1 Kurintiya 4:12 - Bible Zulgo

¹² Mì gewa megemir bàlaarì nda ahər mər ŋa, na dite mìi mete a à may tsiye. Na bəla mburma tàa vəl a mər mezelme ka, mìi heme a a Mbulum, dite a pise a ter a ahəm a ivaɗ. Na bəla tàa vəl a mər mesewere are ka, mì gəsawa gəzləŋ pəra, mì màwa a tar dər aɗəm tsa.

1 Kurintiya 4:12 ပူးပေါင်းရင်းမြစ်များ

Mata 5:11

A gwaɗa a tar asa: «Maŋgayaba i təv kurum, na bəla gà mburma tàa ndavaya a kurum, ti ne a kurum a are, ti tsik aà kurum a dukw ana ŋgwal ŋa tsiye, hə̀rə̀ts hə̀rə̀ts nda pàrsa, aɗaba ana kurum gà mburma gà ya ka, mà tsəɓ a kurum tsidze.

Mata 5:44

Ama iye ka, iye ihər i gweɗe a kurum ŋa: Wayum gà ɓəzla mene are kurum ivaɗ. Hamum a Mbulum aɗaba gà na ti ne a kurum a are, ta ge a kurum a swalwa ya,

Luka 23:34

Yesuw a gwa: «Tsir gà, pəl a tar à bakal tar, aɗaba tə sər dukw ana ta ge a ya tsa.» Gà mburma ana tə ndwandway ŋgat a, tə dzaya ikaba petek ŋa ya ika magər tar, dite ta ge tsetse, ta gwa: «Ŋgada weke na a ŋget a ya?»

Luka 6:28

Piswim ahəm a gà mburma ana ti ndeveye a kurum a ya. Dite ka hamum a Mbulum agəra gà na tì sèwèr a kurum are ya mbaŋa.

Yuhana 15:20

Bazlam ana ndeɗiŋa i tsik a kurum a ka, mə̀ məts a kurum gər tsa, na i gwa ka, mala meslire a zè a mala ga ŋgar tsiye ya. Na tàa sèwèriŋ are ka, ti ti sèwèr a kurum a are mbaŋa. Na tàa dza gurmits a bəɗ a guma gà ka, ti ti dze a a bəɗ a biy kurum mbaŋa.

Gà Ɓəzla Meslire 18:3

I dəba ŋa ya, tə ndza akaba i fata tserdze, ta kiriweyewa ga petek aà tsakala, ta hinne a iɗəm, aɗaba ŋgat tekeɗe, mala megemir ŋa, kamala gà wele ata nda məkəs ŋgar a mbaŋa.

Gà Ɓəzla Meslire 20:34

Ama kurum kà sərum, i ge megemir ka, nda ahər gà ŋa, aà meŋgete dukw ana i ndze a dər, dite nda gà màndàla gà asa ya.

Gà Ɓəzla Meslire 7:60

I dəba ŋa ya, a dza gurmits a biye, a wideye dər nda magala hinne. A gwa asa: «Batsah ga ŋa, ka ta miyak à bakal ŋa aka gər tar tsa.» A tsik aba bazlam ata ya tsara ka, a mət.

RUMA 12:14

Hamum a Mbulum, na dite a pise a ahəm a gà na ta ge a kurum a matawak a. Ka vəlum a tar mezelme tsa.

RUMA 12:20

Ama kurum kinehe, gwim ka, kamala ana a riŋ mewetse ŋa i wakita mbaŋa ka, ta gwa: «Na may a riŋ a wir a aà mala mene are yak ka, vəlar dukw mezime, ma zəm. Kige tsa bəla yam aka kəɗ ka, vəlar yam, ma sa. Na kàa ge dər kataya ka, kàa ndaɗa aaka hwarwa.»*fb*

RUMA 8:35

Na kataya ana, duwa a riŋ na a sle a aà masàsà ikaba kwa nda gà Yesuw Kiristi ana a waya kwa ya ya? Wànà mesewere are ana ki sèwèrekwe a ya, nda gà bəla dukw mawùràba ŋa, nda gà mene are ana ti ne a kwe a ya, kige tsa, may nda matawak a, tsəna, dukw medzeye ana ki dzeyekwe a dər a ya, kige tsa məməta ana a le aà kwe a ya ya? Awaŋ, gà dukw ata tserdze ya ka, ti sle a aà masàsà ikaba kwa nda gà Yesuw Kiristi ana a waya kwa ya tsa.

1 Kurintiya 9:6

Kurum kà dzalum ana, say mər nda Barnabas ɗekɗek, na mì gewa megemir, dite mì gala dər ba mər nda ahər mər ŋa ya ya?

2 Kurintiya 11:8

I təv ana iye riŋ i ge a megemir Mbulum ika magər kurum a, na a dzèɗiŋ siŋgwe ka, gà asiŋ gà mburma Mbulum ŋgiɗ pam, tsəka, kurum tsa. I ge à tar matawak ivaɗ, na dite i zlak dər kurum a.

EFESIYA 4:28

Wur ana a gewe a akəl a ka, mi miyak dər, ma ta ge asa tsa. Ma gewa megemir nda ndzəɗa ŋgar, dite ma ŋgat dukw maya ba ŋgar lele, mə vəlawa a gà ɓəzla matawak mbaŋa.

1 TESALUNIKE 2:9

Gà damər mər, megemir ana mì ge i təv kurum a ka, nda ndzəɗa na mì mər aba ya. Ama ka, mə̀ məts a kurum gər tsa, ndzum dər i gər hiywe: Aɗaba akahər ata mì ɗif a kurum à ŋgwal bazlam ana a dara i təv Mbulum a ya ka, maa ge megemir hinne, ku mege ndaàvəɗ, ku mege ndaàpat tekeɗe ya. Mì ge dər kataya ka, a sàs a mər na mì nikiɗ à kurum à dukw mezime ya tsiye.

2 TESALUNIKE 3:8

Kwets maa zəm dukw mezime aà gà mìsle ŋgiɗ a taf masakəŋa ɓav tsa. Ku mege ndaàvəɗ, ku mege ndaàpat tekeɗe, maa yà ba aà megemir ka, hinne na aà magàlà dər ba mər a. Aɗaba a sàs a mər na mì sèwèr a kurum are agəra dukw ana mìi zim a ya tsa.

1 TIMUTE 4:10

Agəra taŋa na kə̀ gə̀sakwa megemir ŋgar, dite kà vəlakwar ndzəɗa kwa fit, ki mirekwe ahər a aba sah lele ya. Aɗaba kàa tikekwa madzala gà gər kwa fit a təv Mbulum ana a riŋ nda mesife ya. Ŋgat ka, mala məmbə̀là à mburma tserdze. Ndeyndey ŋa ka, gà na tàa gəs Yesuw Kiristi nda gəzləŋ tar ilik a.

1 PIYER 2:23

Ku mege ti tsik aà ŋgat dukw ana ŋgwal ŋa tsiye tekeɗe ka, aka mà a tar aɗəm à bakal ŋa tsa. Ti sèwèrer are hinne tekeɗe, aka dza aà tar magəɗa nda bazlam ɓav tsa asa. Ama a vəl ba ŋgar a ahər ka, a Mbulum ana ŋgat mala masàsà ikaba seriye bakal nda ndzer ŋa ya.

1 PIYER 3:14

Ku mege tì sèwèr a kurum a are, aɗaba ndzer ana ki gwim a ika miɗ Mbulum a ka, ŋgayum ba hinne ika magər kurum ivaɗ asa. Aɗaba taŋa, ka ta gwim magəɗa a gà mburma ata tì sèwèr a kurum a are ya tsa. Metsehe kurum tekeɗe, mə̀ mbəɗ tsa asa.

1 PIYER 3:9

Na wura aka ge a kurum dukw ana ŋgwala tsiye ka, ka ta mumar aɗəm à bakal ŋa tsa. Kige tsa bəla wura aka tsik aà kurum dukw ana ŋgwala tsiye ka, ka tə ndavayumar aɗəm ɓav tsa asa mbaŋa. Ŋgulum ki gweɗwimer a ka: Mbulum mi pisak ahəm ivaɗ. Aɗaba akahər ana Mbulum a zal a kurum a ka, aka mbər metsike i sida ya, a gwa: «I ta pise a kurum a ahəm.»

1 PIYER 4:19

Aɗaba taŋa, na wura à sèwèr a are aɗaba vatwa ana Mbulum a waya ya ka, ma ta miyak aba aà mege dukw ana ŋgwal ŋa ya tsa. Ama ka, mə vəl gəzləŋ ŋgar a ahər a Mbulum ana a ge kwa ya. Aɗaba ŋgat ka, mala slagama ŋgar, a miyek a à ŋgat tsidze.

Yuda 1:9

Ku mege Misel ana ŋgat batsah ŋa ika magər gà gawla Mbulum tserdze ya tekeɗe, aka tsik dukw ana ŋgwal ŋa tsiye aà Əbay sitene ɓav tsa. Aɗaba akahər ata piŋŋe, i təv ana tar nda Əbay sitene ta ge maàga aka məməta Musa ya, aà misire dər ka, weke na a zle a məməta ŋa ya ya. Misel aka gwa ka, làŋa iye batsah ŋa ya, aka ndava a Əbay sitene ata tsa. A sasar na Mbulum ma kwara akaba ŋgat, mà tàtə̀kar a.*fa*