1 Kurintiya 4:10 - Bible Zulgo

¹⁰ Kamala taŋa ya, mər ka, kamala gà ɓəzla falày ana taf masakəŋa ya, na aɗaba Yesuw Kiristi ya. Ama waytsà kurum ka, gà ɓəzla masəra duwa lele, na i təv magàwà ba kurum ana kə̀ gawum ba nda gà ŋgat a. Mər ka, ndzəɗa mər a riŋ tsa, ama kurum ka, ɓəŋɓəŋ gà ndzəɗa ŋa hinne. Mər ka, ta fir aà mər a bəsənnà kamala za ya. Ama kurum ka, tì zlibe a à kurum a ivaɗ.

1 Kurintiya 4:10 ပူးပေါင်းရင်းမြစ်များ

Mata 24:9

I dəba ŋa ya ka, ta gis a kurum, tì dze a kurum a ahər a mburma, tì sèwèr a kurum a are, dite ta bets a kurum. Ku weke tserdze a ne a kurum a are, aɗaba iye.

Mata 5:11

A gwaɗa a tar asa: «Maŋgayaba i təv kurum, na bəla gà mburma tàa ndavaya a kurum, ti ne a kurum a are, ti tsik aà kurum a dukw ana ŋgwal ŋa tsiye, hə̀rə̀ts hə̀rə̀ts nda pàrsa, aɗaba ana kurum gà mburma gà ya ka, mà tsəɓ a kurum tsidze.

Luka 10:16

Aləka i dəba ŋa ya, Yesuw a gwaɗa a gà ɓəzla mazazama ŋgat ata asa: «Wur ana aka dza zləm a bazlam kurum a ka, a dza zləm taŋa ka, a biy gà. Dite wur ana aka niw bazlam kurum a ka, a niw taŋa ka, biy gà mbaŋa. Ama ka, biy gà ɗekɗek tsa. A niw ka, biy wele ana a slərra iye ya mbaŋa asa.»

Luka 18:9

Aləka i dəba ŋa ya, Yesuw a tsik bazlam minew ŋgiɗ pam asa, a gà mburma ana tə dzala i tar ka, tar gà ɓəzla gà ŋgwal ŋa ika miɗ Mbulum, dite ka, ta fir a aà gà mìsle ŋgiɗ ka, kamala za ya. A gwaɗa a tar:

Luka 6:22

A kurum ana gà mburma ta gewa a kurum matawak a, tə lə̀mawa a kurum aba ya, tə ndavayawa a kurum, dite ta waya kurum asa tsa, aɗaba ana kə̀ gəsum iye, wur ana a dara i təv Mbulum a ya ka, ŋgayum ba.

Gà Ɓəzla Meslire 17:18

Gà wele duwa a riŋ i kwite ata mbaŋa. Zləm tar gà *Epikuriya nda *Situkiya. Tar ka, gà ɓəzla meɗe à fəla ana ti ɗe a dər a mburma ya. A pat duwa, gà asiŋ ŋa ana i liwiŋ tar a, tə dza ba aà mege bazlam nda gà Pul asa. Gà mìsle ŋgiɗ ta gwaɗawa: «Dukùla na naha a ɗeme a dze ka, kà sərakwa tsiye?» Gà asiŋ ŋa ibam, ta gwaɗawa: «A ɗif a ka, à gà zləm mbulum ana kà sərakwa ilik tsiye.» Ti tsik ahər gà bazlam ata ka, aɗaba ana Pul a riŋ a tsik a ka, aà Yesuw nda mimbile ŋgar ana a mbəlara i məməta ya.

Gà Ɓəzla Meslire 17:32

Aləka gà mburma ata tə tsaraka bazlam Pul ata a ɗif à wele ana a mbəlara i məməta ya ka, gà mìsle ŋgiɗ tə dza ba aà sawla, ti sewle ahəriŋa. Gà asiŋ ŋa ta gwaɗar: «Ki ti tsik a mər a guma bazlam ata a pat ŋgiɗ asa.»

Gà Ɓəzla Meslire 26:24

I təv ana Pul à fèfil a ikaba ika miɗ tar kamala taŋa ya ka, Festus a wideye aka Pul, a gwaɗar: «Kər ka, kàa be a dala, Pul. Aɗaba medzeŋge yak ana kà dzeŋge hinne ya ka, ka vəlak mibe a dala.»

Gà Ɓəzla Meslire 9:16

I ti ɗifer a à dukw ana a ti sèwèr a dər are agəra iye ya.»

1 Kurintiya 1:21

Kaɗəŋ ndzer, gà mburma gər ahəɗ ka, Mbulum aka ɗif a tar à metsehe ŋgar ibam. Ama ka, tə sər ŋgat ŋa tsa. Aɗaba taŋa, Mbulum a waya məmbə̀là à mburma nda bazlam ana mər ihər mìi ɗif a dər a mburma ya. Gà mburma gər ahəɗ ka, tar ta gwa: Bazlam ata aka gər məməta Kiristi ana a mət aà dizl magə̀làwà ŋa ya ka, dukw falày taf masakəŋa. Ama Mbulum ŋgat ka, a sasar məmbə̀là à gà mburma ana ta gəs nda gəzləŋ tar a.

1 Kurintiya 1:23

Ama mər, mìi ɗif a ka, à bazlam ana aka gər Kiristi ata tə ndwandway aà dizl magə̀làwà ŋa ya. Mìi gweɗe a: Ŋgat na mala məmbə̀là à mburma ya. Bazlam ata ka, à tìrfìɗ a gəzləŋ a gà Yahuda tərfə̀ɗ tərfə̀ɗ, a tsahən aà tar tsidze. Dite gà asiŋ gà mburma ana tar gà Yahuda tsiye ka, tar ta fir ahər a kamala ana dukw falày taf masakəŋa ya.

1 Kurintiya 1:25

Na bəla gà mburma ta gweɗe a: Mbulum ka, metsehe ŋgar a riŋ tsa, ama tsaatsa tə sər dukw ana ta gwa ahər, dukw falày taf masakəŋa ya ka, dukw ata à zè a dər metsehe tar fit kweleŋ. Na bəla ti dzele a ka, ta gweɗe a: Mbulum ka, ndzəɗa ŋgar a riŋ tsa, dite megemir ŋgar ana ta gweɗe ahər a, ndzəɗa ŋa tsiye ka, tsaatsa, à zè a ndzəɗa tar fit asa mbaŋa.

1 Kurintiya 10:12

Aɗaba taŋa, wele ana a gweɗe a, waytsà iye mehìtsè ŋa ika vatwa Mbulum dzèŋŋe ya ka, say ma ge metsehe, tsəka, a ti dìɗ a ika vatwa Mbulum a.

1 Kurintiya 2:14

Wele ana aka ŋgat Mezìtè Mesife Mbulum ata a gəzləŋ ŋgar tsa, a zezem a madzala gà gər ŋgar pəra ya ka, à gis a dukw ana Mezite Mesife Mbulum ata a vile a a mburma ya ɓav tsa asa mbaŋa. A sir a tsa, à fir ahər a ka, kamala dukw falày taf masakəŋa ya. Aɗaba na Mezite Mesife Mbulum a riŋ à zlèk a ŋgat tsəka, a sle aà metsereke a tsidze.

1 Kurintiya 2:3

Aka təv ana iye riŋ ika magər kurum a ka, ndzəɗa aà iye lele tsa. I gewa magəɗa hinne, i dzedzeriŋa.

1 Kurintiya 3:18

Wura ilik ma ta bana ba ŋgar tsa. Na wura a gweɗe a: Waytsà iye ka, mala metsehe kamala biy gà mburma gər ahəɗ aaha ta ŋgat a ka, ma ne kamala wur ana a sər duwa tsiye, ika magər kurum a ivaɗ, na dite ka, a ŋget a metsehe ndzer ŋana ya.

1 Kurintiya 3:2

Aɗaba taŋa i dzeŋgewa a kurum ka, dukw ana kuɗa ihər tsiye pəra, tsəka, Yàa dzeŋge a kurum dukw ana mawùràba ŋa ya tsidze. Kà nwim ka, kamala gà ɓəza ndirkiz ana ta vile a ter a ka, awah ɗekɗek, ɗaf ka, ti sle a aà mazəma ŋa zukw tsiye. Ama haa kinehe tekeɗe ka, kà slwim aà mazəma ŋa zukw tsa.

1 Kurintiya 4:8

Ama kurum ki dzelwim a, ki gweɗwim a ka: Waytsà maa mbər meŋgete dukw ana Mbulum a vile a ya tserdze. Ki gweɗwim a asa: Mər ka, gà Əbay ŋa na ika vatwa Mbulum a. Na kataya ka, kurum tserdze ka, gà Əbay ŋa, ku mege mər gà Əbay ŋa tə tsa tekeɗe ya. Na mege kurum gà Əbay i təv Mbulum ndzer ka, ana ka, ŋgulum. Na mege kataya ka, ana ka, mər tekeɗe, ki gekwe akaba a Əbay ata nda gà kurum tserdze mbaŋa.

2 Kurintiya 10:10

Aɗaba gà asiŋ gà mìsle ŋgiɗ ika magər kurum ta gweɗe a, Pul a wetse a mər wakita ŋgar ata, dukw ana a wetse aɗəm a ka, mawura ba ŋa hinne, nda ndzəɗa na a tsik aɗəm a. Ama akahər ana ŋgat mandza ŋa ɗa ika magər kwa ya ka, mbile ŋa, dite bazlam ŋgar ana a tsikewa ya tekeɗe ibam, biy taf masakəŋa ana, meme?

2 Kurintiya 11:19

Kurum kù gwaɗum ana, kurum gà ɓəzla metsehe tsəna? Aɗaba taŋa, na bəla gà ɓəzla falày masakəŋa tàa dara a təv kurum a ka, ki giswim a tar nda gà maŋgayaba hinne. Ki vilwim a ter a vatwa, na dite ta fèfil a kurum a ya.

2 Kurintiya 11:29

Na wura a riŋ mbile ŋa, ndzəɗa ihər tsa, na ika vatwa Mbulum a ka, taŋa iye tekeɗe, a wir aà iye a kamala wele ata ya mbaŋa. Na bəla wur ana ika vatwa Mbulum a, aka dəɗ a bakal ka, a wir aà iye a i gəzləŋ turturtur hinne.

2 Kurintiya 13:9

Na bəla kurum ka, gà ndzəɗa ŋa ika vatwa Mbulum, ama mər ka, gà mbile ŋa na i təv are kurum a tekeɗe ka, mìi ŋgeye a ba ivaɗ. Aɗaba taŋa, mìi heme a a Mbulum, dite mà zlak kurum, aà ka simwim ika vatwa ŋgar a.

2 Kurintiya 4:12

Kamala megweɗe ya, mər ka, i ɗa məməta hiywe. Ama kurum ka, mesife awiya ŋana a riŋ a ge a megemir i təv kurum.

2 Kurintiya 6:8

I huɗ mendze mər a ka, gà asiŋ gà mìsle ŋgiɗ tì zèmbeɗe à məriŋa. Gà biy ŋgiɗ ka, ti ndeveye a mər a pìslìɗìɗe. Gà asiŋ ŋa tì zlibe à məriŋa. Ama gà biy ŋgiɗ ti tsik a dukw ana ŋgwala tsiye aka gər mər. Ta fir aà mər a ka, kamala ana mər ka, gà ɓəzla pàrsa ya. Ama tsaatsa, mər mìi tsik a ka, dukw ana ndzer ŋa ya ivaɗ.

1 TESALUNIKE 4:8

Aɗaba taŋa, na wura tətstəts aka raraɗaba ahər a zləm, a waya mandza zləm a bazlam ata tsəka, a niw taŋa ka, bazlam mburma tsa. Ama a niw ka, biy Mbulum, wele ana a vəl a kurum Mezite Mesife ŋgar ana tsəɗaŋŋa ya ivaɗ.

1 PIYER 4:14

Na bəla gà na ti tsik aà kurum a dukw ana ŋgwala tsiye, aɗaba ana kurum ihər ki zezemwim a Yesuw Kiristi ya ka, maŋgayaba ika gər kurum ivaɗ na taŋa ya. Aɗaba na kàa sèwèrwim are kamala taŋa ya ka, ndzəɗa Mezite Mesife Mbulum ana tì zlibe a dər a, a ndze a ika gər kurum.