Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kurintiya 5:11 - Bible Zulgo

11 Ama dukw ana i wetse a kurumaha ya ka, i tsik ka, agəra gà mburma ana ki zezemwim a Yesuw Kiristi ya seyiŋ ivaɗ. Na wura a gweɗe a, waytsà iye ka, mala mazazama Yesuw, dite ka, a ge a mezelme nda gà bəla a ge a məburnun aka dukw mburma, nda gà a dze a gurmits a bəɗ a dukw ana a zeler a mbulum ŋgar a, nda gà a wele a aà mburma ya nda pàrsa, kige tsa a kweye a à guzum, nda gà bəla a ge a akəl ka, taŋa ka, ka ndzawum i təv ilik ŋa nda gà ŋgat tsa, ku mege ɗaf tekeɗe, ka zəmum akaba nda gà ŋgat tsa asa.

အခန်းကိုကြည့်ပါ။ ကော်ပီ




1 Kurintiya 5:11
47 ပူးပေါင်းရင်းမြစ်များ  

Na aka gəs ahəm aà kurum ata tsəka, tsik a gà mburma ana i ga Mbulum a tserdze. Na bəla aka gəs aà tar ɓav tsəka, fə̀r ahər kamala wur ana aka gəs bazlam Mbulum ilik tsiye, kige tsa kamala mala dùwan ana a gewa bakal hinne ya.


A kurum gà ɓəzla medzeŋge məpala ahəm Mbulum aaha nda gà Farisa ya, kurum ka, gà ɓəzla mimbèhè are. Ama ka, tuwum ba kurum, aɗaba kurumF kà sərum are matsakaɗa gà kəzliyam, nda gà tasà kurum ka, lele. Dite aàla na gəzləŋ kurum kataya tsiye? Nda bəra ka, kù gwaɗum, mər gà ŋgwal ŋa, tsaatsa i huɗ ŋana ka, maràhà ŋa nda gà dukw ana ŋgwala tsiye, kamala megweɗe ya ka: Megeye akəl, nda dukw ana ba kurum a waya aà mege ya ɗekɗek.


Tə daha ka, Farisa ata a ndza a təv ŋgar pam, a dza ba aà mahàmà a Mbulum. A gwa:


«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.


A pat ŋgiɗ duwa, i təv ana gà ɓəzla magəsa Yesuw nda gəzləŋ ti yahaba gər, ti sle a dərməka nda dzik səla ya ka, Piyer a hitse aà mbulum i magər tar. A gwaɗa a tar:


Ananiyas a tsaraka kataya tsara ka, a mah ba, a da kuɗa. A daha ka, a pəts a ga ata. A daha, a tike ahər ŋgar aka Sawul, a gwaɗar: «Sawul, damər gà, Yesuw BATSAH kwa ŋa na ndeɗiŋa a pàtak aba ika vatwa ana kà da dərra ya, na a slərra iye a təv yak a. A slərra iye ya ka, dite are yak mà hə̀ndə̀k ba kamala ana kà ndzawa piŋŋe ya, ki rèh a nda Mezite Mesife Mbulum.»


Mede kwa ma ge ka, ndaka vatwa ŋa lele, kamala gà mburma ana i təv dzaydzay ŋa ya. Ku kwayakwa aà guzum tsa, ka ti yahakwa dukw meèweke nda màŋgùlùhuɗ tsilikw tsilikw tsa. Ka ta gekwa dukw mezelme nda gà məkəs, kige tsa, nda gà asləka tsilikw tsilikw tsa asa. Ki gekwa maàga nda mege are aka dukw mburma tsa asa mbaŋa.


Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.


Gà masla gà ana i waya kurum hinne ya. Aɗaba taŋa, iye ihər i tsik a kurum ŋa: Mbəɗum dəba a mandza gurmits a bəɗ a gà dukw ata mburma ti ne dər mbulum tar a tserdze.


Aɗaba ku mege weke a dzele a ka, aka mazəma dukw mezime ŋgar ana a dzəm ahər a ɗekɗek pəra. Kamala taŋa ya, gà asiŋ gà mìsle ŋgiɗ tàa kwaya dər, gà biy ŋgiɗ ibam, tàa ŋgat aà mezime tsa, may a riŋ a wir aà teriŋa.


nda gà ɓəzla akəl, kige tsa gà ɓəzla məburnun, nda gà na ta kweye a à guzum a, nda gà na ta wele a aà mburma ya nda pàrsa ya, nda gà ɓəzla makàzàlà duwa aà mburma ya nda ndzəɗa, gà ɓəzla bakal ata tserdze ya ka, ti sle a aà mada a mekwere Mbulum tsidze.


Dite aàmala na ki gwim a seriye aà gà asiŋ gà mburma Mbulum ŋgiɗ ika miɗ gà na tàa gəs Yesuw Kiristi tsiye ya?


Kurum kà sərum ndzer: gà na ta gewa dukw ana ŋgwala tsiye ka, ta ŋget a təv mendze i *mekwere Mbulum ana a ta kwere a ya tsidze. Ka banum ba kurum tsa, sərum dər: gà mburma ana ta gewa mezelme nda təv muva ya, nda gà na ti dze a gurmits a bəɗ a dukw ana tə zalar mbulum tar a, nda gà na ta gewa muva ya, nda gà na ta waya mehinneha aà gà asləka ŋgiɗ kamala gà zal nda məkəs a,


Kinehe ka, iye ihər i fèfil a a gà mburma ana tserdze ya. Dukw ana i tsik a ya, a dara ka, i bazlam gà ya, tsəka, i bazlam Yesuw Kiristi ya tsa. I gweɗe a: Na bəla wura a riŋ, ŋgat mala mazazama Yesuw Kiristi, daala ŋgar a riŋ, ama daala ŋgar ata ka, aka gəs Yesuw nda gəzləŋ zukw tsa. Na bəla a waya mandza nda zal ŋgar ata ka, wele ata ma dalawa ŋgat tsa.


Ama kəla ka, na bəla wur ana ŋgat mala mazazama Yesuw tsiye, aka sasar mimìyàkà à biy ŋgiɗ aaha aka gəs a ka, tə da ikaba ya pəra. Biy ŋgiɗ aaha ta miyak dər a, ku mege məkəs, ku mege zal tekeɗe ka, ma dzala duwa tsa, aɗaba biy ŋgar ka, bakal ŋgar a riŋ tsa, a ziwe a gər ŋgar. Mbulum a zal a kurum ka, na dite ki ndzwim a nda zay lele ya.


Kamala taŋa ya, dukw ana ki ge a ka, aɗaba ana kər kà səraba, dukw aaha ka, à lèh a duwa tsiye ka, a dzeye a à wele ana aka sime ika vatwa Mbulum tsiye. Ama sər dər ka, ge metsehe aɗaba damər yak ana Yesuw Kiristi a mət aɗaba ŋgat a.


I təv ana a ndzeha tsara ya ka, mì zəm akaba ɗaf, mər tserdze nda gà asiŋ gà mburma ana ti ne gà damər mər, tar gà Yahuda tsiye. Aləka i dəba ŋa ya ka, Zakup a sləraha mburma a təv mər. Ti ndzeha tsara ka, tsukwaɗ Piyer a hitse i təv mər a. A gəs mazəma akaba ɗaf nda gà mər asa tsa. A ge magəɗa a ga mburma Zakup ata ta waya masàsà ba ya.


Ka ta kwayum à guzum tsa, aɗaba taŋa ka, à dzik a aà kurum metsehe ya, à gis aaba kurum aà mege dukw ana ŋgwala tsiye. Say ràhum ka, nda Mezite Mesife Mbulum lele ivaɗ.


Sərum dər ka, gà mburma ana ta ge a muva nda mezelme ana pampam biy metsike tsiye ka, ta ŋget a təv mendze i təv mekwere gà Mbulum nda Kiristi tsa. Gà mburma ana ta ge a are ya tekeɗe ka, ti ta ŋget a ɓav tsa. Aɗaba ta ŋgaya ba a mege kataya ka, hinne, a za dər Mbulum. Na ta ge a kataya ka, kamala ana ti zezem a fəla gà tsir tar a.


Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.


Na bəla wura a sasar magəsa ahəm aà dukw ana mì wetse i huɗ wakita aaha ya tsəka, sərum dər, wele ata ka, ka tə ndzum akaba i təv ilik ŋa nda gà ŋgat asa tsa, na dite ka, hwarwa a ger a ya.


Gà damər mər, mìi tsik a kurum a ka, nda zləm Yesuw Kiristi BATSAH kwa ŋa, mər ihər mìi gweɗe a kurum a ka: Ka ndzum i təv ilik ŋa nda gà asiŋ gà mburma Mbulum ana rìmme ti ndze a gà màsar ŋa, a sàs a tar megemir tsiye tsa. Aɗaba tar ka, ta gəs dukw ana mì tsik a kurum a tsa.


Ma ti ne ɓele guzum tsa. Ma ti ne mala tèrèŋgìz tsa asa mbaŋa. Say ma ne ivaɗ ka, mala himmè bazlam ana lìfèɗìɗe ya. Ma ti ne mala mege bazlam nda gà mburma tsa. Ma ta vəl gəzləŋ ŋgar a siŋgwe tsa asa.


Ama bazlam ana ti tsik a ika magər tar biy maàga ya ka, à ndìv a tsa, vìrìɗìɗɗe kəla pat. Aɗaba metsehe tar ana ti dzele a ya ka, kəzlah aka ndaha ika vatwa ya, dite ka, tə sər dukw ana ndzer a tsa asa. Aɗaba gà taŋa ti dzele a i tar ka, na tàa zazam vatwa Mbulum ka, limana tar a ge a riŋ ka, hinne.


Aɗaba taŋa i tsik a kurum ŋa: Na wura a dere a a təv kurum a, a dzeŋge a kurum a dukw ana Yesuw Kiristi a dzeŋge a kwa ya tsəka, ka ta gəsum aaba ŋgat a ga a ma kurum tsa. Ka ta gwimer wusa ɓav tsa asa mbaŋa.


Ama kəla ka, duwa a riŋ ika magər kurum, na i samata ka, ŋgwala tsiye. Aɗaba gà asiŋ gà mburma ŋgiɗ ika magər kurum, ti zezem a ka, dukw Balaam ana a dzeŋge a mburma akahər ata ya. Ŋgat ka, a ɗif à duwa a Balak, dite ka, meme na a bene a gà mburma Isərayel a bakal a. Dukw ana ta bana ahər tar a ka, ta papəɗ slu ana tə tàwàl dər fəla ya, nda mege mezelme nda təv muva mbaŋa asa.*fd*


Ama kəla ka, duwa a riŋ ilik ika magər kurum ana a tsahən aà iye tsiye. Dukuməŋa ka, aɗaba ana kà vəlum vatwa a məkəs aka tə zalar Izebel a, aà mandza ika magər kurum a. Ŋgat ka, a gwa, waytsà iye ka, mala məma à guma Mbulum, tsaatsa taŋa ka, a bene a dər gà mburma gà ana ta giŋ a meslire ya. Dukw ana a dzeŋgewa a tar a ka, mege mezelme nda təv muva nda məpapəɗa slu ana tə tàwàlawa dər fəla ya.


Ama gà na ta ge a magəɗa ya, nda gà na ta gəs bazlam Mbulum nda ndzer tsiye, dite nda gà na gəzləŋ tar manəsa ŋa ya, gà ɓəzla məbatsa mburma nda gà ɓəzla megeye muva, nda gà mèdè, kige tsa, gà na tə zàmbaɗawa à gà fəla tar a, nda gà ɓəzla pàrsa, gà tar ata tserdze ya ka, tì dzèwe a ter a a akwa ana kamala duluv a, a wene a wàfùfùffa ya. I fata kuɗa, na məməta masula ŋa ya.»


Ama gà na tar ti ne kamala gà kəra ya, nda gà ɓəzla mèdè, nda gà na ta gewa muva ya, kige tsa, gà na ta batsawa mburma ya, nda gà na tə dzawa gurmits a bəɗ ka, a fəla tar a, nda gà ɓəzla pàrsa ana ta waya masàsà pàrsa ya ka, bàlaarì tar ti ndze a ka, i bəra, ti de a a ŋgwal kwite ata tsidze.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ