1 Kurintiya 5:6 - Bible Zulgo

⁶ Aàmala na ki gwim a zlapa kataya dze ya? Ŋgwala tsa na taŋa ya. Kurum kà sərum ti tsiye, na bazlam ata ta gwa ka, giɗe ana a kwasawa à duwa ya, ku mege tə ndà aaka kwizikw tekeɗe ka, a kwese a dər hinne ya? Kamala taŋa ya, bakal ŋa, ku mege kwizikw tekeɗe ka, wànə̀nə̀nna à sìkèh a aka miɗ aka miɗ, haa a nis a à mayahaba gər kurum fit kweleŋ.

1 Kurintiya 5:6 ပူးပေါင်းရင်းမြစ်များ

Mata 13:33

I dəba ŋa ya, Yesuw a tsik a tar bazlam minew asa mbaŋa. A gwaɗa a tar: «*Mekwere Mbulum ka, à mbìɗ a à mendze mburma. A ndzikiɗ ba ka, giɗe ana a kwasawa à duwa ya. Taŋa məkəs duwa a ndzək gùfa a batsah kəzləm makər, dite a nda aaka giɗe, a həlaɓ dər akaba. I dəba ŋa ya ka, dzìdzèrègìffe a kwasa dər fit kuɗa.»

Luka 13:21

A ndzikiɗ ba ka, giɗe ana a kwasawa à duwa ya. Taŋa məkəs duwa a ndzək gùfa a batsah kəzləm makər, dite a nda aaka giɗe, a həlaɓ dər akaba. I dəba ŋa ya ka, dzìdzèrègìffe a kwasa dər fit kuɗa.»

RUMA 6:16

Kurum dze ana, kà sərum ti tsiye? Na bəla kàa vəlum ba kurum a wura, ki gweɗwim a, mìi gis ahər a ahəm ka, kàa nwim gà ɓele ŋgar na taŋa ya. Na bəla kurum ihər ki giswim a ahəm aà bakal ka, taŋa ka, kàa nwim gà ɓele bakal dukw ŋgar. I dəba ŋa ya ka, ki metwim a agəra bakal ata. Kige tsa na bəla kurum riŋ ihər ki giswim a ahəm aà Mbulum ivaɗ ka, kurum gà ɓele ŋgar na taŋa ya mbaŋa, dite ka, a ne à kurum a gà ŋgwal ŋa ika miɗ ŋgar.

1 Kurintiya 15:33

Aɗaba taŋa, ka banum ba kurum tsa. Sərum dər ka, na ki ndzwim a i təv ilik ŋa nda gà na ta ge a bakal a ka, kurum tekeɗe, ki dìɗwim a a bakal bise, kamala tar a mbaŋa. Ti nis a à mede kurum ana ŋgwal ŋa ya.

1 Kurintiya 3:21

Aɗaba taŋa, iye ihər i tsik a kurum ŋa: Wura ilik ma ge aba zlapa nda mburma i təv dukw ana wele ata a ge a ya tsa. Sərum dər, dukw tserdze ka, i ahər kurum ivaɗ.

1 Kurintiya 5:2

Dite ka, kurum riŋ ihər ki sìŋgìrwim a à ba kurum ivaɗ asa dze ana, meme na taŋa ya? Ama ka, ŋgulum ki tiwwim a ba kurum ivaɗ, na ki delewim a wele ata ika magər kurum a ya.

GALATIYA 5:9

Dukw ana gà mburma ti tsikewa ya ka, mə̀ məts a kurum gər tsa. Ta gwa: «Giɗe ana a kwasawa à duwa ya, ku mege tə ndà aaka kwizikw tekeɗe ka, a kwese a dər hinne.»

2 TIMUTE 2:17

Gà bazlam tar ana ti dzeŋge a a mburma ya ka, ar ka, kamala mbəlak ana à sìkèh a wànə̀nə̀nna ya. Ika magər tar ka, gà Himanayas nda Filitus.

YAKUBA 4:16

Ama kinehe ka, kurum riŋ ihər ki gilwim a à gər hinne, nda mege zlapa ana, taŋa dze ana, lele yà? Mege zlapa ana kataya ka, lele tsa.