1 Kurintiya 7:17 - Bible Zulgo

¹⁷ Araha kəla ka, ku weke ma zazam dukw ana Əbay Mbulum a vəlar a. Dite ka, ma ndzawa ka, kamala ana akahər ata Mbulum a zalar a mbaŋa asa. Taŋa ka, dukw ana i ɗifewa dər a gà mburma Mbulum i gà təv ga mayahaba gər tar ana ti yahawa ba aɗəm gər tserdze ya.

1 Kurintiya 7:17 ပူးပေါင်းရင်းမြစ်များ

Mata 19:12

Aɗaba i təv gà dukw ŋgiɗ a riŋ pampam na mburma a sle a aà mazla daala tsiye. Gà mìsle ŋgiɗ ka, daga i təv mewe tar a, ba tar a waya mazla məkəs tsa. Gà mìsle ŋgiɗ asa ka, mburma tə dadaɗaya tar. Dite gà mìsle ŋgiɗ asa ka, ti zle a məkəs tsa, kige tsa ti de a a zal tsa, aɗaba a sàs a tar ka, mege meslire Mbulum ɗekɗek. Wur ana aka ŋgat metsehe aà matsaraka bazlam aaha ya ka, mà dzar zləm lele.»

1 Kurintiya 10:32

Ki gwim a ka, dukw ana a vile a mendìfè sik a gà mìsle ŋgiɗ tsiye, ku mege gà Yahuda, ku mege gà Yahuda tsa, dite ku mege gà mayahaba gər gà mburma Mbulum tekeɗe ya.

1 Kurintiya 11:16

Na bəla wura a sasar mimbètsè ahəm aka gər bazlam ata ka, ma sər dər, mər mì zazamawa ka, mege dukw ata i ga Mbulum, dite na gà asiŋ gà mburma Mbulum tekeɗe, ti zezem a vatwa ata mbaŋa ya.

1 Kurintiya 11:34

Na wura a riŋ may a wir a ahər a ka, say ma zəmara aba ɗaf ŋgar i ma ya dzekwiŋ, na dite mayahaba gər kurum ana ki yehwimebe a ya ka, Mbulum a ta gis a dər kurum a seriye ŋgar asa tsiye ya. Ama gà asiŋ gà bazlam ŋgiɗ ana kà wizwim a, i ti ɗif a kurum a dər ka, say i təv ana Yàa ndzeha a təv kurum a dzekwiŋ.

1 Kurintiya 14:33

Aɗaba dukw ana a de a ndaka vatwa ŋa tsiye ka, a tsahən aà Mbulum tsidze. A sasar ka, na ki ndzekwe a zayya lele ika magər kwa ya ivaɗ. Ama gà məkəs ana ika magər kurum a ka, ta ge kamala gà asiŋ gà məkəs ŋgiɗ ana ta gewa ika magər gà mayahaba gər gà mburma Mbulum a mbaŋa.

1 Kurintiya 16:1

Kinehe ka, a sèsiŋ i fèfil a kurum a aka gər bazlam siŋgwe ana ki yehwimer a gər, aà mazlàkà dər gà mburma Mbulum ana i Yeruzalem a. Ama ki gwim a dər ka, kamala ana i tsik a gà mayahaba gər gà mburma Mbulum ana ika ahəɗ Galatiya ya mbaŋa.

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

1 Kurintiya 7:18

Kamala taŋa ya, na bəla Mbulum a zalak, kàa mbər mesèse ba ka, ki ndzebe a masàsà ŋa kataya dukw yak. Nda gà bəla i təv ana Mbulum a zalak, kər masàsà ŋa zukw tsəka, ka tə sàs ba tsa mbaŋa.

1 Kurintiya 7:24

Ga damər gà, iye ihər i tsik a kurum ŋa: ku mege weke ma ge ka, megemir ana a ge akahər ata Mbulum a zalar dər a. Tə ndza i təv ilik ŋa nda Mbulum.

1 Kurintiya 7:7

I waya ka, ŋgulum mburma tserdze tə ndza magamza ŋa kamala iye ya mbaŋa. Ama ka, ŋgwal ŋa ɓav tsa na taŋa ya, aɗaba Mbulum aka vəl mendze pampam, ku mege a weke. A mìsle ŋgiɗ ka, a viler a məkəs, dite a biy ŋgiɗ aaha ka, a viler a ndzəɗa də̀kka aà mandza magamza ŋa kamala taŋa ya.

2 Kurintiya 11:28

Kamala taŋa ya, gà mesewere are ŋgiɗ tar riŋ asa mbaŋa. Ama ka, taŋa ɗekɗek tsa, aɗaba kəla pat i dzalawa gà gər hinne ka, aka gər gà mayahaba gər gà mburma Mbulum ana tserdze ya. Mege metsehe ana i ge a ter a ya, na a riŋ a ŋgiɗits a iye ya.

2 Kurintiya 8:18

Mìi slirehe a tar ka, nda mìsle ŋgiɗ ilik asa. Wele ata ka, gà mayahaba gər gà mburma Mbulum ana ɗa i faha ya tserdze, tə zləbawa à ŋgat, aɗaba ana a tsikewa bazlam ŋgwal ŋa aka gər *Kiristi ya ka, lele ya.

GALATIYA 1:22

Akahər ata ka, gà mburma Yesuw Kiristi ana tar riŋ ika ahəɗ Yuda ya, tə sər iye zukw tsa.

1 TESALUNIKE 2:14

A kurum gà damər mər, kà nwim ka, kamala gà mburma Mbulum ana ika ahəɗ Yuda, ta gəs Yesuw Kiristi ya. Gà Yahuda ana i fataya ka, ta vəlawa a tar mesewere are hinne. Kamala taŋa ya, kurum kinehe tekeɗe, gà gwala kurum ihər tì sèwèr a kurum a are kataya mbaŋa.

2 TESALUNIKE 1:4

Aɗaba taŋa, i təv ana mì yahawa ba gər nda gà mburma Mbulum ŋgiɗ a ka, mì tsikewa a tar bazlam aka gər mendze kurum ana ki ndzwim a ya, nda maŋgayaba lele. Aɗaba ku mege gà mburma tar a riŋ ihər ti sèwèr a kurum a are, ti newa a kurum are hinne tekeɗe, kàa tə̀zum tsa, dafarəkrək kàa mərum aba ivaɗ. Dite megìse kurum ana kə̀ gəsum Yesuw Kiristi ya ka, a riŋ a de a aka miɗ aka miɗ mbaŋa. Maŋgayaba i təv mər hinne na taŋa ya.