1 Kurintiya 5:7 - Bible Zulgo

⁷ Aɗaba taŋa, zlum iɗəm bakal ata à sìkèh a kamala giɗe ata a kwasawa à duwa ya ika magər kurum a. Kamala taŋa ya ka, ki ndzwim a tsəɗaŋŋa, kamala ɗaf ana giɗe ata ikəka tsəka, a kwese a tsiye. Taŋa i sər ndzer, Mbulum aka bara gəzləŋ kurum agəra Yesuw Kiristi ana a mət aɗaba kwa ya. Ŋgat a ne ka, kamala kəla təmaŋ ana ta kəɗ a Mbulum biy *megirive Paska ya.

1 Kurintiya 5:7 ပူးပေါင်းရင်းမြစ်များ

Mata 13:33

I dəba ŋa ya, Yesuw a tsik a tar bazlam minew asa mbaŋa. A gwaɗa a tar: «*Mekwere Mbulum ka, à mbìɗ a à mendze mburma. A ndzikiɗ ba ka, giɗe ana a kwasawa à duwa ya. Taŋa məkəs duwa a ndzək gùfa a batsah kəzləm makər, dite a nda aaka giɗe, a həlaɓ dər akaba. I dəba ŋa ya ka, dzìdzèrègìffe a kwasa dər fit kuɗa.»

Markus 14:12

A pat malahalah megirive ana gà Yahuda tə zəmawa dukw ata giɗe ikəka tsa, na dite a kwese a tsiye, a pat ata ta batsawa gà təmaŋ*fb* aà Paska ya ka, gà na ti zezem a Yesuw a, tə tsam ihər ahəm a. Ta gwaɗar: «A sàsak mì dek ɗaf Paska aaha ana, a ŋga?»

Yuhana 1:29

Ndidwe ŋana ka, Yuhana a ŋgat a Yesuw a riŋ a dehe a a təv ŋgar. A gwaɗa a gà mburma ana i fataya: «Kəla təmaŋ ana Mbulum a vəl, ta kiɗ a aɗaba məpəla à bakal a mburma ya ka, araha, a deriŋa.*fd*

Yuhana 1:36

A ŋgat a Yesuw ana a riŋ ihər a de a ya ka, a gwaɗa a tar: «Naha ka, wele ana a ne kəla təmaŋ, Mbulum a vəl, ta kiɗ a ya.»

Yuhana 19:14

Pilatus a gwaɗa a gà Yahuda ata: «Batsah Əbay kurum naha.» Ta ge dukw ata ka, magər pat aka à mege, dite ndidwe ŋana ka, megirive Paska gà Yahuda.

RUMA 3:25

Mbulum a tike ŋgat kamala dukw ana ta kìɗer a ya, na dite à mìt a aɗaba kwa, məmbəz ŋgar a beye a à kwa i bakal a ya. Kamala taŋa ya, Mbulum a sər ba à kwa nda gà ŋgat ka, aɗaba ana kə̀ gə̀sakwa Yesuw Kiristi nda gəzləŋ kwa ya. A ge dər kataya ka, dite mburma tə sər dər, ŋgat ka, mala ndzer, a waya bakal tsa. Akahər ata ka, aka gəs gəzləŋ i təv bakal ana gà mburma ta gewa ya. A fə̀r ahər kamala ana aka ŋgatar tsiye. Ama aka bəra aaha kinehe ya ka, a ɗif dər a gà mburma kuɗa, aà tə sər dər ka, ŋgat mala ndzer, a waya bakal tsa. Ŋgat a sasar a ge a ka, dukw ana ndzer a, dite ŋgat asa ka, a waya a ne a à mburma gà ŋgwal ŋa ika miɗ ŋgar, na à gà na ta gəs Yesuw Kiristi nda gəzləŋ tar a.

1 Kurintiya 10:17

Taŋa tapa ɗaf ata ka, ilik pəra. Kwa tserdze ka, hinne. Ama ki zimekwe a ka, taŋa ilik pəra. Aɗaba taŋa, ku mege kwa hinne tekeɗe ka, kwa tserdze kàa nekwa ba ilik.

EFESIYA 4:22

Kamala taŋa ya, miyakum à mede ana kà zazamawum ɗa akahər ata ya. Aɗaba mede ata ka, a nəsawa a kurum à gəzləŋ, agəra gà meèweke ana ta bazawa a kurum za ya.

Sunwa Yuhana 5:12

I huɗ malàhà dimis tar ata tì lèh a ya ka, ta wideye a dər ŋgəlakəkka, ta gwa: «Kəla Təmaŋ ata ta kəɗ a ka, a sle aà duwa tserdze. Dite duwa tserdze ka, biy ŋgar asa mbaŋa. Metsehe ŋgar a riŋ, a za gà duwa fit. Aɗaba ndzəɗa tserdze ka, i ahər ŋgar. Gà mburma tə̀ zlə̀b à ŋgat, tə̀ zàmbaɗa dər, ta gwa, ŋgat ka, BATSAH kwa ŋa kaɗəŋ.»