1 Kurintiya 8:9 - Bible Zulgo

⁹ Kurum ka, ki ziwim a gər kurum aà mazəma gà duwa ya tserdze kamala ana a sàs a kurum a dukw kurum. Ama kəla ka, gwim metsehe lele, tsəka, gà na tàa sime ika vatwa Mbulum zukw tsiye ka, ti ta ge a bakal aɗaba kurum.

1 Kurintiya 8:9 ပူးပေါင်းရင်းမြစ်များ

Mata 18:10

I dəba ŋa ya, Yesuw a gwaɗa a tar asa: «Gwim metsehe, aɗaba ka ta fə̀rum aà gà asiŋ gà mburma ana ta gəs iye nda gəzləŋ, dite ka, ti ne gà ɓəza i təv are kurum a ka, kamala za ya tsa. Aɗaba iye ihər i gweɗe a kurum a nda ndzer: Gà gawla Mbulum ka, tar riŋ kəla pat mandza ŋa ika miɗ Mbulum Tsir gà i gər ŋa, aɗaba tar mbaŋa.

RUMA 15:1

Kwa ana ndzəɗa aà kwa ika vatwa Mbulum a ka, say ki zlèkikwe a dər gà na ndzəɗa aà tar zukw tsiye. Ka ta gekwa dukw ana a tsahən aà ba kwa ɗekɗek a tsa.

1 Kurintiya 10:24

Ka tə dzalum ka, aka dukw ana a ge a ŋgulum a ba kurum a ɗekɗek tsa. Dzalum ka, aka dukw ana à zlèk a gà mìsle ŋgiɗ a mbaŋa.

1 Kurintiya 10:28

Ama na bəla aka gwaɗak, dukw aaha ka, tə tàwàl dər duwa ka, kà papəɗ asa tsa, aɗaba ana aka tsikik a, dite agəra dukw ana ti dzele a ya mbaŋa.

1 Kurintiya 10:29

I tsik taŋa ka, aɗaba dukw ana a ta viler a madzala gà gər a, tsəka, aɗaba madzala gà gər yak tsa. Biytsà mìsle ŋgiɗ ika magər kurum a, a gweɗe a: Iye ka, i sle a aà mazəma dukw mezime tserdze, mewisle iɗəm tsa. Assàh, aàla na i ge a kamala ana mìsle ŋgiɗ a dzele a ya, tsəka, kamala ana i dzala nda gər gà ya ya?

1 Kurintiya 10:32

Ki gwim a ka, dukw ana a vile a mendìfè sik a gà mìsle ŋgiɗ tsiye, ku mege gà Yahuda, ku mege gà Yahuda tsa, dite ku mege gà mayahaba gər gà mburma Mbulum tekeɗe ya.

1 Kurintiya 8:10

Samatum kwaŋ, na bəla kər wele ana kà səraba dukw aaha ka, a lèh a duwa tsiye, kər mandza ŋa i ga ana tì zèmbeɗe a iɗəm à dukw ata ti ne dər mbulum tar a, kər riŋ ihər ki pèpìɗ a slu ana ta vəl a dukw ata ya, dite wur ana aka sime ika vatwa Mbulum zukw tsiye, aka ŋgatak aaka ana, meme? Kà dzala ana, à pèpìɗ a mbaŋa tsiye?

1 Kurintiya 8:12

Na kàa ge duwa zləməŋa pəra kataya ka, ki ge bakal a damər yak, aɗaba ana ŋgat ka, ndzəɗa ŋgar a riŋ zukw tsa, dite a ge a dukw ana a dzala i gər ŋgar, a gwa, i ge dukw aaha ŋgwala tsiye. Ama a damər yak ɗekɗek tsa na kì ge bakal ata ya. Ama sər dər, kì ge bakal ata ka, aka gər Yesuw Kiristi mbaŋa.

1 Kurintiya 9:22

Ama na iye riŋ ika magər gà mburma ana tàa sime ika vatwa Mbulum zukw tsiye ka, i newa à ba gà kamala tar a mbaŋa, na dite i yehere a tar a təv Mbulum a. Ku mege gà dukùla tekeɗe ka, na Yàa ndze a təv tar ka, i ndze a kamala tar a mbaŋa. I gewa dər kataya ka, aà dite gà asiŋ ŋana i liwiŋ tar a, ta mbala, na mege a ge a ba ya.

2 Kurintiya 11:21

Assàh, iye ka, hwarwa a giŋ a aà metsìkè ŋa hinne. Aɗaba mər ka, mì ge magəɗa, na mìi ge a à kurum a kamala taŋa ya. Kinehe ka, iye ihər i fèfil a kurum a kamala ana iye mala falày masakəŋa ya kuɗa. Ama na bəla gà mìsle ŋgiɗ ta ge a zlapa nda dukw ŋgiɗ ka, iye tekeɗe, i ge a zlapa nda dukw ata mbaŋa.

2 Kurintiya 11:29

Na wura a riŋ mbile ŋa, ndzəɗa ihər tsa, na ika vatwa Mbulum a ka, taŋa iye tekeɗe, a wir aà iye a kamala wele ata ya mbaŋa. Na bəla wur ana ika vatwa Mbulum a, aka dəɗ a bakal ka, a wir aà iye a i gəzləŋ turturtur hinne.

2 Kurintiya 6:3

A sàs a mər na mìi ge a dukw ana a vile a mendìfè sik a mburma ya te tsidze. Aɗaba mì waya na ta wele a aà mege megemir mər a ya tsa.

GALATIYA 5:13

Gà damər gà, Mbulum a zal a kurum ka, dite ki ndzwim a nda mezìwè gà gər kurum, kàa beywim à məpala ahəm Musa ya. Na ki ziwim a gər kurum kamala taŋa ya ka, ka ta gwaɗum, mìi gewe a dukw ana ba mər a waya pəra ɓav tsa. Seyiŋ tsa, wayum ba ika magər kurum ilik ilik tserdze, dite ki geywim ba meslire ika magər kurum tserdze asa mbaŋa.

KULUSIYA 2:8

Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.

1 PIYER 2:16

kə̀ ŋgatum mezìwè gər kurum ka, aɗaba Yesuw Kiristi ana a pəl à kurum i bakal a ya. Na kàa ŋgatum mezìwè ger kurum kamala taŋa ya ka, ka ta kàhum bakal a gəzləŋ kurum asa tsa. Ama kə̀ gəsum ahəm aà Mbulum ivaɗ.

2 Piyer 2:19

Ta gweɗe a a gà mburma ata ka: Mìi vile a kurum a vatwa ana ki ziwwim a gər kurum a kuɗa. Ama tar ŋa ka, gà ɓele bakal, ti ziwe a ger tar ɓav tsa. Aɗaba kurum kà sərum, dukw ana a kwere a mburma ya, na a ne a ɓele à mburma ya.

Sunwa Yuhana 2:14

Ama kəla ka, duwa a riŋ ika magər kurum, na i samata ka, ŋgwala tsiye. Aɗaba gà asiŋ gà mburma ŋgiɗ ika magər kurum, ti zezem a ka, dukw Balaam ana a dzeŋge a mburma akahər ata ya. Ŋgat ka, a ɗif à duwa a Balak, dite ka, meme na a bene a gà mburma Isərayel a bakal a. Dukw ana ta bana ahər tar a ka, ta papəɗ slu ana tə tàwàl dər fəla ya, nda mege mezelme nda təv muva mbaŋa asa.*fd*