1 Kurintiya 5:5 - Bible Zulgo

⁵ Na kàa yahum ba gər kataya ka, miyakum à wele ata a ahər Əbay sitene, ma dzeye à slu ba ŋgar, dite bəla Mbulum a ta mbil a à mesife ŋgar, a pat ana Yesuw BATSAH kwa ŋa ata a ge a seriye a gà mburma ya.

1 Kurintiya 5:5 ပူးပေါင်းရင်းမြစ်များ

Mata 4:10

I fataya ka, Yesuw a gwaɗar kuɗa: «I sər kər ka, Əbay sitene. Da i təv ga ya, aɗaba mewetse ŋa a riŋ i wakita Mbulum ka, a gwa: «*fd*

Luka 22:31

I dəba ŋa ya, Yesuw a gwa asa: «Simun, Simun. Araha, Əbay sitene aka ŋgat vatwa aà medzìkè à kurum. A dzik a ikaba kurum a, kamala himbiɗ ana à dzik a ikaba gà dzəndzar nda daw a.

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

1 Kurintiya 1:8

Ŋgat na à zlèk a kurum, dite ka, ki ndzwim a ɓəŋɓəŋ lele ika vatwa ŋgar, haa a pat mandəvandəv ŋana, dite pat seriye Yesuw Kiristi BATSAH kwa ŋana a ge a ya, aka ndzera ka, wura a sle a aà məma a kurum à bakal tsiye.

1 Kurintiya 11:32

Ama na Mbulum a ɗifekwe a à metsehe kamala taŋa ya ka, a sasar mibekwa à ɗaf ivaɗ, na dite ka, a ta gew akaba a kwa aka miɗ seriye ŋgar nda gà ɓəzla bakal, ki dzeyekwe a tsiye ya.

2 Kurintiya 10:6

Na kàa ɗifwim a mər kataya ka, mìi sir a dər ndzer, taŋa ka, ki giswim aà mər a ahəm lele. Mər tekeɗe, mìi hèdzèl a ba, mìi tètìk a a gà na ta gəs aà mər ahəm tsiye ya.

2 Kurintiya 12:7

Iye ka, i sle a aà mene à ba gà mala zlapa hinne dukw ŋgar, agəra ana Mbulum aka ɗifiŋ à gà ŋgwal gà dukw ana pampam, wura aka ŋgatar ilik zukw tsiye ya. I fataya ka, Mbulum a giŋ dukw ana a wir aà iye a hinne ya mbaŋa, dite ka, na i ge zlapa asa tsiye. Mesewere are gà ata ka, ar ka, kamala ana gawla Əbay sitene a lekeyiŋ a, dite ka, i ne aba mala meɗe zləm asa tsiye.

2 Kurintiya 13:10

I wetse a kurumaha gà dukw ata tserdze ya ka, Yàa daha a təv kurum zukw tsa. Aɗaba ələk i ti dehe a ka, kàa mbər məmbə̀ɗum à madzala gà gər kurum, dite na i fèfil a kurum a nda magala asa tsiye. Aɗaba Mbulum ka, aka viliŋ ndzəɗa aà meɗife a kurum à metsehe ndzer kaɗəŋ. Ama i ŋgat ndzəɗa ata ka, aà manəsa dər à kurum tsa kəla. A viliŋ ka, dite i zlak dər kurum nda təv mede kurum ana ki sìkèhwim a dər aka miɗ aka miɗ ika vatwa ŋgar a.

FILIPIYA 1:6

I sər ndzer, Mbulum ana a dza ba aà megemir ŋgwal ŋa ata i gəzləŋ kurum a ka, a miyek a dər ŋgwìɗik kataya tsa. A ndìv a dər ka, haa a pat ana Yesuw Kiristi à mère a ya.

1 TIMUTE 1:20

I liwiŋ gà mburma ata ka, gà Himanayas nda Aleksandire. Yàa dza tar a təv mesewere are Əbay sitene, ti sir a gà gər lele ŋgwal ŋa, dite ti ti tsik dukw ana ŋgwal ŋa tsiye, aà Mbulum asa tsa.

2 TIMUTE 1:18

Ama kər nda gər yak ka, kà sər dər lele mbaŋa, meme na akahər ata a giŋ ŋgwal ŋa hinne i kwite Efesiya ya. BATSAH kwa ŋa mà zlak ŋgat, na dite a ndze are tsehe a Mbulum a pat seriye ŋgar a.

2 Piyer 3:12

Vavum pat ana Mbulum à mère a ya, kəla pat. Gwim mege megemir ŋgar tserdze lele, na dite à mère a bise ya. A pat ata ka, gəza mbulum a wene a sirikw sirikw, fit a nisiŋa. Dite mawusawus ana gà madzàvà ŋa aà gəza mbulum a ka, wàfùfùfùffa ta wilezliŋa, a tèkwe a, duwa ilik a zehe a tsidze.

1 Yuhana 5:16

Ama bakal ŋgiɗ a riŋ ka, mburma ta mìt a dər tsa. Na bəla wura a riŋ a ŋget a a damər ŋgar ana ika vatwa Mbulum a, a riŋ a ge a medzibe bakal ata ka, ma hama a Mbulum aɗaba ŋgat, dite ka, Mbulum mə vəl mesife a damər ŋgar ata. I tsik kataya ka, agəra gà mburma ana ta ge a bakal, dite ka, ta mìt a dər tsiye ɗekɗek. Aɗaba bakal ŋgiɗ a riŋ ka, ta mìt a dər. Yàa gwa ka, hamum a Mbulum agəra gà mburma ana ta ge a medzibe bakal ata ya tsa.