1 Kurintiya 3:9 - Bible Zulgo

⁹ Kamala taŋa ya, mər nda Apalus ka, mì gewa akaba mege megemir Mbulum i təv ilik ŋa məma, mər gà ɓəzla mege megemir ŋgar. Ama kurum kà nwim ka, kamala gùvàh Mbulum a. Dite kurum kà nwim asa ka, kamala ga ana Mbulum à zlèzle a ya asa mbaŋa.

1 Kurintiya 3:9 ပူးပေါင်းရင်းမြစ်များ

Mata 15:13

I dəba ŋa ya, Yesuw a tsaraka bazlam ata ta màr dər a ka, a live aba à gà Farisa ata ya nda hwife ya, a gwaɗa a tar aaka: «Na bəla hwife ana Mbulum Tsir gà ana i gər ŋa ya a slige tsiye ka, ndzùkwaɗ ndzùkwaɗ ti ti ndzehe a iɗəm a bəɗ a mba.»

Mata 16:18

Iye ihər i gweɗekiŋa: Kər ka, Piyer, kamala megweɗe ya ka, kuvəl. Ama i ti yehe a gər a gà mburma gà aka kuvəl ata kamala kur ana tì zlèzl a dər ga ya. Taŋa, gà ɓəzla mene are tar ka, ti sle a aà medzeye à tar tsa, ku mege ndzəɗa məməta tekeɗe, a sle a aà mimbè aà tar tsa mbaŋa.

Mata 9:37

Aɗaba taŋa, a live aba à gà mburma ata nda dukw mezime ana ta pele a i bəɗ a. A gwaɗa a gà ɓəzla mazazama ŋgat: «Gà dukw mezime a riŋ i bəɗ ka, hinne na biy mipele ya. Ama gà ɓəzla məpala ŋa aà mada dər a ma ka, ti sle tsa.

Markus 16:20

Gà ɓəzla mazazama ŋgat ibam, tə da a metsìkè bazlam ŋgwal ŋa aaha ndeɗiŋa ya, ku mege a ŋga. Əbay Yesuw a gewa megemir nda gà tar kuɗa. A zlàkawa tar i dukw mene aà mburma ata ta ge a ya. Aɗaba gà na tə tsaraka ya tekeɗe, ta gəs bazlam tar ata ndzer kaɗəŋ.}

Gà Ɓəzla Meslire 4:11

Ŋgat ka, wur ana Mbulum a live dər aba ya, a tsik ahər i wakita ŋgar a, a gwa: *fa*

1 Kurintiya 3:16

Kurum kà sərum te tsiye, kurum gà mburma Mbulum, kà nwim ka, kamala ga Mbulum batsah ŋana ŋgat mandza ŋa iɗəm, dite ka, Mezite Mesife ŋgar ibam, a riŋ mandza ŋa i gəzləŋ kurum a?

1 Kurintiya 3:6

Mər mì ne ka, kamala gà ɓəzla mifìte ya. Iye na i dza ba aà metsìkè bazlam Mbulum ika magər kurum, kamala wele ana a dzava duwa ya. Dite Apalus ŋgat ka, a daha, a səkah à megemir Mbulum ika magər kurum asa mbaŋa, kamala wele ana a dze a yam aà dukw ata ya, dite ka, ma ge ba ya. Ama Mbulum na mala meɗè dər ŋa, dite na a ge a ba ya.

1 Kurintiya 6:19

Kurum kà sərum te tsiye: ba kurum a ne ka, ga Mezite Mesife Mbulum a? Mbulum a vəl a kurum Mezite Mesife ŋgar ata ka, aà dite ma ndza i gəzləŋ kurum a. Aɗaba taŋa, ba kurum a ne ka, biy kurum asa tsa.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

2 Kurintiya 6:16

Wànà kà dzalum dze ana, dukw ana gà mburma ti ne dər mbulum nda ahər tar ŋa ya ana, a sle a aà mendze i ga Mbulum batsah ŋana ya? Awaŋ, a ge a ba tsidze. Yaw, sərum dər ka, kwa na kà nekwa ga Mbulum batsah ŋa ata ŋgat a riŋ nda mesife ya. Aɗaba Mbulum a gwa ka: «I ti ndze a ika magər gà mburma gà, i ta ŋget a təv mendze gà i fata. Iye i ti ne a Mbulum tar, dite tar tekeɗe, ti ti ne a gà mburma gà mbaŋa.»*fb*

EFESIYA 2:10

Aɗaba ŋgat na a ge kwa ya. A vəl a kwa mesife awiya ŋana nda ahər Yesuw Kiristi, dite ki gekwa dər megemir ŋgwal ŋana. Mbulum a ge aba megemir ata ya daga piŋŋe ka, dite kwa ka zazamakwa ndaka vatwa ŋa lele.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

1 TIMUTE 3:15

Aɗaba ku mege Yàa ndzeha bise tsa tekeɗe ka, wakita aaha a ɗifek a à dukw ana i tsikik a zləmana ya, dite ka, ki sir a dər ka, meme na gà mburma ti sle a aà mede ika magər gà mburma Mbulum ndaka vatwa ŋa lele ya. Na a ne gà mburma ata ka, gà na tar riŋ i huɗ mayahaba gər gà mburma Mbulum ana ŋgat a vile a ter a mesife ya. Gà mburma ŋgar ata na ndəzlzlà ti ne mendweŋe bazlam ŋgar ana ndzer a.

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.

1 PIYER 2:5

Kinehe kurum tekeɗe ka, dumara, nwim gà kur ata mesife iɗəm, Mbulum à dzik a, à zlèzle a dər ga ŋgar ana Mezite Mesife ŋgar a ndze a iɗəm a. Vəlum vatwa a Yesuw Kiristi a gəzləŋ kurum, dite ka, mə vəl a kurum ndzəɗa, ma ne à kurum gà ɓəzla mandəva kuɗa a Mbulum ana gà tsəɗaŋŋa lele, ta viler a duwa masakəŋa, dite a tsahən aà ŋgat a.

3 Yuhana 1:8

Aɗaba taŋa, kwa gà mburma Mbulum ka, say zlàkawukwa medzibe gà mburma ata, na dite ki gìsekwe a ba a ahər i təv megemir ana ti de a dər, ta ge a aɗaba bazlam ndzer ŋa ana biy Mbulum a ya.