1 Kurintiya 3:6 - Bible Zulgo

⁶ Mər mì ne ka, kamala gà ɓəzla mifìte ya. Iye na i dza ba aà metsìkè bazlam Mbulum ika magər kurum, kamala wele ana a dzava duwa ya. Dite Apalus ŋgat ka, a daha, a səkah à megemir Mbulum ika magər kurum asa mbaŋa, kamala wele ana a dze a yam aà dukw ata ya, dite ka, ma ge ba ya. Ama Mbulum na mala meɗè dər ŋa, dite na a ge a ba ya.

1 Kurintiya 3:6 ပူးပေါင်းရင်းမြစ်များ

Gà Ɓəzla Meslire 11:18

Gà mburma ata tə tsaraka bazlam Piyer ata kataya tsara ka, ta miyak à mimbètsè ahəm ata ndeɗiŋa ya, tə zàmbaɗa à Mbulum. Ta gwa: «Mbulum aka vəl vatwa a gà mburma ana tar gà Yahuda tsiye, aà məmbə̀ɗà à madzala gà gər tar, dite ta ŋgat ŋgwal mesife ana ndzer a kaɗəŋ mbaŋa.»

Gà Ɓəzla Meslire 14:27

Ti ndzeha a fata tsara ka, ti yaha gər a gà mburma Mbulum ana i fataya, tə ɗama a tar dukw ana Mbulum a ge nda gà tar a tserdze. Tə sər dər ka, meme na a vəl vatwa a gà mburma ana gà Yahuda tsiye, dite na ti tike madzala gà gər tar a təv Mbulum mbaŋa ya.

Gà Ɓəzla Meslire 16:14

Ama məkəs ŋgiɗ a riŋ ilik i liwiŋ tar, zləm ŋa Lidiya. A dara i kwite Tiyatira ya. Ŋgat ka, mala madzàwà à petek ana ŋgwal ŋa lele ya. Ama məkəs ata ka, a dzawa gurmits a bəɗ a Mbulum mbaŋa. A dza zləm a dukw ana Pul a tsik a ka, lele. A tsahən ahər. Dite BATSAH kwa ŋa tekeɗe, a hə̀ndə̀kar i gəzləŋ a lele, nda təv dukw ana a tsaraka ya.

Gà Ɓəzla Meslire 18:24

Yahuda duwa ilik, zləm ŋa Apalus, a daha a Efesiya. Ta wa ŋgat ka, i kwite Aleksandiriya. Wele ŋa a sər məma à ŋgwaza ka, lele. Mburma ta waya hinne. Ama a sər məma à dukw ana i wakita Mbulum a lele asa mbaŋa.

Gà Ɓəzla Meslire 19:1

Aka ana Apalus i kwite Kurintiya ya ka, Pul a da a kwite Efesiya ndaka vatwa ana a tsəl ndàra a kwite ya. A daha ka, a le riŋ aà gà asiŋ gà ɓəzla mazazama Yesuw i fata.

Gà Ɓəzla Meslire 21:19

Pul a geye a tar wusa, a ɗama a tar parakkà, dukw ana Mbulum a ge nda təv megemir ŋgar ana ika magər gà mburma ana tar gà Yahuda tsiye.

RUMA 15:18

A sèsiŋ mesèse ahər bazlam ŋgiɗ tsa. Say i me a ka, à dukw ana Yesuw Kiristi a ge nda ahər gà ya. A viliŋ ndzəɗa aà metsike bazlam ŋgar a gà na gà Yahuda tsiye, dite ka, tə dara a təv ŋgar a, ta gəs ahəm ŋgar. Na tàa dara ka, agəra dukw ana i ge ya, nda bazlam ana i tsik a,

1 Kurintiya 1:12

Ama kà sərum dukw ana i waya i tsik a kurum a ya. Aɗaba ku weke ika magər kurum a, tar riŋ ti tsik a duwa ŋgiɗ pampam, agəra ana gà mìsle ŋgiɗ ika magər kurum a ka, tar riŋ ihər ta gweɗe a: «Mər ka, gà ɓəzla mazazama Pul.» Gà mìsle ŋgiɗ pam ta gwa: «Mər ka, gà ɓəzla mazazama Apalus.» Dite gà biy ŋgiɗ ibam, ta gweɗe a: «Mər ka, gà ɓəzla mazazama Piyer.» Dite gà biy ŋgiɗ asa ibam, ta gweɗe a i tar ka: «Mər ka, gà ɓəzla mazazama Yesuw Kiristi kuɗa.»

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

1 Kurintiya 3:22

Mər nda Apalus nda gà Piyer ka, mì ne gà biy kurum, ku mege gər ahəɗ, ku mege kwiye i təv məməta nda təv mesife ana a ndze a ya tekeɗe, i ahər kurum mbaŋa. Nda gà ku mege gà dukw ana ta ge a ba kinehe ya, ndəna a ta ge a ba aka miɗ mba ya tekeɗe, taŋa tserdze ti ne gà biy kurum mbaŋa asa.

1 Kurintiya 3:7

Kamala taŋa ya, wele ana a dzeve a duwa ya ka, a sle duwa tsa. Dite wele ana à dze ahər a yam a tekeɗe, a sle duwa ɓav tsa. Say Mbulum ilik na a sle a aà duwa ya. Aɗaba ŋgat na a sìkèh a dər, dite a ge a ba ya.

1 Kurintiya 9:1

Fə̀rum aà mede gà ana i de a ya. Iye ana, i ziwe a gər gà tsiye? Iye mala meslire Mbulum asa tsiye? Dite Yàa ŋgat a Yesuw BATSAH kwa ŋa nda are gà mbaŋa tsiye? Kurum tserdze kà nwim gà mburma Mbulum ka, aɗaba iye, agəra ana i ge megemir a Yesuw BATSAH kwa ŋa ya.

EFESIYA 3:17

Iye ihər i hemer a asa ka, dite Yesuw Kiristi ma ndza i gəzləŋ kurum, aɗaba ana kàa gəsum ŋgat nda gəzləŋ a. Iye ihər i hemer a asa mbaŋa ka, dite ka wayum ba ilik ilik tserdze. Na kàa wayum ba ka, ki ŋgetwim a ndzəɗa ɓəŋɓəŋ lele kamala dizl ɗaf ana a ŋge zlile ya, nda gà kamala ga ana madzàha ŋa lele, a mbezle a tsiye.

1 TESALUNIKE 1:5

Aɗaba akahər ana mì tsik a kurum bazlam ŋgwal ŋa ya ka, mì tsik a kurum nda mezìwè gà gər mər ɗekɗek tsa, ndzəɗa Mbulum iɗəm. Mezite Mesife ŋgar na a zlak ahər mər a, aɗaba mì sər ndzer, bazlam ata ka, pàrsa iɗəm tsa. I təv ana mər mandza ŋa ika magər kurum a ka, kà sərum, meme na mì ndza ika magər kurum a. Mì ge kamala taŋa ya ka, dite mà zlak kurum.