1 Kurintiya 2:14 - Bible Zulgo

¹⁴ Wele ana aka ŋgat Mezìtè Mesife Mbulum ata a gəzləŋ ŋgar tsa, a zezem a madzala gà gər ŋgar pəra ya ka, à gis a dukw ana Mezite Mesife Mbulum ata a vile a a mburma ya ɓav tsa asa mbaŋa. A sir a tsa, à fir ahər a ka, kamala dukw falày taf masakəŋa ya. Aɗaba na Mezite Mesife Mbulum a riŋ à zlèk a ŋgat tsəka, a sle aà metsereke a tsidze.

1 Kurintiya 2:14 ပူးပေါင်းရင်းမြစ်များ

Mata 16:23

I dəba ŋa ya, Yesuw ə̀ba a fə̀r ahər, a gwaɗar: «Kər Piyer, madzala gà gər yak ata ka, mà da i təv ga ya, aɗaba kər kà ne ika miɗ gà ka, kamala Əbay sitene ya. Kər ka, a sàsak medzeye à iye ika vatwa ya. Aɗaba madzala gà gər yak ata kà dzala ya ka, biy mburma, tsəka, biy Mbulum tsa.»

Yuhana 10:20

Gà asiŋ gà mìsle ŋgiɗ hinne ta gwa: «Sitene na i ba ŋgar a. Aàmala na ki dzèkwe a zləm a mifefile mala mibe a dala ya?»

Yuhana 12:37

Ku mege aka ge gà dukw mene aà mburma i təv are tar hinne tekeɗe ka, ta gəs ŋgat nda gəzləŋ tar tsidze.

Yuhana 14:26

Wele ana a ti zlèk a kurum a, kamala megweɗe ya, Mezite Mesife ana Tsir gà a ti slir a kurumere a avukw iye ya, a ti ɗif a kurum a à dukw tserdze, dite gà dukw ata i tsik a kurum a tserdze, ta mèye a kurumere a a gər a.

Yuhana 15:26

Ama wele ana à zlèk a kurum a ka, a deriŋa, kamala megweɗe ya, Mezite Mesife ana a ɗif a à ndzer ŋa a mburma ya. A dere a ka, i təv Tsir gà ya. Na Yàa da a təv ŋgar ka, i slir a kurumeriŋa. A tsik a a mburma tserdze, iye ana weke ka, a ne a mala sida gà.

Yuhana 5:44

A sàs a kurum ka, mazàmbaɗàyà à ba kurum ɗekɗek pəra. Ama a sàs a kurum mayaha mezlibe ana a dara i təv Mbulum ana ŋgat ilik a tsa. Na kataya ana, dite meme na ki slwim a aà magəsa iye ɗar ɓav a?

Yuhana 8:43

Aàmala na kà tsarakum dukw ana i tsik a kurum a ya tsiye? Aɗaba kàa slwim medzè zləm a bazlam gà tsa.

Gà Ɓəzla Meslire 16:14

Ama məkəs ŋgiɗ a riŋ ilik i liwiŋ tar, zləm ŋa Lidiya. A dara i kwite Tiyatira ya. Ŋgat ka, mala madzàwà à petek ana ŋgwal ŋa lele ya. Ama məkəs ata ka, a dzawa gurmits a bəɗ a Mbulum mbaŋa. A dza zləm a dukw ana Pul a tsik a ka, lele. A tsahən ahər. Dite BATSAH kwa ŋa tekeɗe, a hə̀ndə̀kar i gəzləŋ a lele, nda təv dukw ana a tsaraka ya.

Gà Ɓəzla Meslire 17:18

Gà wele duwa a riŋ i kwite ata mbaŋa. Zləm tar gà *Epikuriya nda *Situkiya. Tar ka, gà ɓəzla meɗe à fəla ana ti ɗe a dər a mburma ya. A pat duwa, gà asiŋ ŋa ana i liwiŋ tar a, tə dza ba aà mege bazlam nda gà Pul asa. Gà mìsle ŋgiɗ ta gwaɗawa: «Dukùla na naha a ɗeme a dze ka, kà sərakwa tsiye?» Gà asiŋ ŋa ibam, ta gwaɗawa: «A ɗif a ka, à gà zləm mbulum ana kà sərakwa ilik tsiye.» Ti tsik ahər gà bazlam ata ka, aɗaba ana Pul a riŋ a tsik a ka, aà Yesuw nda mimbile ŋgar ana a mbəlara i məməta ya.

Gà Ɓəzla Meslire 17:32

Aləka gà mburma ata tə tsaraka bazlam Pul ata a ɗif à wele ana a mbəlara i məməta ya ka, gà mìsle ŋgiɗ tə dza ba aà sawla, ti sewle ahəriŋa. Gà asiŋ ŋa ta gwaɗar: «Ki ti tsik a mər a guma bazlam ata a pat ŋgiɗ asa.»

Gà Ɓəzla Meslire 18:15

Ama bazlam ana magàwàɗà gər a mburma taf məfara ŋa, zləm bazlam ŋa a riŋ tsa, ki tsikwim a ka, agəra məpala ahəm kurum ɗekɗek pəra ya ka, i sle a aà mege seriye ŋa tsa. Gwim megemir ŋa dukw kurum.»

Gà Ɓəzla Meslire 25:19

Ama i tsaraka, ta mbetseba ahəm ka, ndaka təv fəla tar ana ti zezem a ya, dite ndaka təv wele duwa tə zalar Yesuw, a mət kuɗa ka, Pul a gwa, aka mbəlara i məməta ya pəra.

1 Kurintiya 1:18

Aɗaba gà mburma ana tar ti dzeye a ya ka, tar ta fə̀r aà bazlam ata aka gər məməta *Kiristi ana a mət aà dizl magə̀làwà ŋa ya ka, kamala ana dukw falày taf masakəŋa ya. Ama kwa ana Mbulum a mbil à kwe a ya ka, kà sərakwa dər, taŋa na ndzəɗa Mbulum a.

1 Kurintiya 1:21

Kaɗəŋ ndzer, gà mburma gər ahəɗ ka, Mbulum aka ɗif a tar à metsehe ŋgar ibam. Ama ka, tə sər ŋgat ŋa tsa. Aɗaba taŋa, Mbulum a waya məmbə̀là à mburma nda bazlam ana mər ihər mìi ɗif a dər a mburma ya. Gà mburma gər ahəɗ ka, tar ta gwa: Bazlam ata aka gər məməta Kiristi ana a mət aà dizl magə̀làwà ŋa ya ka, dukw falày taf masakəŋa. Ama Mbulum ŋgat ka, a sasar məmbə̀là à gà mburma ana ta gəs nda gəzləŋ tar a.

1 Kurintiya 1:23

Ama mər, mìi ɗif a ka, à bazlam ana aka gər Kiristi ata tə ndwandway aà dizl magə̀làwà ŋa ya. Mìi gweɗe a: Ŋgat na mala məmbə̀là à mburma ya. Bazlam ata ka, à tìrfìɗ a gəzləŋ a gà Yahuda tərfə̀ɗ tərfə̀ɗ, a tsahən aà tar tsidze. Dite gà asiŋ gà mburma ana tar gà Yahuda tsiye ka, tar ta fir ahər a kamala ana dukw falày taf masakəŋa ya.

1 Kurintiya 1:25

Na bəla gà mburma ta gweɗe a: Mbulum ka, metsehe ŋgar a riŋ tsa, ama tsaatsa tə sər dukw ana ta gwa ahər, dukw falày taf masakəŋa ya ka, dukw ata à zè a dər metsehe tar fit kweleŋ. Na bəla ti dzele a ka, ta gweɗe a: Mbulum ka, ndzəɗa ŋgar a riŋ tsa, dite megemir ŋgar ana ta gweɗe ahər a, ndzəɗa ŋa tsiye ka, tsaatsa, à zè a ndzəɗa tar fit asa mbaŋa.

1 Kurintiya 15:44

Aɗaba tə zlawa mburma a biye ka, slu ba gər ahəɗ ɗekɗek pəra. Aləka i təv ana a ta mbil a ya ka, a ŋget a ba awiya ŋa ana Mezite Mesife Mbulum a viler a ya. Kamala ba kwa ana kinehe ya ka, ki ta ŋgetekewe a ba ana Mezite Mesife Mbulum a vile a kwe a ya aka miɗ tekeɗe, kataya mbaŋa.

1 Kurintiya 15:46

Ama kə̀ ŋgatawukwa malahalah ŋa ka, ba ana biy Mezite Mesife Mbulum ata ya zukw tsa. Kə̀ ŋgatawukwa ka, ba ana biy gər ahəɗ masakəŋa ya dzekwiŋ, dite i dəba ŋa ya, ki ŋgetekewe a ba awiya ŋa ana Mezite Mesife Mbulum a vile a kwe a ya kuɗa.

1 Kurintiya 2:12

Ama madzala gà gər ana kinehe ki dzelekwe a ya, a dara ka, i gər mburma ya tsa. A dara ka, i huɗ Mezite Mesife Mbulum ana a slərra a təv kwa ya, dite na kà sərakwa gà dukw ana a vəl a kwa biy taf a ahər tserdze ya ya.

1 Kurintiya 3:1

Gà damər gà, akahər ana iye riŋ ika magər kurum a ka, i fàfəlawa a kurum kamala ana i fèfil a ka, a gà mburma ana tàa ŋgat Mezite Mesife Mbulum a gəzləŋ tar a tsa. Aɗaba kurum akahər ata ka, kamala gà ɓəza ya mba, na i təv megìse kurum ana kə̀ gəsum Yesuw Kiristi ya, agəra ana ki zezemwim a dukw gər ahəɗ a.

YAKUBA 3:15

Medzìbe metsehe ata a dara ka, i təv Mbulum ana i gər ŋa ya tsa. A dara ka, ika gər ahəɗ a, nda gà i madzala gà gər mburma ya, nda gà i təv Əbay sitene ya ivaɗ.

1 Yuhana 2:20

Ama kurum tserdze ka, kà sərum gà dukw ana gà ndzer ŋa ya, aɗaba Kiristi na a vəl a kurum Mezite Mesife ŋgar a.

1 Yuhana 2:27

Ama kurum ka, Kiristi aka vəl a kurum Mezite Mesife Mbulum ana a ndze a i gəzləŋ kurum a. Aɗaba taŋa, mala medzeŋge a kurum ŋgiɗ pam ka, a riŋ asa tsa. Mezite Mesife ŋgar ata na a riŋ a dzeŋge a kurum a gà dukw tserdze kinehe kuɗa ya. Dukw ana a dzeŋge a kurum a ya ka, ndzer kaɗəŋ, pàrsa iɗəm tsa. Aɗaba taŋa na i tsik a kurum a: Gwim kamala ana a dzeŋge a kurum a ya, kamala megweɗe ya, ndzum i təv ilik ŋa nda Yesuw Kiristi kəla pat.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.

Yuda 1:19

Kamala taŋa ya, gà taŋa na tì dzik a ikaba gà mburma ya ya. Tar ti zezem a ka, madzala gà gər tar ɗekɗek tsəka, biy Mezite Mesife Mbulum tsa.