1 Kurintiya 2:12 - Bible Zulgo

¹² Ama madzala gà gər ana kinehe ki dzelekwe a ya, a dara ka, i gər mburma ya tsa. A dara ka, i huɗ Mezite Mesife Mbulum ana a slərra a təv kwa ya, dite na kà sərakwa gà dukw ana a vəl a kwa biy taf a ahər tserdze ya ya.

1 Kurintiya 2:12 ပူးပေါင်းရင်းမြစ်များ

RUMA 8:1

Aɗaba taŋa, kinehe ka, seriye Mbulum à gis a gà mburma ana tar mandza ŋa i təv ilik ŋa nda gà Yesuw Kiristi ya, ilik asa tsidze.

RUMA 8:32

Mbulum ŋgat ka, ku mege Kəla ŋgar aka niw dər tsa, ama a miyak à ŋgat, dite mə̀ mət aɗaba kwa tserdze. Na Mbulum aka vəl a kwa Kəla ŋgar seyiŋ ana, kà dzalum ana, a ta vilekwe a gà dukw ŋgiɗ tserdze mbaŋa tsiye?

1 Kurintiya 1:27

Ama Mbulum a pala ka, gà na gà mburma gər ahəɗ ti tsik a aà tar, ta gwa, tar ka, gà ɓəzla falày, tə sər duwa tsiye, na dite ti ne gà biy ŋgar a. A pala tar ka, a sasar à nikiɗ a à gà na ta gwa ka, ndzihndzih mì sər duwa ya. A pala ka, gà na gà mburma gər ahəɗ ti tsik a aà tar, ta gweɗe a, ndzəɗa tar a riŋ tsiye, na dite a ndeɗe a hwarwa aka gà na ta gwa, dzəŋdzəŋ mər gà ɓəzla ndzəɗa ya.

1 Kurintiya 2:6

Gà na tàa sime ika vatwa Mbulum a ka, i ɗif a ter a à dukw ana metsehe iɗəm a mbaŋa kaɗəŋ. Ama taŋa ka, metsehe gà mburma gər ahəɗ nda biy gà Əbay ana ta kwere a tar a iɗəm tsa kəla. Aɗaba ndzəɗa ata ka, à ndìv a aà tar a.

1 Kurintiya 3:22

Mər nda Apalus nda gà Piyer ka, mì ne gà biy kurum, ku mege gər ahəɗ, ku mege kwiye i təv məməta nda təv mesife ana a ndze a ya tekeɗe, i ahər kurum mbaŋa. Nda gà ku mege gà dukw ana ta ge a ba kinehe ya, ndəna a ta ge a ba aka miɗ mba ya tekeɗe, taŋa tserdze ti ne gà biy kurum mbaŋa asa.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

YAKUBA 4:5

Kurum kù gwaɗum ana, dukw ana ta wetse i wakita Mbulum ana, dukw masakəŋa taf a? A gwa ka: «Mbulum a ge a are aka mesife ana a vəl a kwa ya. A waya, na dite ki mèkwer a dər a.»*fa*

1 Yuhana 2:20

Ama kurum tserdze ka, kà sərum gà dukw ana gà ndzer ŋa ya, aɗaba Kiristi na a vəl a kurum Mezite Mesife ŋgar a.

1 Yuhana 2:27

Ama kurum ka, Kiristi aka vəl a kurum Mezite Mesife Mbulum ana a ndze a i gəzləŋ kurum a. Aɗaba taŋa, mala medzeŋge a kurum ŋgiɗ pam ka, a riŋ asa tsa. Mezite Mesife ŋgar ata na a riŋ a dzeŋge a kurum a gà dukw tserdze kinehe kuɗa ya. Dukw ana a dzeŋge a kurum a ya ka, ndzer kaɗəŋ, pàrsa iɗəm tsa. Aɗaba taŋa na i tsik a kurum a: Gwim kamala ana a dzeŋge a kurum a ya, kamala megweɗe ya, ndzum i təv ilik ŋa nda Yesuw Kiristi kəla pat.

Sunwa Yuhana 12:9

Ti yàra iɗəm batsah kə̀rəm ata a bəra ya. Ŋgat ka, miviye mesiwiɗ ana akahər ata a banawa ɗa gà mburma ika gər ahəɗ a. Tə zalar ka, Əbay sitene, kige tsa *Sadan. Kùtsùkw ti yàra iɗəm ŋgat aka gər ahəɗ a, tə dzara à tar a ka, nda gà gawla ŋgar ata ya tserdze.

Sunwa Yuhana 22:6

I dəba ŋa ya ka, gawla Mbulum a gweɗiŋ: «Gà bazlam aaha ka, gà ndzer ŋa, pàrsa iɗəm tsa. Mbulum BATSAH kwa ŋa, mala məvəla Mezite Mesife ŋgar a gà ɓəzla məma à guma ŋgar na a slərra gawla ŋgar a, dite ka, a ɗif à dukw ana a ta ge a ba bise ya, a gà ɓəzla meslire ŋgar.»