgar aka Sawul, a gwaɗar: «Sawul, damər gà, Yesuw BATSAH kwa ŋa na ndeɗiŋa a pàtak aba ika vatwa ana kà da dərra ya, na a slərra iye a təv yak a. A slərra iye ya ka, dite are yak mà hə̀ndə̀k ba kamala ana kà ndzawa piŋŋe ya, ki rèh a nda Mezite Mesife Mbulum.»

Gà Ɓəzla Meslire 9:3

Aləka a mah ba, a ndze aà vatwa, aka à mendze a kwite Damas ka, dzaydzay ŋa wurat a pàtara i gəza mbulum a tsara. A lawara ŋgat tits a fata.

Gà Ɓəzla Meslire 9:5

Sawul a gwaɗar aakaha: «Kər ana, weke, Batsah ga ŋa?» A tsarakara asa ka: «Iye ka, Yesuw ana kər riŋ ihər ki sèwèriŋ a are ya.

RUMA 1:1

Na a wetse wakita aaha ka, iye Pul, mala megemir Yesuw Kiristi. I wetseha ka, a kurum gà mburma Mbulum ana i Ruma ya. Mbulum a zeliŋ, a ne à iye mala meslire ŋgar, na dite i ɗif a à ŋgwal bazlam ŋgar aaha a mburma ya.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

RUMA 11:13

Kinehe ka, i fèfil a kurum a, a kurum ana iɗəm gà Yahuda tsiye: Iye ka, mala meslire Mbulum. A slərra iye ya ka, a təv kurum ana gà Yahuda tsiye. Aɗaba taŋa iye ihər i ŋgeye a ba hinne, agəra megemir ŋgar ana a viliŋ ahər a.

1 Kurintiya 1:1

Na a wetse a kurumaha wakita aaha ka, iye Pul, iye ana i sàs a Mbulum, a zla iye, a ne à iye mala meslire Yesuw Kiristi ya. Mì wetse ka, mər nda Sastanas, damər kwa ana ika vatwa Mbulum a.

1 Kurintiya 10:29

I tsik taŋa ka, aɗaba dukw ana a ta viler a madzala gà gər a, tsəka, aɗaba madzala gà gər yak tsa. Biytsà mìsle ŋgiɗ ika magər kurum a, a gweɗe a: Iye ka, i sle a aà mazəma dukw mezime tserdze, mewisle iɗəm tsa. Assàh, aàla na i ge a kamala ana mìsle ŋgiɗ a dzele a ya, tsəka, kamala ana i dzala nda gər gà ya ya?

1 Kurintiya 10:30

Na Yàa ge kəkaaha a Mbulum, aɗaba dukw mezime gà dze ana, aàmala na mìsle ŋgiɗ a viliŋ a bakal asa ya?

1 Kurintiya 11:16

Na bəla wura a sasar mimbètsè ahəm aka gər bazlam ata ka, ma sər dər, mər mì zazamawa ka, mege dukw ata i ga Mbulum, dite na gà asiŋ gà mburma Mbulum tekeɗe, ti zezem a vatwa ata mbaŋa ya.

1 Kurintiya 3:6

Mər mì ne ka, kamala gà ɓəzla mifìte ya. Iye na i dza ba aà metsìkè bazlam Mbulum ika magər kurum, kamala wele ana a dzava duwa ya. Dite Apalus ŋgat ka, a daha, a səkah à megemir Mbulum ika magər kurum asa mbaŋa, kamala wele ana a dze a yam aà dukw ata ya, dite ka, ma ge ba ya. Ama Mbulum na mala meɗè dər ŋa, dite na a ge a ba ya.

1 Kurintiya 9:19

Ku mege iye ɓele wura tsa tekeɗe, ama i həna à gər a bəɗ aà mene ɓele mburma tserdze ivaɗ, na dite i zlèk a mburma, ti dere a hinne, ta gis a Yesuw Kiristi nda gəzləŋ tar a.

2 Kurintiya 10:7

Kurum kà fə̀rum ka, aà dukw ana a pàt aba, are kurum a ŋgatar a ɗekɗek pəra tsa. Ama na wura ika magər kurum, a gweɗe a, waytsà, iye ka, mburma Kiristi ka, ma sər dər, mər tekeɗe, gà mburma Kiristi kamala ŋgat a mbaŋa.

2 Kurintiya 11:5

Kurum kù gwaɗum aà gà mburma ata ka, waytsà tar ka, gà bàba gà ɓəzla meslire Mbulum kuɗa. Ama iye ka, i sər ndzer, tar ka, tə za dər iye tsa.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

GALATIYA 1:1

Na wetse wakita aaha ka, iye Pul, mala meslire Yesuw Kiristi. Meslire ata i ge a ya ka, mburma na a slər ahər iye ya tsa. Dite kwets ti tike aɗəm iye metike ɓav tsa asa. Ama ka, Yesuw Kiristi na a slər ahər iye ya kəla, tar nda Mbulum Tsir kwa ana a mbəlara à ŋgat i məməta ya ya.

GALATIYA 5:1

*Kiristi ka, aka be à kwa i məpala ahəm gà Yahuda ya, na dite araha kinehe ki ziwekwe a gər kwa ya. Aɗaba taŋa, mərum aba aà mendze kamala taŋa ya. Wura ilik ma ti ne à kurum gà ɓele asa tsidze.

1 TESALUNIKE 2:6

Mìi yehe a ka, mezlibe ana gà mburma tì zlibe à mər a tsidze, ku mege i təv kurum, ku mege i təv gà mìsle ŋgiɗ tekeɗe ya.

1 TIMUTE 2:7

Aɗaba taŋa na Mbulum a slərra iye ya, i ne mala meslire ŋgar a. A slərra iye ya ka, aà meɗife à dukw ata a mburma, i tsik a guma ŋgar ndzer ŋana a gà mburma ana gà Yahuda tsiye, dite ka, ta gəs nda gəzləŋ ilik. I tsik taŋa ka, ndzer, tsəka, pàrsa iɗəm tsa.

2 TIMUTE 1:11

Bazlam ata ka, Mbulum na a slər dərra iye ya. A sasar na i tsik a a mburma tserdze, i ɗif a ter a dər lele ya.