1 Kurintiya 7:10 - Bible Zulgo

¹⁰ Kinehe ka, iye ihər i fèfil a a gà na tàa ndzək daala ya, nda gà məkəs ana tàa daya a zal a. I tsik a taŋa ka, dukw ana a dara i madzala gà gər gà ya tsa.

1 Kurintiya 7:10 ပူးပေါင်းရင်းမြစ်များ

Mata 5:32

Ama kinehe iye ihər i gweɗe a kurum a ka: Ku weke na aka miyak à məkəs ŋgar, ze melè ahər aka mege muva, dite aka da a zal ka, a ne à ŋgat mala mege muva na taŋa ya. Dite bəla wur ana a zla məkəs aaha ta miyak dər a ka, a ge muva mbaŋa asa.»

Markus 10:2

Gà *Farisa duwa, tə daha a təv ŋgar, a sàs a tar maslàlà à ŋgat i yam a. Ta gwaɗar: «Məpala ahəm kwa dze ana, aka vəl vatwa a mburma aà madalawa məkəs ŋgar a, tsəna, aka vəl tsiye?»

Luka 16:18

Kamala taŋa ya mbaŋa, wur ana aka miyak à məkəs ŋgar, dite aka zla aɗəm biy ŋgiɗ a ka, a ge muva. Na wura aka zla məkəs ana ta miyak dər a tekeɗe, a ge muva mbaŋa asa.»

1 Kurintiya 7:11

Ama bazlam ata ka, i Yesuw Kiristi BATSAH kwa ŋa, a gwa ka: Məkəs ma ta miyak à zal ŋgar tsa. Ama na bəla aka miyak à ŋgat ka, ma tə da a zal ŋgiɗ asa tsa. Na bəla a sasar gà zal ŋgiɗ tsəka, mə̀ mbəɗ gər a bəra zal ŋgar aaha ndeɗiŋa ya. Tə sər ba ivaɗ. Zal ŋa tekeɗe ka, ma tə dalawa məkəs ŋgar tsa mbaŋa.

1 Kurintiya 7:12

Kinehe ka, iye ihər i fèfil a a gà mburma ana tserdze ya. Dukw ana i tsik a ya, a dara ka, i bazlam gà ya, tsəka, i bazlam Yesuw Kiristi ya tsa. I gweɗe a: Na bəla wura a riŋ, ŋgat mala mazazama Yesuw Kiristi, daala ŋgar a riŋ, ama daala ŋgar ata ka, aka gəs Yesuw nda gəzləŋ zukw tsa. Na bəla a waya mandza nda zal ŋgar ata ka, wele ata ma dalawa ŋgat tsa.

1 Kurintiya 7:15

Ama kəla ka, na bəla wur ana ŋgat mala mazazama Yesuw tsiye, aka sasar mimìyàkà à biy ŋgiɗ aaha aka gəs a ka, tə da ikaba ya pəra. Biy ŋgiɗ aaha ta miyak dər a, ku mege məkəs, ku mege zal tekeɗe ka, ma dzala duwa tsa, aɗaba biy ŋgar ka, bakal ŋgar a riŋ tsa, a ziwe a gər ŋgar. Mbulum a zal a kurum ka, na dite ki ndzwim a nda zay lele ya.

1 Kurintiya 7:25

Ka wizwim aà iye bazlam agəra gà magamza ana ti ndzeye a ya, nda gà dəm ana tàa da a zal ilik tsiye mbaŋa. Dukw ana i tsik a ya ka, i tsarakara ka, i təv Yesuw Kiristi BATSAH kwa ŋa ya tsa. I tsik a ka, dukw ana i dzala nda madzala gà gər gà ya ɗekɗek. Ama ŋgulum ka, ki dzwìmiŋ aaka a zləm mbaŋa, aɗaba iye ka, mala ndzer, agəra ana Yesuw Kiristi BATSAH kwa ŋa a giŋ ŋgwal ŋa ya.

1 Kurintiya 7:40

Iye i dzala asa ka, i gwa: Na a ndze a kataya, a de a a zal asa tsəka, maŋgayaba ŋgar a zè a biy na aka da a zal a ivaɗ. Ama i sər, dukw ana i tsik a i faha ya ka, Mezite Mesife Mbulum na a ɗifiŋ dər a mbaŋa.

1 Kurintiya 7:6

Dukw ana i tsik a kurum aka gər mazla daala ya ka, Yàa gwaɗa a kurum ka, bàlaarì, ki gwim a kamala taŋa ya tsa. Seyiŋ tsa, i gwaɗa a kurum ka: Na a sàs a kurum mege kamala taŋa ya ka, bakal iɗəm tsa ivaɗ.