1 Kurintiya 3:10 - Bible Zulgo

¹⁰ Mbulum a giŋ ŋgwal ŋa hinne, na dite a slər iye, i dzar ba aà megemir ŋgar ika magər kurum a. Iye i ne ka, kamala wur ana à zlèzle a ga ka, a sər are mazlazla ŋa ya. I dzàha ka, ɓəŋɓəŋ lele. Ama kinehe ka, gà mìsle ŋgiɗ ti zlèzl aaka a kuɗa. Ku weke na à zlèzl aaka a ka, ma ge metsehe lele, na dite a de a ndaka vatwa ŋa ya.

1 Kurintiya 3:10 ပူးပေါင်းရင်းမြစ်များ

Mata 24:45

I dəba ŋa ya, Yesuw a gwaɗa a tar asa: «Nwim ka, kamala mala megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a ɗifer a à ga ŋgar a ahər, a vile a ɗa dukw mezime a gà mburma ana i ma ŋgar a ka, tits ndaka vatwa ŋa lele.

Mata 7:24

Aɗaba taŋa, Yesuw a gwaɗa a tar: «Ku weke na aka tsaraka bazlam gà ana i tsik a ya, aka ge megemir ŋa lele ka, a ndzikiɗ ba wele ana metsehe ŋgar a riŋ lele, à dzèhe a ga ya. A dzèhe a ga ka, a le a biye, à zlèzlere a iɗəm nda kur a lele, na dite a mbezle a tsiye.

Luka 11:35

Aɗaba taŋa, ge metsehe lele, dite ka, dukw ana i təv yak, a ɗek a à vatwa dzaydzay a, ma ti ne luvuŋ tsa.

Luka 21:8

Yesuw a gwaɗa a tar aaka: «Gwim metsehe lele, wura ma ta baza a kurum za tsa. Aɗaba gà mburma hinne ti dere a a təv kurum a, ti zle akaba a zləm gà, dite ta gweɗe a kurum a, ku weke: Ama ka, ka tə zazamum tar tsa.

Gà Ɓəzla Meslire 18:27

Aləka i dəba ŋa ya, a sàs a Apalus mada aka ahəɗ Akaya. Gà na ti ne gà damər ŋgar i fataya, tə tsaraka kataya ka, ta mà akaba ahəm. Ta wetser wakita a ahər. Ta gwaɗar: «Na kàa daha ka, vəl a gà damər kwa ana i fataya.» Apalus a mah ba, a da. Mewetse ŋa i wakita ata ka, kamala megweɗe ya: «Araha, Apalus a dehe a ka, gəsum aaba ŋgat lele te.» Aləka a ndzeha a fata ka, a zlak gà mburma Mbulum ana i fataya. Mbulum a ge a tar ŋgwal hinne, dite ka, tə səkah à megìse tar, ta gəs Yesuw nda gəzləŋ tar.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

RUMA 12:3

Mbulum aka giŋ ŋgwal ŋa, aka tike iye aà megemir ŋgar. Aɗaba taŋa, iye ihər i gweɗe a kurum a ilik ilik tserdze ka: Kà ɗwim à gər kurum, waytsà mər ŋa mà za biy na a tsahən aà mburma tsa. Ki dzelwim a ivaɗ ka, ku weke à fir aà ba ŋgar ka, meme na i ge a ya, dite i de a ndaka vatwa ana ŋgwal ŋa ya. Ki zezemwim a ka, dukw ana Mbulum a vəl a kurum i təv megìse ana kə̀ gəsum ŋgat a, na dite ki livwime a à gər kurum ka, dàyday a.

RUMA 15:15

Ama wakita aaha i wetse a kurumaha ya ka, gà asiŋ gà bazlam ŋgiɗ iɗəm ka, Yàa ndaha a kurum dərraha aà are parakkà, i waya ka, mə̀ mà a kurumara a gər a. I sle a aà mewetse a kurumaha kamala taŋa ya ka, aɗaba ŋgwal Mbulum ana a giŋ a.

RUMA 15:20

I huɗ megemir gà ata i ge ya ka, a sèsiŋ i tsikewa bazlam ŋgwal ŋana i kwite ana tàa tsaraka maɗə̀và zləm Yesuw Kiristi zukw tsiye ɗekɗek pəra, tsəka, zləməŋa fit dze tsa. Aɗaba a sèsiŋ məmbə̀ɗàba aka madzàha ga mìsle ŋgiɗ tsa, dite ka, ta gwa, araha aka mbəɗ akaba ya tsa.

1 Kurintiya 3:11

Mbulum aka mbər metike aɗəm Yesuw Kiristi, a ne kamala ga ata ya. Wura ilik a sle aà madzàha biy ŋgiɗ pam asa tsidze.

1 Kurintiya 9:2

Ku mege gà mìsle ŋgiɗ ta gəs iye kamala ana iye mala meslire Mbulum tsiye tekeɗe, i təv kurum ka, kà sərum, iye ka, mala meslire ŋgar ndzer. Kə̀ gəsum Yesuw Kiristi nda gəzləŋ ka, aɗaba ana i ɗif a kurum à bazlam ŋgwal ŋa ya. Aɗaba taŋa, na a sər ba ka, iye mala meslire ŋgar ndzer kaɗəŋ a.

2 Kurintiya 10:15

Aɗaba taŋa, mìi ge a aba zlapa taf nda megemir ana gà mìsle ŋgiɗ ta ge ya tsa. Mege megemir gà mburma ata ka, ahəm mər tə tsa. Ama mì tike madzala gà gər mər ka, aka kurum ivaɗ. Mì waya ka, megìse kurum ana kə̀ gəsum Yesuw nda gəzləŋ kurum a, mà səkah ɓəŋɓəŋ lele, dite megemir mər ana mìi ge ika magər kurum a tekeɗe, à sìkèh a mbaŋa. Ku mege kataya tekeɗe, mìi ge a ka, à zè a biy na Mbulum a tsik a mər a ɓav tsa.

EFESIYA 2:20

Kurum ka, kàa nwim gà kur mazlazla ga. Gà ɓəzla meslire Yesuw nda gà ɓəzla məma à guma Mbulum ka, tar ti ne madzàha ga. Dite Yesuw Kiristi ka, ŋgat a ne madəŋ kur ana dəŋdəŋ a.

KULUSIYA 1:29

Aɗaba taŋa na iye ihər i mir a aba aà megemir ŋa hinne, nda ndzəɗa Yesuw Kiristi ana a viliŋ a ba ya, na dite ka, araha, i ge a dər megemir ŋa mbaŋa ya.

KULUSIYA 4:17

Gweɗwimiŋ a Arkipus ka, mə̀ mər aba, mà ndəv à megemir ana Yesuw Kiristi a vəlar a ahər a.

1 TESALUNIKE 3:2

Kurum kà sərum, Timute ka, damər kwa ana mər ihər mìi ge akaba a megemir nda gà ŋgat a. Mər nda gà ŋgat ka, mì tsikewa bazlam ŋgwal ŋa ana aka gər Yesuw Kiristi ya. Mì sləraha ŋgat a təv kurum ka, dite mà zlak kurum, mə̀ mà a kurumaha à arəv, dite ka, ki ŋgetwim a ndzəɗa ika vatwa Mbulum ɓəŋɓəŋ lele.

1 TIMUTE 4:16

Ge metsehe a mede yak ana ki de a ika vatwa Mbulum a. Dite ki ge metsehe agəra dukw ana ki ɗif a dər a mburma ya asa mbaŋa. Ka zazam gà dukw ata kəla pat. Na kàa tiker gər kamala taŋa ya ka, ki ta mbil a à ba yak, dite ki mbil a à gà mburma ana ta gəs bazlam yak a asa mbaŋa.

2 TIMUTE 2:15

Mər aba, ka ndaɗa akaba hwarwa tsa, na dite mege megemir yak ana ki ge a ya ka, à tsehin a aà Mbulum a. Mà à bazlam Mbulum ka, ndaka vatwa ŋa, tsəka, ka zle ahər tsa. Ama kà nikiɗ dər ihər a tsa asa. Na kàa ge dər kamala taŋa ya ka, kàa ne mala megemir Mbulum ndzer.

YAKUBA 3:1

Gà damər gà, gà mburma ana ika magər kurum a fit tsa na ti ti ne a gà ɓəzla meɗìfè à bazlam Mbulum i ga Mbulum a mburma ya. Aɗaba kà sərum, seriye ana ti ta ge a à kwa, a kwa ana ki ɗifekwe a à guma Mbulum a ka, mawura ba ŋa, à zè a biy gà asiŋ gà mìsle ŋgiɗ.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

2 Piyer 3:15

Sərum dər ka, Yesuw Kiristi BATSAH kwa ŋa à mère a bise tsəka, aɗaba aka vəl a kwa vatwa ana a sasar ki mbìɗekwe a à gəzləŋ kwa, dite a mbele a à kwa ya. Pul, damər kwa ana kà waya kwa ŋgat hinne ya tekeɗe ka, aka dzeŋge a kurum dukw ata i huɗ wakita ŋgar a mbaŋa kaɗəŋ. A tsik ka, nda metsehe ana Mbulum a vəlar a.

Sunwa Yuhana 21:14

Zlagam ata ka, madzàha ŋa nda gà kur kurwa gəra sula. Ta wetse ahər zləm gà ɓəzla meslire Mbulum ana kurwa gəra sula ya mbaŋa. Tar ka, gà ɓəzla mazazama Kəla Təmaŋ ata. Taŋa gà kur ata tserdze ya ka, zləm gà mburma ata ikəka ilik ilik tserdze.

Sunwa Yuhana 21:19

Tə làmbaɗa zlagam ata ka, nda gà medzibe gà kur ana pampam, a tsahən hinne ya. Gà malahalah gà kur ana tə dza dərraha zlagam ata ya ka, biy ŋgiɗ tə zalar yaspa. Masula ŋana ka, tə zalar *safira. Məmakər ŋana asa ka, tə zalar *kaldedun. Dite məfaɗ ŋana ka, tə zalar *imiradi.