1 Kurintiya 4:16 - Bible Zulgo

¹⁶ Aɗaba taŋa, iye ihər i ge a kurum a kamkam: Zazamum ka, mede gà ana i de a ya.

1 Kurintiya 4:16 ပူးပေါင်းရင်းမြစ်များ

1 Kurintiya 11:1

Zazamum ka, mede gà ana i de a ya, kamala iye ana i zezem a dukw ana Yesuw Kiristi a ge a ya mbaŋa.

FILIPIYA 3:17

A kurum gà damər gà, kurum tserdze ka, gwim kamala iye ya. Fə̀rum aà gà na mede tar ŋgwal ŋa kamala mər ana mìi ɗif a kurum a à mede mər ana ŋgwal ŋa ya mbaŋa.

FILIPIYA 4:9

Zazamum ka, gà dukw ana i ɗif a kurum dər, dite kà zazaɗum ba dər aba à dukw ana kà tsarakumara ika arah ga ya, kà ŋgatumar ka, meme na i ge a ya mbaŋa. Kamala taŋa ya, Mbulum ana a vile a kwe a matasla yam a gəzləŋ kwa ya ka, a ti ndze a nda gà kurum.

1 TESALUNIKE 1:6

Ama kurum kinehe ka, kàa dzum ba aà mazazama mede mər, nda biy BATSAH kwa ŋa. I təv ana kə̀ gəsum bazlam Mbulum a ka, ku mege mburma ti sèwèrewa a kurum dər akaba are hinne tekeɗe, ama kurum ka, kàa ŋgayum ba ivaɗ. Maŋgayaba ata ka, Mezite Mesife Mbulum na a vəl a kurum a.

2 TESALUNIKE 3:9

Mege dukw ata mì ge dər kamala taŋa ya ka, ana ka, mìi sle a aà mewize aà kurum a dukw mezime zləmana dukw ŋgar, bakal iɗəm tsa. Ama ka, mì ge megemir seyiŋ ivaɗ, aà meɗìfè a kurum dər ka, dite ki gwim kamala taŋa ya mbaŋa.

IBƏRANIKWA 13:7

Gà na tə lah meɗe a kurum à vatwa, ti tsik a kurum bazlam Mbulum a ka, tə ta məts a kurum gər tsa. Dzalum gà gər aka mendze tar ana tə ndza ɗa ya, dite meme na ta mata ya asa mbaŋa. Zazamum ka, megìse tar ana ta gəs Mbulum nda gəzləŋ a mbaŋa.

1 PIYER 5:3

Ka ta kwarum gà mburma ata nda ndzəɗa tsa. Ama zazamum ka, mendze ana ŋgwal ŋa ya, na dite a ɗif a ter a à vatwa, ti zezem a kurum i dəba ya lele ya mbaŋa.