1 Kurintiya 4:11 - Bible Zulgo

¹¹ Haa kinehe mbakum, mər ka, may a ge a mər a hinne. Dite yam tekeɗe, à kiɗ a mər mbaŋa. Mì dzayawa akaba ka, gà makwàtsak gà petek duwa kìtsèw kìtsèw masakəŋa pəra. Ta gazlawa mər ka, hinne. Mì sùwayawa ku mege a ŋga, təv mendze mər a riŋ araha tsa.

1 Kurintiya 4:11 ပူးပေါင်းရင်းမြစ်များ

Mata 8:20

Yesuw a tsaraka kataya ka, a gwaɗar: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Gà Ɓəzla Meslire 14:19

I dəba ŋa ya, gà Yahuda duwa tə daha i kwite Antakiya ana ika ahəɗ Pisidiya ya. Gà asiŋ ŋa tə daha i kwite Ikuniya ya mbaŋa. Tə daha à mewìsè ahəm aka magər tar. Tə dza akaba tar. Ta kalawa Pul nda kur, ta kiɗ a ŋgat. I dəba ŋa ya, ta sapara ŋgat i kwite ata ya. I gər tar ka, ta gwa, aka mət.

Gà Ɓəzla Meslire 16:23

Ta gazla aba tar a ka, tə da à tar a daŋgay. Tə daha, ta gwaɗa a mala makàslà ga daŋgay ata: «Say kasla tar lele.»

Gà Ɓəzla Meslire 23:2

*Batsah mala mandəva kuɗa a Mbulum Ananiyas, a tsaraka bazlam Pul ata kataya tsara ka, a gwaɗa a gà mburma ata mehìtsè ŋa i fataya: «Lakayumar aka bazlam.»

RUMA 8:35

Na kataya ana, duwa a riŋ na a sle a aà masàsà ikaba kwa nda gà Yesuw Kiristi ana a waya kwa ya ya? Wànà mesewere are ana ki sèwèrekwe a ya, nda gà bəla dukw mawùràba ŋa, nda gà mene are ana ti ne a kwe a ya, kige tsa, may nda matawak a, tsəna, dukw medzeye ana ki dzeyekwe a dər a ya, kige tsa məməta ana a le aà kwe a ya ya? Awaŋ, gà dukw ata tserdze ya ka, ti sle a aà masàsà ikaba kwa nda gà Yesuw Kiristi ana a waya kwa ya tsa.

1 Kurintiya 9:4

Duwa a riŋ a peliŋ a ahəm a, na i ŋget a dukw mezime nda dukw mese, aɗaba megemir gà ana i gewa ya?

2 Kurintiya 11:20

I təv ana ti newa à kurum gà ɓele ya ka, kə̀ gə̀sawum gəzləŋ pəra. Na bəla ti ndzeke a aà kurum duwa ya nda wirwir a, nda gà bəla ta bene a kurum, dite ta fir aà kurum a kamala za ya, kige tsa asa, bəla ta ge a kurum a matawak ŋguɗuts ŋguɗuts ka, ki giswim a ter a gəzləŋ dze ana, meme na taŋa ya?

2 Kurintiya 4:8

Gà mesewere are ŋgiɗ pampam ta ŋgiɗits a mər hinne, ama ka, tàa ndəv à gà mesife mər kweleŋ tsa. Mì sər dukw ana mìi ge a ya asa tsa, a wise a mər a gər hinne, ama mìi gis a gəzləŋ hiywe.

FILIPIYA 4:12

ku mege hinne, ku mege zaakwa pəra tekeɗe ya. Dite ku mege dukw mezime a riŋ aà iye mbes mbès mbes nda gà bəla a riŋ tsa, dite ku mege kuɗa duwa a giŋ a tsa, i dəba ŋa ya, duwa a sle aà iye a hinne asa mbaŋa tekeɗe ka, Yàa mbər mesire iba à gà mesewere are ya, nda mendze ana barbararra ya.

2 TIMUTE 3:11

nda gà matawak ana ta gewiŋ a, nda mesewere are gà ana i sèwèrewa ya ibam, makàhà ŋa aà kər a tsa mbaŋa asa. Kàa sər mesewere are ana a le aà iye ika ahəɗ gà Antakiya nda Ikuniya, nda gà i Listira ya tserdze. Ti sèwèriŋ are hinne ka, i fata. Ama ku mege tàa ge à iye kataya tekeɗe ka, BATSAH kwa ŋa a bewera aà iye i gà dukw ata ya tserdze.