1 Kurintiya 4:2 - Bible Zulgo

² Ama kəla ka, wele ana mala ga ŋgar aka məsakar à duwa a ahər a ka, a waya ŋgat ma ne ka, mala ndzer.

1 Kurintiya 4:2 ပူးပေါင်းရင်းမြစ်များ

Mata 25:21

Mala ga ŋgar a gwaɗar:

Mata 25:23

Mala ga ŋgar aaha a gwaɗar:

Luka 12:42

Əbay Yesuw a gwaɗar aaka: «Nwim ka, kamala mala mege megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a tike aɗəm a ŋgat aà makàslà gà ɓəzla megemir, a vile a ter a ɗa dukw mezime ka, tits a təv ana tə zəmawa ya ya.

1 Kurintiya 4:1

A sèsiŋ ka, ku weke ma sər dər, mər ka, gà ɓəzla megemir Yesuw Kiristi. Aɗaba Mbulum a dza dukw ŋgar ana makàhà ŋa akahər ata ya ka, ahər a mər, na dite mìi ɗif a dər a mburma parzakkà ya.

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

1 Kurintiya 4:3

Iye ka, dukw ana ki dzelwim a nda təv ga ya ka, aka giŋ i gər a ndzìhhe tə tsa. Ku mege gà mìsle ŋgiɗ a sàs a tar mesire dər, wànà Yàa ge kalkal a, tsəna, Yàa ge tsiye tekeɗe ya ka, i dzele a duwa ɓav tsa. Ku mege iye ŋa tekeɗe, i sle aà megweɗe a ka, Yàa ge megemir kalkal, kige tsa, Yàa ge tsa tekeɗe ka, i sle a tsa.

1 Kurintiya 7:25

Ka wizwim aà iye bazlam agəra gà magamza ana ti ndzeye a ya, nda gà dəm ana tàa da a zal ilik tsiye mbaŋa. Dukw ana i tsik a ya ka, i tsarakara ka, i təv Yesuw Kiristi BATSAH kwa ŋa ya tsa. I tsik a ka, dukw ana i dzala nda madzala gà gər gà ya ɗekɗek. Ama ŋgulum ka, ki dzwìmiŋ aaka a zləm mbaŋa, aɗaba iye ka, mala ndzer, agəra ana Yesuw Kiristi BATSAH kwa ŋa a giŋ ŋgwal ŋa ya.

2 Kurintiya 2:17

Ama mər ka, mìi sle a aà mege ŋa, agəra ana Mbulum a slər ahər mər a, tsəka, mìi sle a ɓav tsa. Aɗaba gà mburma hinne, na ti tsikewa bazlam Mbulum a mburma ka, ta fə̀r ahər kamala dukw metsèkèle ya. A sàs a tar aà maŋgata dər nuba. Ama mər ka, mì gewa dər kamala taŋa ya tsa. Mì tsikewa bazlam ŋgar a mburma ka, nda gəzləŋ ilik ika miɗ ŋgar, agəra ana mər ka, gà ɓəzla meslire Kiristi ya.

2 Kurintiya 4:2

Maa niw gà dukw ana mburma ta ge a nda wirwir kìtsèh kìtsèh, a ndeɗe aka mər a hwarwa ya tserdze. Mər ka, mìi kèhe a dukw ana mìi ge a ya tsa. Dite mìi bene a mburma, kige tsa mìi mbìɗ a à bazlam Mbulum tsa asa mbaŋa. Ama mìi ɗif a ka, à ndzer ŋana parakkà ivaɗ. Mì waya ka, ku weke mà sər dər, bazlam ana mìi tsik a ya ka, ika miɗ Mbulum ndzer, pàrsa iɗəm tsa.

KULUSIYA 1:7

Kà lah metserekwim bazlam ŋgwal ŋa ata i təv Apafəras a. Ŋgat ka, wele ana mì waya ŋgat hinne, mìi ge a meslire Yesuw Kiristi i təv ilik ŋa ya. A ge a meslire Yesuw Kiristi i liwiŋ kurum ka, nda gəzləŋ ilik. A ge a ka, avukw mər.

KULUSIYA 4:17

Gweɗwimiŋ a Arkipus ka, mə̀ mər aba, mà ndəv à megemir ana Yesuw Kiristi a vəlar a ahər a.

KULUSIYA 4:7

Tikikus na a me a kurum a dər tserdze ka, meme na i ndza kinehe kuɗa ya ya. Ŋgat ka, damər kwa ana kà wayakwa ŋgat hinne ya. Aɗaba a riŋ a ge a megemir BATSAH kwa ŋa ka, nda gəzləŋ ilik mbaŋa. Mìi ge a megemir ka, mər məma, aɗaba Yesuw Kiristi.