1 Kurintiya 2:8 - Bible Zulgo

⁸ Wura ilik ika magər gà mburma ana ta kwere a gər ahəɗ a ka, aka sər aà metsehe ata tsidze. Na mege tàa sər zləmana ka, ana ka, ti ndwendwey a BATSAH kwa ŋa, wele ana mezlibe ŋgar a za duwa tserdze ya, aà dizl magə̀làwà ŋa tsa.

1 Kurintiya 2:8 ပူးပေါင်းရင်းမြစ်များ

Mata 11:25

I dəba ŋa ya ka, Yesuw a hama a Mbulum, a gwaɗar: «A kər Tsir gà, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa à gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye.

Mata 13:22

Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Luka 23:34

Yesuw a gwa: «Tsir gà, pəl a tar à bakal tar, aɗaba tə sər dukw ana ta ge a ya tsa.» Gà mburma ana tə ndwandway ŋgat a, tə dzaya ikaba petek ŋa ya ika magər tar, dite ta ge tsetse, ta gwa: «Ŋgada weke na a ŋget a ya?»

Yuhana 16:3

Ti ta ge a kataya ka, aɗaba ana tə sər Tsir gà tsiye, dite ka, tə sər iye tsa mbaŋa ya.

Yuhana 7:48

Kà sərum, wura ŋgiɗ a riŋ ika magər gà Əbay kwa, nda gà asiŋ gà mburma mər gà Farisa ya ana, tàa gəs ŋgat nda gəzləŋ a? wura a riŋ tsa.

Yuhana 8:19

Ta gwaɗar: «Tsir yak ŋa ana, i ŋga?» Yesuw a gwaɗa a tar aaka: «Kà sərum iye tsa, dite kà sərum Tsir gà ɓav tsa asa. Na mege kà sərum iye ka, ana ka, ki sirwim a Tsir gà mbaŋa.»

Gà Ɓəzla Meslire 13:27

Aɗaba kəla pat gà mburma ana i Yeruzalem a, nda gà Əbay tar tserdze tàa sər, Yesuw ka, mala məmbə̀là à mburma tsa, dite tàa tsaraka bazlam gà ɓəzla məma à guma Mbulum ana ti dzeŋgewa a tar a pat mesìfìkà ba ya tsa asa. Ku mege tàa tsaraka tsa tekeɗe ka, ta ge kamala ana ti tsik ahər akahər ata piŋŋe ya, pàrsa iɗəm ɓav tsa. Kamala taŋa ya, ta waya makə̀ɗà ŋgat.

Gà Ɓəzla Meslire 7:2

Etiyen a gwaɗa a tar aakaha: «Gà damər gà, nda gà tsir gà, dzum zləm a bazlam gà kwaŋ. Mbulum ana a za dukw tserdze ya, aka pàt à ba ŋgar a Abəraham, batsah tsir kwa, i təv ana ŋgat ika ahəɗ Mezapitamiya. Akahər ana aka da a Haran zukw tsiye,

1 Kurintiya 1:20

Dite na kataya ana, taŋa gà mburma ana tàa ŋgat metsehe gər ahəɗ aaha kinehe ya ana, wànà tə sər duwa ya? Awaŋ, tə sər tsa. Kamala taŋa ya, gà mburma ana ti dzeŋge məpala ahəm gà Yahuda hinne ya tekeɗe, tə sər duwa tsa mbaŋa. Dite gà mburma ana ta mbetsewaba ahəm ika magər tar a tekeɗe, tə sər duwa ɓav tsa asa mbaŋa. Aɗaba Mbulum a ɗif dər parakkà, na à metsehe biy gər ahəɗ aaha ka, a ne dukw falày taf masakəŋa ya.

1 Kurintiya 2:6

Gà na tàa sime ika vatwa Mbulum a ka, i ɗif a ter a à dukw ana metsehe iɗəm a mbaŋa kaɗəŋ. Ama taŋa ka, metsehe gà mburma gər ahəɗ nda biy gà Əbay ana ta kwere a tar a iɗəm tsa kəla. Aɗaba ndzəɗa ata ka, à ndìv a aà tar a.

2 Kurintiya 3:14

Ama gà mburma Isərayel ana akahər ata ya ka, ndakazləmzləm tàa tsaraka bazlam ata tsidze, haa kinehe hiywe mba. Aɗaba i təv ana ti dzeŋge a bazlam wakita biy masəra ba miviye ŋa ata ya ka, ti ne kamala gà ɓəzla mandakazləm a, tə sər tsa. Are tar makàhà ŋa zimirmir nda petek kamala biy Musa ana akahər ata ya. Say wur ana aka gəs Yesuw Kiristi ya, na petek ata wurat, a de a ika are ŋgar a ya.

EFESIYA 1:17

I heme a ka, a Mbulum Tsir kwa Batsah ŋa ana tì zlibe a à ŋgat hinne, Yesuw Kiristi BATSAH kwa ŋa a ger a megemir a. I hemer a ka, dite ma ɗif a kurum à metsehe ŋgar. I dəba ŋa ya, mə̀ pàt a kurum aba, dite kà səkahum à masəra ŋgat lele.

EFESIYA 4:18

Madzala gà gər tar ka, i luvuŋ. Tə sər dukw ana ndzer ŋa ya tsa. Mesife awiya ŋa ana Mbulum a vəl a ka, a riŋ i təv tar tsidze, aɗaba ana kuvəl i zləm tar a, ndàasun ŋana ka, na tə sər duwa tsidze ya.

1 TIMUTE 1:13

Aɗaba piŋŋe ka, Yàa tsik ahər dukw ana ŋgwala tsiye hinne, Yàa ndavayar hinne asa, Yàa sèwèr are a gà mburma ana ti zezem a ŋgat asa mbaŋa. Ama ku mege Yàa ge gà dukw ata kataya tekeɗe ka, Yàa ndze are tsehe a Yesuw Kiristi hinne. Aka giŋ dukw ana ŋgwal ŋa ya. Aɗaba akahər ata ka, Yàa gəs ŋgat nda gəzləŋ ilik zukw tsa. Dite i sər dukw ana i ge a ya tsa asa.

YAKUBA 2:1

A kurum gà damər gà, na kàa gəsum Yesuw Kiristi BATSAH kwa ŋana a za gà dukw tserdze, tì zlibe a dər a ka, ka ta walum ikaba mburma ya tsa.