1 Kurintiya 4:9 - Bible Zulgo

⁹ Ama ka, kataya tsa. Mər gà ɓəzla meslire Yesuw Kiristi, i samata ka, kamala ana Mbulum aka ne à mər gà ɓəzla dəba mburma tserdze ya. Mər mì ne asa ka, kamala gà mburma ana seriye aka gəs tar, dite ta bets a tar ika miɗ mburma ya. Mər ka, kamala gà ɓəzla mesewere are ana ti sèwèr a ter a ɗa ika gər ahəɗ ka, fìyye mburma ta fir ahər a ya, nda gà ku mege ika miɗ gawla Mbulum tekeɗe ya.

1 Kurintiya 4:9 ပူးပေါင်းရင်းမြစ်များ

Gà Ɓəzla Meslire 19:29

Mewideye dukw tar ata dàhum dàhum a ɗe zləm i kwite fit. Gà mburma ata ta gasa gà Makaduniya duwa tə də̀ɗaha aka Pul a fata. Zləm tar ka, gà Gayus nda Aristarkus. Tə da à tar aka dàɓa a təv mayahaba gər mburma ana ta gewa iɗəm màhaw a.

Gà Ɓəzla Meslire 19:31

Gà asiŋ gà bàba gà mburma ana ika ahəɗ Asiya i fata, ta ge a megemir ŋgumna, ti ne gà masla Pul a, tə sləraha mburma a təv ŋgar mbaŋa, ta gwaɗar, ma tə da a təv màhaw tar ata tsa.

RUMA 8:36

Mesewere are kwa ata a ne ka, kamala ana mewetse ŋa i wakita Mbulum, a gwa ka: «Gà mburma ti yehe a vatwa aà məbatsa mər hiywe, agəra ana mìi zezem a kər a. Tar ihər ta fir aà mər a ka, kamala gà təmaŋ ana ti ti zleye a ter a ɗa ya.»*fa*

1 Kurintiya 15:19

Na bəla kà tikikwa madzala gà gər kwa aka Kiristi ka, dite mà zlak kwa, ma gekwa ŋgulum a mendze kwa ana kinehe ɗa ika gər ahəɗ pəra, taŋa ka, mburma ti tiwe a kwa, à zè a dər biy gà mìsle ŋgiɗ tserdze.

2 Kurintiya 11:23

Tar ta gweɗe a asa mbaŋa ka: «Mər ana gà ɓəzla megemir *Kiristi tsiye?» Ama iye tekeɗe ka, kamala taŋa ya mbaŋa asa. I za dər akaba tar kətəɓ kweleŋ kəla. Iye ihər i fèfil a taŋa ka, kamala ana Yàa be a dala ya. Aɗaba Yàa ge megemir ata ka, hinne, a za biy tar. Dite tàa tike iye a daŋgay ka, sik diŋ, a za biy tar asa. Ta gə̀zlawa iye hinne, i ndzawa ka, kamala ana iye i ɗa məməta ya sik diŋ, a za biy tar asa mbaŋa.

2 Kurintiya 6:9

Ta gwaɗawa ka, tə sər mər tsa, mər ka, gà ɓəzla falày taf masakəŋa. Ama tsaatsa, gà asiŋ gà mìsle ŋgiɗ tserdze tə sər mər lele dukw ŋgar. Ta fə̀rawa aà mər ka, kamala ana mər ka, gà məməta ŋa ya. Ama ka, mər riŋ nda mesife lele dukw ŋgar mbaŋa. Ti sèwèrewa a mər are hinne, ama tàa bats mər zukw tsa seyiŋ.

1 TESALUNIKE 3:3

Aɗaba a sàs a mər ka, wura ilik ma ta mà aà kurum a dəba ya, agəra mesewere are ana ki sèwèrwim a ika vatwa Mbulum a tsa. Aɗaba kurum kà sərum, vatwa ŋgiɗ a riŋ tsa, na dite kwa gà mburma Mbulum ki sèwèrekwe a are kamala taŋa ya ya.

IBƏRANIKWA 1:14

Dite gà gawla Mbulum dze ana, gà dukùla? Tar ka, gà ɓəzla megemir Mbulum ɗekɗek pəra, a slir a tar aà mazlàkà gà mburma ana a sasar ta mbala ya.

IBƏRANIKWA 10:33

Aka təv ŋgiɗ ka, tàa burwa à kurum ika miɗ gà mburma tserdze, dite tàa ge a kurum matawak hinne asa. Ama a pat ŋgiɗ asa ka, kàa ndzum i təv ilik ŋa nda gà na ti sèwèr a are kamala taŋa ya mbaŋa.

IBƏRANIKWA 11:36

Gà asiŋ gà mburma Mbulum ŋgiɗ tàa sèwèr are hinne, na i təv ana tə sawla aà tar, ta gazla tar lehhè lehhè ya. Tə dzawaya tar nda tsitsirɓe, dite gədzə̀zl gədzə̀zl tə dzaya tar a daŋgay asa mbaŋa.*fz*