1 Kurintiya 4:4 - Bible Zulgo

⁴ Ama iye ka, i sər bakal ana ika gər gà ya tsa kəla. Kamala megweɗe ya ka, iye mala ndzer. Ama i sər ɓav tsa. Yesuw BATSAH kwa ŋa ilik na a ta giŋ a seriye ga ya, tsəka, mìsle ŋgiɗ a riŋ tsa.

1 Kurintiya 4:4 ပူးပေါင်းရင်းမြစ်များ

Yuhana 21:17

I dəba ŋa ya asa, a màr dər məmakər ŋa, a gwaɗar: «Simun, kəla Yuhana, wànà kà waya iye ana, ndzer kaɗəŋ a?» Bazlam Yesuw ata a màr dər məmakər ŋa, a gwaɗar: «Wànà kà waya iye yà, kà waya iye yà» ka, a tsəɓ a Piyer hinne. A gwaɗar: «Batsah ga ŋa, kà sər duwa tserdze. Dukw ana i gəzləŋ a tekeɗe ka, kà sər. Kà sər ka, i waya kər ndzer.» Yesuw a gwaɗar: «Ge gər a gà mburma gà ana ti zezem a iye kamala gà təmaŋ a lele.

Gà Ɓəzla Meslire 23:1

Pul a dza are aà mayahaba gər mburma ata ndzazlzla lele. A gwaɗa a tar: «A kurum gà damər gà, iye mandza ŋa ika miɗ Mbulum ka, nda gəzləŋ ilik lele, à gər ana i gəs ŋgat, haa kinehe ya.»

RUMA 2:13

Aɗaba mburma a ne a ŋgwal ŋa ika miɗ Mbulum ka, nda matsaraka məpala ahəm nda zləm ɗekɗek tsa. Say nda magəsa ahəm aà dukw ana məpala ahəm ata a tsik a mbaŋa.

RUMA 4:2

Na mege Mbulum a ne à ŋgat ŋgwal ŋa ika miɗ ŋgar, agəra mege dukw ana a ge ŋgwal ŋa ya ka, ana ka, a ŋget a vatwa aà masə̀ŋgə̀rà à ba ŋgar ika miɗ Mbulum. Ama ka, aka ŋgat dukw ana à sìŋgìr a dər à ba ŋgar ika miɗ ŋgar a tsa.

1 Kurintiya 4:3

Iye ka, dukw ana ki dzelwim a nda təv ga ya ka, aka giŋ i gər a ndzìhhe tə tsa. Ku mege gà mìsle ŋgiɗ a sàs a tar mesire dər, wànà Yàa ge kalkal a, tsəna, Yàa ge tsiye tekeɗe ya ka, i dzele a duwa ɓav tsa. Ku mege iye ŋa tekeɗe, i sle aà megweɗe a ka, Yàa ge megemir kalkal, kige tsa, Yàa ge tsa tekeɗe ka, i sle a tsa.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

2 Kurintiya 5:10

Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are.