1 Kurintiya 4:14 - Bible Zulgo

¹⁴ Dukw ana i wetse i faha ya, i tsik taŋa ka, aà mandàɗà dər aka kurum hwarwa agəra dukw ana ki gwim a ya tsa. Awaŋ, i tsik a kurum kamala taŋa ya ka, aɗaba ana, kurum gà ɓəza gà, i waya kurum hinne ya. A sèsiŋ ka, i ɗif a kurum a à metsehe, dite ka, ki mwimere a aka vatwa ana ŋgwal ŋa ya.

1 Kurintiya 4:14 ပူးပေါင်းရင်းမြစ်များ

Gà Ɓəzla Meslire 20:31

Aɗaba taŋa, ndzum nda metsehe, sərum dər ka, Yàa gàsl aà metsìkè a kurum nda gà tuwa ilik ilik tserdze, ku ndaàvəɗ, ku ndaàpat, haa a ge mive makər.

1 Kurintiya 15:34

Agəra taŋa, kinehe ka, pìɗekeywim i mekweye ya, ki gwim bakal asa tsa. Aɗaba i samata, gà asiŋ gà mìsle ŋgiɗ ika magər kurum a ka, tàa sər Mbulum zukw tsa. I tsik a kurum taŋa ka, dite gurɓə̀ts hwarwa ma ge a kurum.

1 Kurintiya 4:15

Ku mege gà asiŋ gà mburma ŋgiɗ a riŋ lufùw na ti ɗif a kurum a à duwa aka gər Yesuw Kiristi ya tekeɗe, dede kurum ka, ilik pəra. Iye na i ne dede kurum a. Kurum kà nwim gà ɓəza gà ka, aɗaba ana akahər ata, iye i lah metsike a kurum bazlam ŋgwal ŋana, dite kə̀ gəsum Yesuw Kiristi nda gəzləŋ kurum ilik a.

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

1 Kurintiya 6:5

Hwarwa a ge a kurum a te tsiye? Wura a riŋ ilik na ika magər kurum matsaha ŋa, a sle a aà masàsà ikaba bazlam a gà asiŋ gà mburma Mbulum ana, a riŋ te tsiye?

1 Kurintiya 9:15

Ama ku mege kataya tekeɗe, iye ka, Yàa wiz aà kurum duwa ilik tsidze. Ku mege kinehe, Yàa gwaɗa a kurum ka, slirwimiŋara duwa ya ka, Yàa tsik ɓav tsa. Ŋgulum na i mət à may a ivaɗ, na ndəna i wiz aà kurum a duwa ya. Aɗaba wura ilik ma tə nəs à dukw maŋgayaba gà ana a ŋgeyiŋ dər ba i gəzləŋ a tsa.

2 Kurintiya 11:11

Aɗaba la na i tsik a kurum taŋa ya? Wànà kù gwaɗum ana, i waya kurum tsa ivaɗ a? Awaŋ, aɗaba Mbulum ka, a sər, i waya kurum nda ndzer dukw ŋgar.

2 Kurintiya 12:19

Bəla akahər ana mì wetse a kurumaha a huɗ wakita aaha ya, na kà dzalum, kù gwaɗum ka: «A ge a ka, gà mburma aaha ta geye ikaba tar a pəra, na ika miɗ mər a.» Ama ka, kataya tsa. Aɗaba mìi fèfil a ka, ika miɗ Mbulum kamala ana a sàs a *Kiristi ya. A kurum gà masla mər ana mì waya kurum hinne ya: Mì tsikeye a kurum gà dukw ata tserdze ya ka, aà mà zlak kurum. A sàs a mər ka, ki dwim a aka miɗ aka miɗ, ki ŋgetwim a ndzəɗa ika vatwa Mbulum a.

2 Kurintiya 7:3

Ka ta gwaɗum, i tsik taŋa ka, biy na i mà a kurum à bakal a ɓav tsa. Ar ka, kamala ana i lah metsike a kurum ndeɗiŋa ya. Mì waya kurum hinne, duwa ilik ma ta mà ba à kwa tsa. Ku mege kàa matakwa, kwa i təv ilik ŋa, ku mege kwa riŋ nda mesife tekeɗe, kwa i təv ilik ŋa hiywe mbaŋa.

KULUSIYA 1:28

Yesuw Kiristi ata na mər ihər mìi tsik a bazlam ŋgar a mburma tserdze ya. Mìi tsik a ter a aba ya, mìi ɗif a ter a à duwa ka, nda metsehe ana Mbulum a vəl a mər a mbaŋa. Aɗaba a sàs a mər ka, gà mburma ti ne kamala ana Mbulum a waya ya, agəra ana tar mandza ŋa i təv ilik ŋa nda gà Yesuw Kiristi ya.

1 TESALUNIKE 2:11

Kurum kà sərum mbaŋa, mì zlak kurum ika magər kurum ilik ilik tserdze ka, kamala tsir kəla ana a ge a gər a gà ɓəza ŋgar a.

1 TESALUNIKE 5:14

Gà damər mər, mìi ge a kurum a kamkam asa: Bwim à ɗaf a gà ɓəzla màsar ana ti ndze a taf masakəŋa ya. Mùmaha à arəv a gà ɓəzla magəɗa, dite kà zlakum gà na ndzəɗa tar a riŋ tsiye mbaŋa. Gəsum gəzləŋ nda təv gà mburma tserdze, kà yum ba ika miɗ mburma tsa.

2 TESALUNIKE 3:14

Na bəla wura a sasar magəsa ahəm aà dukw ana mì wetse i huɗ wakita aaha ya tsəka, sərum dər, wele ata ka, ka tə ndzum akaba i təv ilik ŋa nda gà ŋgat asa tsa, na dite ka, hwarwa a ger a ya.

FILIMUN 1:10

Ama i gek a kamkam ka, aɗaba Unesimus ana ŋgat a ne kəla gà ika vatwa Mbulum a. Iye ana i daŋgay a, na i ne tsir ŋgar ɗa i faha ya.

1 Yuhana 2:1

Gà ɓəza gà, i wetse a kurumaha gà dukw ata ka, dite ka, ki gwim bakal asa tsa. Ama na bəla wura a ge a bakal ka, sərum dər, wele ŋgiɗ a riŋ mandza ŋa ika miɗ Mbulum Tsir kwa, a heme a aɗaba kwa. Wele ata ka, Yesuw Kiristi. Ŋgat ka, bakal ŋgar a riŋ tsa.

3 Yuhana 1:4

Ku mege ndeɗime na i tsaraka, gà ɓəza gà riŋ ihər ti zezem a vatwa ana ndzer ŋa ya ka, i ŋgaya ba hinne. I ndze a ka, ndzəɗakkà, duwa a riŋ ilik aka ŋgeyiŋ ba i gəzləŋ kamala taŋa ya tsidze.