1 Kurintiya 3:12 - Bible Zulgo12 Ama madzàha ga ata ka, gà mìsle ŋgiɗ tì zlèzl aaka a nda gura, gà biy ŋgiɗ nda ndzemde ana à wìwizl a are ya, gà biy ŋgiɗ asa ka, nda kur ana tsakala ŋa hinne, à sìkim a ba tsiye. Ama gà mìsle ŋgiɗ ibam, tì dze aaka a dizl, kige tsa, ti ndir ahər a vəza, dite gà naha asa ka, nda gùvùkw. အခန်းကိုကြည့်ပါ။ |
1 Kurintiya 3:12
33 ပူးပေါင်းရင်းမြစ်များ
Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.
Ama pat ana Mbulum a ta ge a seriye a gà mburma ya ka, ku mege weke, dukw megemir ŋgar à pèt a aba ndərzayya lele. Aɗaba a pat ata ka, Mbulum a ti dzik a à megemir gà mburma ŋgar tserdze nda akwa, dite ku weke a sir a dər kuɗa, wànà megemir ana a gewa ya ana, ŋgwal ŋa ya, tsəna, ŋgwal ŋa tsiye ya.
Ama mər ka, mìi sle a aà mege ŋa, agəra ana Mbulum a slər ahər mər a, tsəka, mìi sle a ɓav tsa. Aɗaba gà mburma hinne, na ti tsikewa bazlam Mbulum a mburma ka, ta fə̀r ahər kamala dukw metsèkèle ya. A sàs a tar aà maŋgata dər nuba. Ama mər ka, mì gewa dər kamala taŋa ya tsa. Mì tsikewa bazlam ŋgar a mburma ka, nda gəzləŋ ilik ika miɗ ŋgar, agəra ana mər ka, gà ɓəzla meslire Kiristi ya.
Maa niw gà dukw ana mburma ta ge a nda wirwir kìtsèh kìtsèh, a ndeɗe aka mər a hwarwa ya tserdze. Mər ka, mìi kèhe a dukw ana mìi ge a ya tsa. Dite mìi bene a mburma, kige tsa mìi mbìɗ a à bazlam Mbulum tsa asa mbaŋa. Ama mìi ɗif a ka, à ndzer ŋana parakkà ivaɗ. Mì waya ka, ku weke mà sər dər, bazlam ana mìi tsik a ya ka, ika miɗ Mbulum ndzer, pàrsa iɗəm tsa.
Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.
Kər kà sər, i ga i bəra Əbay ka, gà maŋgara gà gərwa a riŋ pampam hinne. Gà biy ŋgiɗ ka, ta və̀ɗ nda gura ana à sìkim a ba tsiye, kige tsa nda ndzemde. Dite gà biy ŋgiɗ asa ka, ta pàpə̀z dizl. Biy ŋgiɗ ibam, ta ŋgar nda dwaɗwa. Gà asiŋ ŋana ka, tə tsahən lele, tsireŋŋè tì dze a aba ya, ta ge a dər megemir ka, a pat megirive. Ama gà asiŋ ŋa aaha ka, ta kwiris a dər dukw aruwaŋ pəra.
Aɗaba pat ŋa a ndzere a mba ka, gà mburma tì dze a zləm a wele ana a ɗif a ter a à ndzer ŋa ya asa tsa. Ama a ti ses a ter a ka, mazazama dukw meèweke ba tar ɗekɗek pəra. Kamala taŋa ya, ti ti yehe a gà ɓəzla medzeŋge a mburma meyehe, dite ti dzeŋge a tar ka, dukw ana hùhunnà a ge a ter a tsegèɗik i zləm lele ya.
Ka tə dzum zləm a gà dukw ana ti ɗif a kurum dər pampam, dite a de a à kurum a ika vatwa kurum ana ndzer ŋa ya tsa. Aɗaba ŋgwal ŋa ka, na ki ŋgetekewe a ndzəɗa a gəzləŋ ɓəŋɓəŋ lele i təv ŋgwal Mbulum ana a ge a kwa ya, tsəka, məpala ahəm gà mburma ana ta gweɗe a, zəm naha, kige tsa, ka zəm naaka tsiye ka, taf masakəŋa. Ki gwim gər a taŋa tsa. Medzìbe gà mburma ata ti zezem a gà dukw ata ya ka, a ge a ter a ŋgulum ɓav tsa.
I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.
Ama kəla ka, duwa a riŋ ika magər kurum, na i samata ka, ŋgwala tsiye. Aɗaba gà asiŋ gà mburma ŋgiɗ ika magər kurum, ti zezem a ka, dukw Balaam ana a dzeŋge a mburma akahər ata ya. Ŋgat ka, a ɗif à duwa a Balak, dite ka, meme na a bene a gà mburma Isərayel a bakal a. Dukw ana ta bana ahər tar a ka, ta papəɗ slu ana tə tàwàl dər fəla ya, nda mege mezelme nda təv muva mbaŋa asa.*fd*
Aɗaba taŋa kinehe ka, iye ihər i tsik a kurum a dukw ana ki gwim a ya: Ama ka, dumara, ka sakamum gura ana tàa làmbaɗa nda akwa tsəzlzla lele i təv ga ya, dite ka, ki nwim a gà Əbay nda ndzer ŋa kuɗa ya. Dumara, sakamum gà petek ana herrè ya mbaŋa, kà dzàyum akaba, na dite ka, ki ndzwim a kataya sagurɗumɗum, hwarwa a ge a kurum a asa tsiye. Sakamum yàwuf are, dite ka geywim a gà are kurum asa mbaŋa, na dite ki ŋgetwim a a vatwa lele asa ya.
ကြော်ငြာတွေ