1 Kurintiya 5:1 - Bible Zulgo

¹ Araha, i tsarakawa ka, ta gwa là, bazlam mawùràba ŋa a riŋ ika magər kurum. Kurum riŋ ihər ki gwim a mezelme, kamala megweɗe ya ka, mìsle ŋgiɗ ilik tàa həna nda məkəs tsir ŋgar. Assàh, taŋa dze ana, meme? Ku mege gà na tə sər Mbulum tsiye tekeɗe ka, tàa ge medzibe bakal ata kamala taŋa ya ilik tsidze.

1 Kurintiya 5:1 ပူးပေါင်းရင်းမြစ်များ

Gà Ɓəzla Meslire 15:20

Ama kə̀la ka, ki wetsekwe a terehe a wakita, tə ta papəɗ dukw ana ŋgwal tsiye tsa, kamala dukw ana ti zler ɗa aà matawala dər duwa ya, nda gà ta ge mezelme nda təv muva tsa, tə ta papəɗ dukw ana ta muruɗ mimwirwiɗe ya tsa, dite tə zəm məmbəz tsa asa mbaŋa.

Gà Ɓəzla Meslire 15:29

Ka ta papəɗum dukw ana ŋgwal tsiye tsa, kamala dukw ana ti zler ɗa aà matawala dər duwa ya, nda gà ka zəmum məmbəz tsa, ka ta papəɗum dukw ana ta muruɗ mimwirwiɗe ya tsa, dite ki gwim mezelme nda təv muva tsa asa mbaŋa. Na kàa kaslum ba à gà dukw ata ya tserdze ya ka, taŋa ka, lele ndzer. Ndzum nda zay lele, say pat ŋgiɗ.»

1 Kurintiya 1:11

Gà gəzləŋ kurum nda madzala gà gər kurum tekeɗe, ma ge ka, ilik mbaŋa. Gà damər gà, i tsik taŋa ka, aɗaba gà mburma ana i bəra dəm Kilewe ya, ta màhara ba ya, tə dara, ta gweɗiŋ ka, maàga a riŋ hinne na ika magər kurum a, kà sərum aaba ahəm tsa.

1 Kurintiya 5:11

Ama dukw ana i wetse a kurumaha ya ka, i tsik ka, agəra gà mburma ana ki zezemwim a Yesuw Kiristi ya seyiŋ ivaɗ. Na wura a gweɗe a, waytsà iye ka, mala mazazama Yesuw, dite ka, a ge a mezelme nda gà bəla a ge a məburnun aka dukw mburma, nda gà a dze a gurmits a bəɗ a dukw ana a zeler a mbulum ŋgar a, nda gà a wele a aà mburma ya nda pàrsa, kige tsa a kweye a à guzum, nda gà bəla a ge a akəl ka, taŋa ka, ka ndzawum i təv ilik ŋa nda gà ŋgat tsa, ku mege ɗaf tekeɗe, ka zəmum akaba nda gà ŋgat tsa asa.

1 Kurintiya 6:13

Kurum kù gwaɗum: «Dukw mezime ka, aɗaba hitwis. Hitwis tekeɗe ka, aɗaba dukw mezime mbaŋa.» Haya, ar ka, kamala taŋa ya dukw ŋgar. Ama pat ŋgiɗ kəla ka, ku mege hitwis, ku mege dukw mezime tekeɗe, Mbulum a dzeye akaba à tar a sula məma fit mbaŋa. Ama i təv ba mburma ka, kataya tsa, aɗaba Mbulum a ge ka, aà mege mezelme nda təv muva tsa. A ge ka, na dite ki zèmbeɗekwe a dər à Yesuw Kiristi BATSAH kwa ŋa ya ivaɗ. Aɗaba ŋgat na a kesle a ba kwa ya mbaŋa.

1 Kurintiya 6:18

Aɗaba taŋa, ki gwim mezelme nda təv muva tsidze, tsàkàlàk ndzum ihər a. Gà asiŋ gà bakal ana pampam gà mburma ta gewa ya ka, a ndze a aà ba tsa, makàhà ŋa. A dara ka, i madzala gà gər ŋgar a pəra. Ama wur ana a ge a mezelme nda təv muva ya ka, a nis a à ba ŋgar fit nda ahər ŋgar ŋa.

1 Kurintiya 6:9

Kurum kà sərum ndzer: gà na ta gewa dukw ana ŋgwala tsiye ka, ta ŋget a təv mendze i *mekwere Mbulum ana a ta kwere a ya tsidze. Ka banum ba kurum tsa, sərum dər: gà mburma ana ta gewa mezelme nda təv muva ya, nda gà na ti dze a gurmits a bəɗ a dukw ana tə zalar mbulum tar a, nda gà na ta gewa muva ya, nda gà na ta waya mehinneha aà gà asləka ŋgiɗ kamala gà zal nda məkəs a,

2 Kurintiya 12:21

Iye riŋ ihər i ge a magəɗa hinne, aɗaba i təv ana bəla Yàa daha a təv kurum asa ya ka, Mbulum Tsir kwa ma ta mà à iye a bəɗ ika miɗ kurum tsa. I ge a magəɗa ka, agəra ana bəla i ta ŋget a a gà ɓəzla bakal ana ika magər kurum hinne, a sàs a tar məmbə̀ɗà à madzala gà gər tar tsiye ya. Na bəla tar riŋ ti de a aka miɗ aka miɗ nda mege muva, nda mayaha gà məkəs ana tsilikw tsilikw a, dite nda mege dukw mezelme ana biy hwarwa dukw metsike tsiye asa ka, i ti tiwe a aɗaba tar hinne.

2 Kurintiya 2:5

Na wura ika magər kurum aka vəl matsəɓatsəɓ a gəzləŋ a mburma ka, a iye ɗekɗek tsa na a vəl matsəɓatsəɓ ata ya. Ama a vəl ka, a kurum tserdze, kige tsa ŋgulum i gweɗe a, a vəl matsəɓatsəɓ ata ka, a gà asiŋ ŋa ika magər kurum a ivaɗ, tsəka, a sèsiŋ i niw a dukw ana ndzer a ɓav tsa.

2 Kurintiya 7:12

Aɗaba taŋa, wakita ata i wetse a kurumaha ya ka, i wetse aɗaba wele ana a ge bakal ata ya, kige tsa, agəra wele ana ta ge ihər bakal a ya ɓav tsa asa. Ama i wetse ka, dite mə vəl a kurum vatwa ika miɗ Mbulum parakkà, ku weke ma sər dər ka, kà wayum mər ndzer nda gəzləŋ ilik.

GALATIYA 5:19

Kà sərakwa tserdze, na dukw ana meèweke ba kurum a waya a ge a ya. Gà dukuməŋa ka: Mege mezelme nda təv muva, nda mege dukw hwarwa ana pampam a, nda mayaha gà məkəs ana tsilikw tsilikw a.

EFESIYA 5:3

Kurum ka, gà mburma Mbulum na kinehe ya. Aɗaba taŋa, kurum ka, ki gwim mezelme nda təv muva, nda mege dukw hwarwa ana pampam a, nda mege are asa tsa. Ka ta fàfəlawum aà dukw ata tsidze.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

1 TESALUNIKE 4:7

Aɗaba Mbulum a zal a kwa ka, aà mege mezelme tsa. A zal a kwa ka, na dite ki nekwe a gà tsəɗaŋŋa ika miɗ ŋgar a ivaɗ.

Sunwa Yuhana 2:21

Ama ka, Yàa vəlar vatwa zaakwa, na à mbìɗ a à madzala gà gər ŋgar zləmana ya. Ama a sasar tsa, a de a aka miɗ ka, nda mege mezelme ŋgar ata hiywe pəra.

Sunwa Yuhana 21:8

Ama gà na ta ge a magəɗa ya, nda gà na ta gəs bazlam Mbulum nda ndzer tsiye, dite nda gà na gəzləŋ tar manəsa ŋa ya, gà ɓəzla məbatsa mburma nda gà ɓəzla megeye muva, nda gà mèdè, kige tsa, gà na tə zàmbaɗawa à gà fəla tar a, nda gà ɓəzla pàrsa, gà tar ata tserdze ya ka, tì dzèwe a ter a a akwa ana kamala duluv a, a wene a wàfùfùffa ya. I fata kuɗa, na məməta masula ŋa ya.»